Matius 6:25 - ALLAH ANE WENW KET MEKE WAROGO WOKNINAKHIKHE WENE

²⁵ An nen itithogon yokhisigi iti nen, hit hinakla nen, Niniluk dogouogoluk hipiri men, i men, ki meke nugun. Nen, ninebe su ki meke isugun, iluk hinelabut hisikhogon wene munini uan 'bero ebekhe dogunogo iluk yokhisigi. Nekarek meke iti kogat nogo? Hiniluk welagap iti kogat apigi. Su ikharek meke iti kogat nogo? Hinebe iti kogat apigi.

Matius 6:25 ပူးပေါင်းရင်းမြစ်များ

Matius 10:19

Itithogon hinitema waganuagaluk wokhisik lageikha halok he, hit nen oko yogeisagun meke itinem Allah Agoreke nenat hinakla kagalhe dogogin. Halok he, oko nikithogon yogeisagun iluk hinelabut hikhup o.

Matius 13:22

Nen, ai hilik ageikhe okama arlok weakma usa'isikhe meke iti ebe, it akhuni aperek Allah ane iti inasuk holharethek nenat he, inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat negen dogolep e, iluk inakla ebekhe dogolik, inekaerek nen nukhetdakhigik, hagakharek iti nen, wene iti erlo keken atluk nen, eken ikherek dek itiat o.

Matius 6:31

Halok he, hit hinelabut hisogo wene munini uan 'bero ebekhe dogolik, Ninapiri ninagei koma meke nugun? Nen, ninasu nena meke ikhagun, ekhe lagap iti usak motok dek o.

Matius 6:34

Halok he, hit nen, hubuluke hasik hinelabet hisogo wene munini uan 'bero ebekhup o. Yogotak weak ariogo meke werek korlegat he, hubuluke weak asigin meke ebesusak dek o,” iluk yogeisasikhe.

Markus 13:11

Hit hiniki herle warogo wene inoba 'bigik, kokhik, hagakharekma wokhisik lagunem hit nen, An nen wene oko nikithogon igin, iluk hinelabut hikhup o. Wene oko hit nen hinakla kagalogo ugun 'buk. Allah Agoreke nen, Yigithogon ini o, iluk itinem yokhisagein mekeat yogeisano o.

Markus 4:19

inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat dogolep e, iluk inakla ebekhe dogolik, inekaerek nen nukhetdakhigik, inakla nen yi meke ti meke aperek warlok apigik, hagakharek iti nen, wene iti inakla keken atluk nen, eken ikherek dek itiat o.

Lukas 12:11

Hit hinitema waganuagaluk akhuni nen it akhuni Yahudi meke sembayan egarekma etoma men, it ap pemerintah meke inelokhoma etoma men, it ap inetagapogot inelokhoma men, wokhisik 'binagei lugun halok he, hinakla nen, Nit ninoado tilogo wene oko ki meke ugun, iluk hinelabut hikhup o.

Lukas 8:14

Nen, okama arlok weakma usa'isikhe iti ebe, it akhuni aperek Allah ane iti inasuk holharethek nenat, inakla nen, Eiye. Nikithogon hagasigin he, iluk, wene munini ebekhik, Ninameke doalegat dogolep e, iluk inakla ebekhik, agat oba inakla arleken akhausak meke oba ebekhik, hagakharek iti nen, inakla Allha ane iti eken horle ageidek lologo dek agarek itiat o.

Roma 8:32

At ekaerek a'but akmu nen hakhigidek nit tha'bokhogonat hasik watlasuagaluk la'i ageikhe. At obabut hano nen itithogon woknisasikhesik nen, yi meke ti meke oba duk-duk woknisagein dek nogo? Woknisageinat o.

1 Korintus 7:32

Hit he, humi hasik, ap hasik, hinakla wene munini ebekhidek dogobageik nen iluk yokhisigi o. Itithogon igi iti, ap inagugi dek meke nen, ninoe Etagapogot akla hano asuagaluk at kogotdiluk inakla ebekharek o.

Filipi 4:6

Yi meke ti meke hasik wene munini uan 'bero ebekhidek, tha'bokhogonat hasik Allah ayoko 'bekhe dogolik heagei warogo kino yogokhe dogono.

2 Timotius 2:4

It ap ekeraguntek iti, inougi koktek inakla arleken akhoagaluk, wim yakhe dogolik, yi meke ti meke uma werek meke oba ebekhidegat yakharek iti o.

1 Petrus 5:7

Allah hinebe akmu iti nen, hit yi meke ti meke hasik hinakla wene munini uan 'bero ebekhe lagap iti here'isalok hinetaiken at oba hakotdiluk dogono o.