Matius 6:30 - ALLAH ANE WENW KET MEKE WAROGO WOKNINAKHIKHE WENE

³⁰ Oka herleka o limoke welagarek iti, yogotak hak hano welagarethek nen, hubuluk hak hetumo hundisegarek mekeat he, Allah nen inasu isu hak hano meke hagarogo 'bisekherek iti hak, hinebe hasik, hanorogo ikhinabigin dek nogo? Ikhinabiginat o. Hinetaiken Allah oba hakotdu'buk yi re!

Matius 6:30 ပူးပေါင်းရင်းမြစ်များ

Matius 14:31

Yesus nen iki hago meldekhe dogolik, “Hat hetaiken noba hakotdigidek, hetaiken pere welaganma iti nenaluk,” iluk yogokhikhesik,

Matius 16:8

at Yesus nen ekagat hutdisasikhesik men yogeisasikhe, “Hit hinetaiken an noba aban hakotdigidek dogolik, Roti dek, iluk ekhe lagap iti nenaluk.

Matius 17:17

Itithogon yogokhikhemo, at Yesus nen, men yogokhikhe, “Hit akhuni o yogotak welagap meke yi, hinetaiken noba hakotdigidek dogolik nuk akhekhe lagap yoma re! An hit ninom niki meren oba dogogun nogo. Hit nen nakla pugurakhe korlek nobakhanini hapugutdiluk niki meren dogogin,” iluk yogeisasikhesik nen, “Yekerek ithi an noba wolok witni o,” iluk yogeisasikhemo

Matius 8:26

Itithogon yogokhukhama, at Yesus nen he, “Nenaluk hinayuk aga lagap? Hinetaiken an noba hakotdu'buk yoma re!” iluk ane ilik ilik melageikhesik hisakne etnogo inom, i hoklabu etnogo inom, “Haborlok,” iluk wenagakhikhemo, aborlok motok dek ageikhe.

Markus 4:40

Itithogon hagatlageikhemo, at Yesus nen, men yogeisasikhe, “Hit nenaluk hinayuk nen hagakhe lagap. Hinetaiken an noba aban hakotdigidek welagap a,” iluk yogeisasikhemo,

Markus 9:19

Yogokhikhemo at nen it akhuni emenogo men yogeisasikhe, “Hit akhuni o yogotak welagap meke yi, hinetaiken noba hakotdigidek welagap yi re! Hit nen nakla pugurakhe korlek an nobakhanini hapugutdiluk niki meren oba ninom dogogun nogo. Yekerek ithi an noba wolok witni o,” iluk yogeisasikhemo oba wolok wagoukha.

Lukas 12:28

Halok he, oka herleka o limo welagarek meke iti, yogotak hak, hano welagarethek nen, hubuluke hakene, hetumo hundisegarek mekeat, Allah nen inasu ikhasu hak eken motok hano hagarogo 'bisekherek iti hak, hit meneke hinasu i'binagagin dek nogo? Hinetaiken at oba hakotdiluk dogou'buk yi re!

Lukas 9:41

Itithogon yogokhikhemo, at Yesus nen it akhuni doalegat emenogo men yogeisasikhe, “Ap yirani! Hit akhuni o yogotak welagap meke yi, hinetaiken noba hakotdigidek dogolik, nuk akhekhe lagap yoma re! Nakla pugurakhe lagap yoma niki meren oba nobakhanini hapugutdiluk ninom dogogun nogo!” iluk yogeisalok nen, ap etnogo men yogokhikhe, “Ha'but ithi wolok eme o,” iluk yogokhikhe.

Yohanes 20:27

yabokane at Tomas men yogokhikhe, “Hat hakla nen eberogonat iluk hetaiken noba hakotdigidek welagan itithogon dogogun o. Eberogonat iluk hakla apanok nen he, hiki haknealok, niki baga hileken niigik, nabelekenma thege elo hiki kola'igik, hagatluk nen, hetaiken noba hakotdino o,” iluk yogokhikhe.

Ibrani 3:12

Halok he, nagarlak lak nerugi. Hit aperek hinobabut weak atluk, hinetaiken Allah iluk motok welagarek meke oba hakotdigidek dogolik, at ebe here'isalok hinapuke dukhi launogo iluk, hinobabut hebelogo dogono o.

1 Petrus 1:24

Iti, Allah ane men iluk holal waganek werek hak, “Akhuni tha'bokhogonat he, inebe oka hakeneat o. Hano iluk hogorinakharek iti, o eken hogorakharek iti hak hogorinakharek iti. Eka puk ageik, eken lologo usasigik, hagakherek iti.