Matius 6:1 - ALLAH ANE WENW KET MEKE WAROGO WOKNINAKHIKHE WENE

¹ Itithogon yogeisasikhesik, ageikhe men yogeisasikhe, “Allah nen, Itithogon hagakhe dogono, iluk isikhemo, hit nen mothogon hagakhe lagap meke iti, akhuni nen inileken hisekhe dogoagaluk thelekma hagakhe dogogup o. Inileken hisekhe dogoagaluk hagakhep halok he, hinopase pogot oba meke nen oko wokhisagein motok dek o. Hinakla ebetni!

Matius 6:1 ပူးပေါင်းရင်းမြစ်များ

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 16:6

at Yesus nen men yogeisasikhe, “It ap Farisi meke inom, ap Saduki meke inom, eken hipiri roti meke hisuagaluk aklake usakharek iti hakene meke hago werek iti baga weagathinabinogo iluk, hinobabut hebelogo dogono,” iluk yogeisasikhe.

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Matius 23:5

It nen yi meke ti meke hagariogei iti tha'bokhogonat, Akhuni nen 'bitnisik dogoak, iluk, inakla apekhe dogolik hagariogei o. It nen, Sembayan ekhe lagei, iluk, Allah ane thuesika baga holal waganogo inilhaoak oba herle wakharek etnogo, it nen kokhogon wakhik, su itikmanke meke ninat ikharek etnogo, it nen su erageik uanhogon ikhik,

Matius 25:40

an ap kok Netagapogot nogo nen, it akhuni emenogo men yogeisagein, Hit nen an nagarumi inetaga dek meke ageikhe werekma itithogon hagarinakhe lagagip iti, anat hagatnakhe lagagip o, iluk, eberogonat yokhisigi, iluk yogeisagein.

Matius 5:16

Iti hak, hit hano hagakhunem, it aperek nen, It hano hagariogei, iluk hinopase pogot oba meke etnogo hogorasuak nen, hit akhuni iniloba iti hakeneat liarogo dogono o,” iluk yogeisasikhe.

Matius 5:46

Nen, it akhuni aperek nen, hit inakmuthinakharek meke iti anek hit nen hinakmurinakhe lagap halok he, Allah nen oko wokhisagein nogo? Dek o. Iti hak he, it ap pemerintah meke hasik uang kino iluk natogokharek meke nen inobabut itithogonat hagakharek o.

Matius 5:48

Halok he, ninopase Allah pogot oba meke obabut hano motok karelek dogolik akmurinakherek hak, hit itithogonat hinakmurinakhe dogono o,” iluk yogeisasikhe.

Matius 6:16

Itithogon yogeisasikhesik ageikhe men yogeisasikhe, “Hit hipiri nikidek sembayan isi motok dogouogoluk halok he, it akhuni inoado baga anek hano thalek dogolik, inetaiken pere meke nen, Akhuni nen ekagat hutdinanuak, iluk inelokhoken damutdiluk welageikharek iti hak, dogosak dek o. It iti oko horlau hak, akhuni nen ekagat 'birisegarek itiat iluk, eberogonat yokhisigi o.

Matius 6:9

Halok he, sembayan ekhe dogolik, yigithogon ekhe dogono, Ninopase pogot oba meke hekaerek hetaga kogotdekhe dogoagaluk, hagatninabi me o. Ninebe hapma dogoagaluk 'binani me o. It pogot oba hat hakla apegetek meke hagakharek hak, nit agat oba itithogonat hagakhe dogoagaluk, hagatninabi me o.

Markus 8:15

Italhukhasik Yesus nen inasuk warogo men yogeisasikhe, “It ap Farisi meke men, at Herodes men, eken hipiri roti meke hisuagaluk akla usakharek etnogo meke hakene werek iti baga weagathinabinogo iluk, hinobabut hebelogo dogono,” iluk inasuk wakhikhe.

Lukas 11:35

Iti halok he, hinakla o lia hakene meke werek iti mum asinogo iluk, hinobabut hebelogo dogono.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 12:15

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Lukas 16:15

Itithogon at obato agoukhama, at Yesus nen it yogeisekhe dogolik, “An mot hagakhe lagei, iluk akhuni inil oba hinobabut mot meke hakene hagakhe lagap. Mekeat he, Allah nen hinetaiken motok ilu o. Yi meke ti meke it akhuni nen hano iluk kogotdegarek meke iti nen, at Allah motok a'it o.

Yohanes 12:43

It iti Allah nen hogorinabuagaluk hagakhe lagoukha dek o. Akhuni nen hogorinakhe dogou warlok nen hagakhe lagoukha iti.

Yohanes 5:44

Allah arligat ikhok motok welagarek iti nen hogothinabuagaluk hagakhidek dogolik, hit-hirat hat ageikhe nen hogorakhik, hat ageikhe nen hogorakhik, hogorakhekhe lagap iti nen, hinetaiken an noba nikithogon hakotdusak apegep. Erlok dek o.

La'isasikhe 3:12

Natogokhukhama nen, at Petrus ileken hisalok nen, men yogeisasikhe, “Hit akhuni Israel meke yirani! Ap yi holak liliogo yi, nit ninekaerek ninobatne baga hagakhik, ninobabut hano Allah ane hologo hagakhe lago baga, hagakhik, hagakho thalek, hit hogorakhigik, hinileken tek-tek nisigik, hagakhe lagap yoma nenaluk.

Galatia 6:12

It akhuni aperek nen, “Hinaperlagap palini o,” iluk, inobatnerogon yokhisiliogei meke iti, it akhuni aperek nen inileken hisalok, “Hano hagariogei,” iluk apoagaluk hagariogei iti. Yesus ebe o baga meldiluk wakhukha wene etnogo yogeisugunem nen, akhuni Yahudi meke nen weagarinabunogo iluk, wene ninat meke inobatnerogon yokhisiliogei iti.

Ibrani 11:26

“Yabokane Allah nen oko woknisigin meke werek o,” iluk apasikhesik nen, “Yi meke ti meke hano meke akhuni o Mesir inikimo meke yi kok dek o,” iluk, here'isalok nen, “Kristus hasik ninebe wiik-weakhogon hagatninakhe dogosak itiat kok o,” iluk apasikhe.

Ibrani 2:1

Iti nenat, akhuni ku baga lagunem i nen wogosik lagarek iti hak, nit nen ebe wene iti here'umo werlekmake woknisik launogo iluk, wene ninasuk holhugu meke iti ninobatnerogon herogo dogouok o.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

2 Yohanes 1:8

Nen, nit nen hit hagatdinagakhe lagagu etnogo hasik, hit aperek oko waganhidek nuk asunogo iluk, tha'bokhogonat waganubageik nen he, hinobabut hebelogo dogono o. Dogolik Allah nen, “Hit oko wokhisagein,” iluk wene abok yoknisasikhe etnogo, hit aperek nuk ageidek tha'bokhogonat horlobageik nen, hinobatnerogon hagakhe dogono o.