Matius 6:2 - ALLAH ANE WENW KET MEKE WAROGO WOKNINAKHIKHE WENE2 Nen, hit aperek hinameke werek meke nen, it dek meke yomageisauwogoluk halok, An itithogon hagakhe lagei, iluk hinaneak walogo hagakhe dogogup. It inetaiken pere dogolik inoado baga anek hano thalek dogolik, o akhuni Yahudi meke sembayan egarekma ukiluk inom, holagarlemke laga dogolik inom, it aperek nen, It hano, iluk hogorinabuagaluk hagariogei iti, hit itithogon hagakhe dogogup. It iti oko horlau hak, hogorinabiogei itiat o. အခန်းကိုကြည့်ပါ။ |
Matius 6:2
56 ပူးပေါင်းရင်းမြစ်များ
Nen hubenke hinileken lakhalok nen, pogot oba erlamuk werek halok, hit nen, Miso wisigin, iluk egethep apigi. Pogot elokhoken hinileken penakherethep nen, Itithogon hagatlasigin, iluk hinetaiken ekerlek dogolik, obabut ekagat palu hinilu mekeat he, yi meke ti meke o yogotak hagatlariogo iti, hit hinilu asuagaluk hagatlariogo mekeat he, hutdigidek welagap yoma re!]
It nen yi meke ti meke hagariogei iti tha'bokhogonat, Akhuni nen 'bitnisik dogoak, iluk, inakla apekhe dogolik hagariogei o. It nen, Sembayan ekhe lagei, iluk, Allah ane thuesika baga holal waganogo inilhaoak oba herle wakharek etnogo, it nen kokhogon wakhik, su itikmanke meke ninat ikharek etnogo, it nen su erageik uanhogon ikhik,
Itithogon werekma oe etnogo witluk nen, at atuaneke etnogo karok oba ebe motok obakha 'bogokhogon warogo, it akhuni inoado baga anek hano thalek inetaiken pere dogolik hagakharek meke la'isekherekma etoma la'isaumo, etoma dogolik, aik kirlidik mak-mak hagakhe dogolik, di ago de ago hagakhe dogogin o,” iluk yogeisasikhe.
Itithogon yogeisasikhesik ageikhe men yogeisasikhe, “Hit hipiri nikidek sembayan isi motok dogouogoluk halok he, it akhuni inoado baga anek hano thalek dogolik, inetaiken pere meke nen, Akhuni nen ekagat hutdinanuak, iluk inelokhoken damutdiluk welageikharek iti hak, dogosak dek o. It iti oko horlau hak, akhuni nen ekagat 'birisegarek itiat iluk, eberogonat yokhisigi o.
Itithogon yogeisasikhesik, ageikhe men yogeisasikhe, “Halok he, hit nen sembayan ekhe dogolik, akhuni aperek inoado baga anek hano thalek dogolik, inetaiken pere meke nen, Sembayan ekhe lagei iti akhuni nen neoak, iluk akhuni Yahudi meke o sembayan egarekma ukegarethek nen, inebe melatluk sembayan igik, holak atoalma melatluk sembayan igik, egarek iti hak, ekhe dogogup o. It iti oko horlau hak, hogorinabiogei itiat o, iluk eberogonat yokhisigi o.
Itithogon yogokhukhama, at nen men yogeisasikhe, “Hit hinoado baga anek hano thalek, hinetaiken pere dogolik hagakhethep iti hasik, at Yesaya nen Allah ane yogeisekhe dogolik, wene men isikhe iti, hit hinobasik mothogon isikhe higi, Allah nen he, It akhuni yoma inape baga nen an hogotnakhe dogolik, inetaiken an noba ebekhidek werlekma ebesi liliogei.
Eiye! Hit ap Farisi meke Allah nen weagathinabigin o. O akhuni Yahudi meke sembayan egarekma ap koktek meke inobolukmo hit thelekmarogon hureklasi ukigik, nen, o pasar oba yi meke ti meke oko waganharekma etoma akuni nen heagei hanorogon wathinabuagaluk ukigik, hagakhe dogosak iti anek warlok welagathep iti.
