Matius 6:20 - ALLAH ANE WENW KET MEKE WAROGO WOKNINAKHIKHE WENE

²⁰ Meke re, pogo oba meke anek he, warlo nen palhik, ikuru nen hakhigik, ap inil agasabu weak meke nen o talogo iniki abusak wagani ukigik, hagakharek motok dek o. Halok he, pogot oba etomaat hano meke natogorlogo la'bakhausak o.

Matius 6:20 ပူးပေါင်းရင်းမြစ်များ

Matius 19:21

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

Matius 6:19

Itithogon yogeisasikhesik, at Yesus nen ageikhe men yogeisasikhe, “Akhuni nen agat oba yoma yi meke ti meke natogorlogo 'bakhugunem, warlo nen palhik, ikuru hakhigik, akhuni inobabut weak meke nen o talogo wagani ukigik, hagakharekma yoma, yi meke ti meke iti natogorlogo 'bakhausak dek o.

Markus 10:21

at Yesus ileken oba halok akmu atluk nen, men yogokhikhe, “Hat he, wene opakiat anek ageikhe hagakhidek welagan o. Hat yoma nen lalok hameke yi meke ti meke etoma tha'bokhogonat it aperek inoba oko pali lan o. Oko paliluk oko wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok an noporlik nekhe dogonok nen wetno,” iluk yogokhikhemo,

Lukas 12:33

Hit hinameke it oko palogo uang waganigin meke emenogo it akhuni inameke dek meke iti supurisani o. Supurisalok nen, uang ai motok weak agarek dek meke waganogo 'biluk, ukharlogo 'bekhe dogou hak, hinameke hano motok dek asigin dek meke, it ap inil agasabu weak meke nen iniki abusak himasi ukigik, warlo nen palhik, hagakherek motok dekma pogot oba etoma ukharlogo 'binaguagaluk la'akhekhe dogono o.

Lukas 18:22

at Yesus asuk holhikhesik, men yogokhikhe, “Wene opakiat anek ageikhe hagasusak meke re, hagakhidek welagan o. Hat hameke etoma tha'bokhogon it ageikhe inoba oko pali lano. Paliluk oko wokhesugun meke uang iti it akhuni inameke dek inerlageik meke iti motok supurisa lan o. Itithogon arat hagakhen halok he, hat pogot oba meke kogat iteerek asigin o. Halok he, itithogon arat supurogo wogeisalok nen, an noporlik nekhe dogonok nen wetno,” iluk yogokhikhemo,

1 Timotius 6:17

Yi meke ti meke tha'bokhogonat dek asigin mekeat he, it ap koktek inetaga werek meke iti inakla nen hogorakeke dogolik, “Nameke agat oba meke yoma motok doalegat yi nen nebe hano dogogin,” iluk, apekhe dogunogo. At he, at Allah yi meke ti meke tha'bokhogonat ninakla arlekenhogon horlekhe dogoagaluk kokhogon woknisekherek etnogo nenat hanotninabigin iluk hutdekhe dogoak nen inasuk wakhe dogono.

1 Timotius 6:19

Itithogon hagakhe dogogun halok he, yi meke ti meke yabokane meke hasik natogorlogo 'begarek hak, hano hagakhe dogolik, yabokane motok dogogin meke hasigat 'bakhekhe dogoluk nen, ninebe eberogonat ninilugutninabumo dogogun iti mekeat horloagaluk inasuk wakhe dogono o.

Ibrani 10:34

it aperek herle warogo kola'isugunem hinakmurinakhik, hagakhe lagagip iti o. Itithogon hagakhe dogolik hinakla nen, “Nit meke hano motok dogogin meke werek o,” iluk apekhe dogolik, hit meke yi meke ti meke horlugunem hinakla weak ageidek hinakla arleken akhekhe lagagip iti.

Ibrani 11:26

“Yabokane Allah nen oko woknisigin meke werek o,” iluk apasikhesik nen, “Yi meke ti meke hano meke akhuni o Mesir inikimo meke yi kok dek o,” iluk, here'isalok nen, “Kristus hasik ninebe wiik-weakhogon hagatninakhe dogosak itiat kok o,” iluk apasikhe.

Yakobus 2:5

Nagarlak lak nerugi. Hinebe nakmu lak o. An wene igin meke yi hinasuk holini. It akhuni agat oba inameke dek meke iti, Allah nenat wenageinakhe dogolik, “Inameke doalegat dogou hak, inetaiken an noba hakotdiluk dogoak o. Nen, it an nebe inakmu meke, o an nen napma 'bisugunem dogogunmo etoma iteerek asugun iluk abok yogeisasigi meke iti, irat iteerek asugun o,” iluk wenageinakhikhe.

1 Petrus 1:4

Itithogon hanotninakhunem iteerek asugun meke iti, hirli ageidek weak ageidek, dek ageidek, ikhok motok dogogin meke pogot oba ageikhe hit 'binageikhemo werek o.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.

A'bikaka 2:9

Hit ebe meke hasik hinebe kok hinikierek mekeat he, it akhuni Iblis a'buri mekeat he, inekalat, Nit ninebe Yahudi meke, iluk ekhe dogolik, hit hinetaga weak hagarogo weak hagathinakhunem, hinebe hinerlageik weak welagap iti, an niluat o.