Matius 7:11 - ALLAH ANE WENW KET MEKE WAROGO WOKNINAKHIKHE WENE

¹¹ Hit hinobabut weak hegakhethep mekeat he, hina'buri hano meke wogeisegethep iti hinilumo, hano meke wogeisegethep o. Iti hak, hinopase Allah pogot oba meke iti, kino yogosugun meke motok hano meke wogosigin dek nogo a? Wogosiginat o.

Matius 7:11 ပူးပေါင်းရင်းမြစ်များ

Matius 23:9

Nen, hinopase pogot oba meke opakiat welagarek iti nen he, ap agat oba meke ageikhe yogokhe dogolik, Nopase, iluk yogosusak motok dek o.

Matius 7:10

E a, at he, Ikan abu, isinem, warlo pelal meke wogeisegethep nogo a? Dek o.

Yohanes 3:16

Yi akhuni ti akhuni Allah akmu motok nen, inebe inetaiken an noba hakotdugun meke inebe tomok watlatluk nen, nuk ageidek iniluk motok dogoagaluk, a'but an nebe irlagapi itago meke wogeisasikhe.

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Roma 3:9

Halok he, nit Yahudi meke anek, hano aga korlek, it itikmanke meke nuk asugun usak nogo? Motok dek o. Akhuni Yahudi meke dek, itikmanke meke dek, tha'bokhogonat dapukhogon weak meke apma dogolik weak hagakharek anek iluk alebat yokhisigi iti.

Roma 8:32

At ekaerek a'but akmu nen hakhigidek nit tha'bokhogonat hasik watlasuagaluk la'i ageikhe. At obabut hano nen itithogon woknisasikhesik nen, yi meke ti meke oba duk-duk woknisagein dek nogo? Woknisageinat o.

Galatia 3:22

Allah ane baga holal waganogo 'bekhe dogolik, “Akhuni hinebe tha'bokhogonat weak hagakhe lagap meke iti baga, hiniki herle warogo hakene welagap,” iluk, yoknisasikhe iti, nit ninetaiken Yesus Kristus oba hakotdumo, Allah nen abok isikhe meke etnogo nit ninetaiken at oba hakotdugun meke woknisagaluk isikhe iti.

Yakobus 1:17

Ninopase Allah pogot oba meke etnogo nenat yi meke ti meke hano meke woknisigik, hano motok meke woknisigik, usaknisa agarek iti. At nenat pogot obake lia welagarek meke iti winametdisikhesik nen, at ebe ninat hagatlageik, abel dagakhogon mum ageik, lia ageik, hagakherek dek.

1 Yohanes 3:1

At Allah nen he, “It yi an na'buri,” iluk itakninakhikhemo eberogonat nit ninebe at a'buri welago. Itithogon welagorek iti nen, ninebe at akmu motok welagarek iti 'bikhani! Itithogonat mekeat he, it akhuni agat oba meke inobabut inikhok meke emenogo nen Allah ebe inokodek iti nen he, nit ninebe inokodegat o.

1 Yohanes 4:10

It aperek inakmurinakharek iti ebe re, nit nen Allah ninakmurakhugu 'buk. Dek o. At Allah nen nit akmutninakhikhesik, at nen nit weak hagakhorek meke thagalogo degetdisalok hotninabuagaluk, a'but ninoba usa'i ageikhe iti o.