Matius 6:33 - ALLAH ANE WENW KET MEKE WAROGO WOKNINAKHIKHE WENE

³³ Halok he, hinopase Allah nen apma dogolik hagakhe dogosak iti hasik men, nen, at nen, Yigithogon tigithogon hagatno, iluk yokhisugunem hagakhe dogosak iti hasik men, kogotdekhe dogogun halok, yi meke ti meke iti oba dukhogon wokhisageinat o.

Matius 6:33 ပူးပေါင်းရင်းမြစ်များ

Matius 19:28

at Yesus nen, “At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o.

Matius 19:29

Halok he, an netaga kok asuagaluk tha nen ai halek men, oe agot men, erugi men, agosa opase men, a'buri men, wen waganek men, here'isalok waga halok he, oko obolukmo Allah nen iniki 100 oba hakene motok doalegat wogokhik, naburlal-haburlal wogokhik, hagasigin o.

Matius 3:2

“At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Matius 4:17

Dagei ageikhesik dogolik, hurli iti hurli nen, akhuni etoma yogeisekhe dogolik, “At kok pogot oba meke nen apma 'bisagein etnogo yogotak arat apma 'bisagein o. Halok he, weak hagakhe lagap meke here'isalok hinobabut hebelatni o,” iluk yogeisilik nekhe lageikhe.

Matius 5:6

Nen, akhuni hipiri inom, i inom, abu ageikharek hak, Allah akla apekherek meke kogotdiluk mot motok hagasu warlok apegarek meke iti, hipiri ina'ithogon nekarek hak, yabokane Allah nen inakla warlok apiliogei tak-tagat wogeisagein iti nen he, inakla arleken akhekhe dogosagat o.

Lukas 1:6

It age ipisak iti ninopase Etagapogot nen, “Yigithogon hagatno, tigithogon hagatno,” iluk, yakulnisigik, ninasuk wakhik, isikhe meke etnogo, motok mothogonat hagakhe lagoukhama, at Allah nen, “It iti inobabut hano motok,” iluk, ekagat ileken isekhe lageikhe.

Lukas 12:31

At Allah apma ukiluk dogogun it meke kogotdugun halok, hit yi meke ti meke iti oba dukhogon wokhisageinat o.”

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

La'isasikhe 20:25

An hit nagarlak lak nerugi tha'bokhogonat wene Allah apma ukiluk dogogun iti wene yokhisilik nekhe lagei iti, hurli yogotak yi baga nen, hit nen yabokane nelokhoken hinileken neagun dek o, iluk an nilu.

La'isasikhe 28:31

Itithogon woginakhunem, it aperek nen wenagakhidek werek korlek, at ayuk dek pakhogonat wene Allah nen apma 'bisekherek wene etnogo yogeisigik, ninoe Etagapogot Yesus Kristus hagakhe lageikhe wene etnogo yakulisigik, ekhe lageikhe.

Roma 1:17

Allah nen men isikhemo holal waganogo 'bekhe dogolik, “Akhuni inetaiken an noba hakotdisinem nen, an nen wene inoba meke korogo wokhalok yabokane inapuke an ninom hunetlatluk iniluk motok dogogun o,” iluk isikhemo holal waganogo 'bisukha hagat, Allah ninom yabokane ninapukhe itithogon hunetlasusak, iluk, hano wene iti baga thelekmatdisikhe. Allah ninom yabokane ninapuke hunetlasusak wene iti ebe re, ninat ageikhe hagasugun oba nen 'buk. Ninetaiken at oba hakotdiluk erlo baga nen piokhogon hurli ekapul oba dogogun iti baga, Allah ninom yabokane ninapuke hunetlatluk dogogun o.

Roma 10:3

It he, Allah nen wene inoba meke korogo wokhalok yabokane inapuke inom hunobo 'bisoagaluk, at apma ukiluk dogolik hagasusak meke inokodek nen hagakhidek welagoukha. Inekaerek inakla nen apalok inobatnerogon hagakhe lagoukha iti.

Roma 8:31

Wene tha'bokhogonat iti hasik, nit nen nikithogon ugun. Allah nit werekmake aga halok, tha nen erlok degetdinanusak nogo. Erlok dek o.

1 Korintus 1:30

At Allah nenat hit Kristus Yesus hinom hunik dogobageik iluk 'binageikhemo welgap iti. Wene ninakla kagalek dogou hak, Yesus ebeat woknisasikhe. Itithogon woknisasikhemo, at nen Allah ninom yabokane ninapuke dapulogo 'binanhik, ninebe Allah hasik 'binanhik, tilninakhik, hagakherek.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

2 Tesalonika 1:5

Allah nen akhuni ukum inoba 'bigik, kokhik, mothogon 'bekherek iluk ekagat asigin. Hit yogotak Allah apma ukiluk ane hologo welagap iti hasik, akhuni nen yi aik ti aik hagathinakho korlek itithogon welagap iti nen, at nen yabokane, “Hit erlok an napma ukiluk hinaierek motok dogono o,” iluk, yokhisagein iti o.

1 Timotius 4:8

Akhuni inebe hasik mep aborlokhogon asuagaluk hagakharek iti, yogotak ya elanma hasik herlekha'bugat hano negen hagakharek. Meke re, ninetaiken hasik Allah apma dogolik, at ayabu hagakhe dogoumo, at Allah nen he, “Yogotak hiniluk welagap meke hasik inom, yabokane hiniluk motok dogogun meke hasik inom, hano motok hagatlasigin iti o,” iluk, abok yoknisasikhe iti eberogonat.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

2 Petrus 1:11

Ninoe Etagapogot Yesus Kristus tilninabiogo meke etnogo, kok motogat dogoginmo etoma 'binagei ukekhe dogolik, at nen, “Hit hinebe iteerek o,” iluk, heagei warogo hanorogo wokhisik ukigin o.