Matius 7:25 - ALLAH ANE WENW KET MEKE WAROGO WOKNINAKHIKHE WENE

²⁵ miso kogat usa'ageik, i itluk kogat wageik, hisakne kogat hubetha ageik, hagakhikhe mekeat he, o etnogo helekit oba dukhugon halhikhesikmo nogo nen, thagoukhogon lageidek huk ageikhe iti hakeneat hagasigin o.

Matius 7:25 ပူးပေါင်းရင်းမြစ်များ

Matius 16:18

Nen, ageikhe inom yokhesik. Hat hetaga helekit u hak, Petrus o. Nen, helekit isa yi baga hipikhogon, an nagarumi natogorlogo 'bisalok o negen halogo 'bisigi halok he, at wema baga iteerek etnogo nen obatnerogo erlok degetdisagein dek o.

Matius 7:24

Itithogon yogeisasikhesik nen, ageikhe men yogeisasikhe, “Halok he, tha nen, an nane iti asuk holiluk mothogon hagakhe halok, at nen yi hakene hagasigin o. Ap ageikhe etaiken werek meke nen o helekit oba dukhogon halhikhemo,

Matius 7:26

Meke re, tha nen an nane yi asuk holhe dogolik mothogon hagariogo dek halok, yi hakeneat hagasigin. Ap ageikhe etaiken dek meke nen o lelagama dukhogon haldilukmo,

Matius 7:27

miso kogat usa'ageik, i itluk kogat wageik, hisakne kogat hubetha ageik, hagakhe dogolik, o etnogo wakhikhemo, thatnakhogon wolok laga dogolik motok misak-dapukhogon weagatdisikhe iti hagat o,” iluk yogeisasikhe.

La'isasikhe 14:22

Alep laga dogolik, akhuni Yesus ane yakulisilik lagoukhama waganhukha meke yabokane inoba haklarik dukhi aga dogolik, inetaiken ago warinakhik, inasuk wakhik, ilik dukhi aga dogolik, men yogeisasukha, “Wene eberogonat iluk hinetaiken Yesus oba hakotdisigip meke iti, hinobatnerogon hakotdiluk dogono. Nit yabokane Allah apma motok dogouogoluk ninoba yi aik ti aik hekhe dogoluk nenat ukugun o,” iluk yogeisilik dukhi agoukha.

Efesus 3:17

Hinetaiken at Kristus oba hakotdumo, at ebe hinakla ai halogo werekma, yi meke ti meke ai yakhunem omaken yakhik, o herlaga obatnerogon 'bigik, hagakharek hak, hinobabut akhuni aperek inebe inakmurogon welageikharek iti meke baga hinomaken ya'iluk a'bethogon dogobageik iluk, Allah ayoko 'bekhe lageiat o.

Kolose 2:7

hinomaken Yesus oba a'bethogon ya'iluk, hinetaiken at oba 'bogokhogon hakotdiluk, hinom hunik dogolik nen, hinetaiken horle ago motok dogolik, Allah heagei wakho motok dogono o.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

1 Petrus 1:5

Hinetaiken at Allah oba hakotdiluk welagap iti nen, at obatne baga hakhisik dogoluk nen, yabokane hinebe hanothinabigin meke ilugun hurli baga winametdigin iti.

1 Petrus 1:7

Emas oko kogat palharek meke iti hano a? Weak a, iluk hetu aik oba walhegarek iti hak, Allah nen, “It inetaiken an noba eberogonat hakotdiluk werek a? Dek a,” iluk, ekagat asuagaluk apasinem, hinoba yi akin-pakinhogo hekhe lagap iti o. Emas iti, we yugunat dek asigin mekeat he, ebe wene kok he, hinetaiken Allah oba hakotdiluk welagap itiat o. Hit hinetaiken at oba hakotdiluk dogogun halok he, at nen hinobabut palhe dogoluk nen, Yesus Kristus thelekmaat la'isigin itinem, hogothinakhik, hinalonethinakhik, kogotdinagagik, hagasigin o.

1 Yohanes 2:19

It akhuni iti inebe re, nit meke palek mekeat he, it inebe eberogonat nit werekmake meke dek o. It inebe eberogonat nit werekmake meke dogolepma re, inebe nit ninom motogat dogolo. Meke re, it iti inebe tha'bokhogonat nit meke dek, ninat meke ekagat hagatlasuagaluk dukhisukha iti o.