Matius 6:27 - ALLAH ANE WENW KET MEKE WAROGO WOKNINAKHIKHE WENE

²⁷ Nen, hit aperek hinakla nen, An nebe watlasigin itinem, 'bogokhogon watlageidek, yabokane herlekha'bugat ageikhe inom niluk dogole e, iluk, wene munini uan 'bero ebesigin iti baga, hiluk ageikhe inom dogosak nogo? Erlok dek o.

Matius 6:27 ပူးပေါင်းရင်းမြစ်များ

Matius 5:36

Nen, yogotak he, nisi opakiat morla asugak igik, nen, yogotak nisi opakiat mirli asusak igik, isinem hinane hologo morla ageik, mirli ageik, hagakherek motok dek o. Halok he, hinukuloak iti etaga palogo hupuk palusak degat o.

Matius 6:25

An nen itithogon yokhisigi iti nen, hit hinakla nen, Niniluk dogouogoluk hipiri men, i men, ki meke nugun. Nen, ninebe su ki meke isugun, iluk hinelabut hisikhogon wene munini uan 'bero ebekhe dogunogo iluk yokhisigi. Nekarek meke iti kogat nogo? Hiniluk welagap iti kogat apigi. Su ikharek meke iti kogat nogo? Hinebe iti kogat apigi.

Matius 6:28

Hit nen, su hinoado baga isusak iti hasigat nenaluk hinelabut hikhe lagap. O eken mirliken morlaken okake ikherek etnogo hutdini. O eken iti aban isigiluk, yabu dikhak yugulogo waganhik, yo dalogo su negen ikhik, hagakherek motok dek o.

Matius 6:31

Halok he, hit hinelabut hisogo wene munini uan 'bero ebekhe dogolik, Ninapiri ninagei koma meke nugun? Nen, ninasu nena meke ikhagun, ekhe lagap iti usak motok dek o.

Matius 6:34

Halok he, hit nen, hubuluke hasik hinelabet hisogo wene munini uan 'bero ebekhup o. Yogotak weak ariogo meke werek korlegat he, hubuluke weak asigin meke ebesusak dek o,” iluk yogeisasikhe.

Lukas 10:41

at Yesus nen, men yogokhikhe, “Marta, Marta. Hat nen, yi meke ti meke hasik helabut hisogo thet weak hagakhe lagan higi.

Lukas 12:11

Hit hinitema waganuagaluk akhuni nen it akhuni Yahudi meke sembayan egarekma etoma men, it ap pemerintah meke inelokhoma etoma men, it ap inetagapogot inelokhoma men, wokhisik 'binagei lugun halok he, hinakla nen, Nit ninoado tilogo wene oko ki meke ugun, iluk hinelabut hikhup o.

Lukas 12:22

Itithogon yogeisalok, at agarumi ane waganhe lagoukha meke emenogo men yogeisasikhe, “An nen itithogon yokhisigi iti nen, hit hinakla nen, Niniluk dogouogoluk he, ninapiri ki meke nugun. Ninasu ki meke ikhe dogogun, iluk, hinelabut hisikhogon wene munini uan 'bero ebekhe dogunogo iluk yokhisigi o.

1 Korintus 12:18

Meke re, at Allah nen akla apalok nenat niniki ninisok ninebe yi meke ti meke ninebe baga werek yoma obolukmo tomok hunogo 'binanhikhemo ninebe opakiat meke welago yi.

Filipi 4:6

Yi meke ti meke hasik wene munini uan 'bero ebekhidek, tha'bokhogonat hasik Allah ayoko 'bekhe dogolik heagei warogo kino yogokhe dogono.

1 Petrus 5:7

Allah hinebe akmu iti nen, hit yi meke ti meke hasik hinakla wene munini uan 'bero ebekhe lagap iti here'isalok hinetaiken at oba hakotdiluk dogono o.