Hit hinameke it oko palogo uang waganigin meke emenogo it akhuni inameke dek meke iti supurisani o. Supurisalok nen, uang ai motok weak agarek dek meke waganogo 'biluk, ukharlogo 'bekhe dogou hak, hinameke hano motok dek asigin dek meke, it ap inil agasabu weak meke nen iniki abusak himasi ukigik, warlo nen palhik, hagakherek motok dekma pogot oba etoma ukharlogo 'binaguagaluk la'akhekhe dogono o.
at ninoe Etagapogot nen, ap etnogo men yogokhikhe, “Hit hinoado baga anek hano thalek dogolik, hinetaiken pere meke yi re! Hit hinebe tha'bokhogonat niniki Allah hasik werlegat dogolik meke re, hinako sapi a, keledai a, ai halekma nen, thu hualogo herle hisalogo ula'isalok nen, i noagaluk wogosik lagathep dek nogo? Wogosik lagathebat o.
“It ap Allah ane holal waganek iteerek meke inobabut hagariogei iti nen nukhetdeinaginogo iluk, hinobabut hebelogo dogono o. It iti inobabut he, inasu uatek-puatek meke ikhalok pasar oko waganharekma etoma akhuni nen inane agugurogo heagei warinabuak nen iluk lageik, o akhuni Yahudi meke sembayan egarekma ap koktek hurek lageikharekma hureklasi ukigik, akhuni pesta kogat isago nukunem ap koktek hurek lageikharekma hurek lageik, hagakhe dogou anek warlok welageikharek iti.
Hinekaerek hinilekenma o kok meke palek harokthek werek iti higidek dogoligat, hinagarlak lak hinerugi iti yogeisekhe dogolik, Amumuleke hilekenma ukekhe meke iti wokheak o, iluk usak apegep? Hinoado baga anek hano thalek hinetaiken pere welagap yi re! Hinekaerek hinilekenma o palek kok meke harokthek werek iti tak wokhakhalok nen, hinileken arat 'bekelaga halok he, yabokane hinagarlak lak hinerugi inilekenma amumuleke werek meke iti, erlok wokhageinat o,” iluk yogeisasikhe.
Itithogon hutdigidegat dogolik, at Yudas iti agarlak lak inom uang aika it mekeat hago welagarekma nogo nen, men inakla apasukha, “Yesus nen nit pesta hagasusak hasik yi meke ti meke oko pali loagaluk yogokhe a? At he, akhuni inameke dek meke uang ageikhe opakitek supurisa loagaluk yogokhe a,” iluk inakla apasukha.
Iti hipiri no ebe aban hagatlageidek werek korlek, it akhuni Yesus ane waganhukha meke emenogo nen he, “Halok he, nit ninebe tomok uang ninikimo aga meke tak-tagat Allah a'buri ninagarlak lak ninerugi o propinsi Yudea etoma natogokharek meke yomageisauwok nen natogorlogo la'uok o,” iluk wene palhukhasik uang natogokhukha.
Nen, it aperek nen, akhuni inetaiken ago wakhe dogoagaluk inobabut wogeisasikhe meke iti, itithogon hanorogo hagakhe dogosak o. Nen, it aperek nen, inameke it akhuni inameke dek meke supurisekhe dogoagaluk inobabut wogeisasikhe meke iti, ina'it ageidek iniki debekhogon wogeisekhe dogosak. Nen, it aperek inoe kok dogoagaluk inobabut wogeisasikhe meke iti, inobatnerogon hagakhe dogosak. Nen, it aperek nen akhuni inakmurogon hagarinakhe dogoagaluk inobabut wogeisasikhe meke iti, inakla arleken akhekhe dogolik inakmurogon hagarinakhe dogosak o.
Itithogon hagakhe dogolik, Yesus Kristus hinom hunik dogolik hagakhunem, it akhuni aperek nen Allah hogorakhe dogoagaluk, hit aperek nen wene yogeisekhe dogolik, Allah aneat yogeisigik, hit aperek nen it aperek yomageisekhe dogolik, Allah obatne woknisekherek iti bagaat yomageisigik, hagakhe dogono o. Itithogon hagakhe dogolik, Yesus obatneak ikhok motok welagarek etnogo hogorakho motok dogoak iluk, “Amin,” igi iti.
ကြော်ငြာတွေ