Matius 5:4 - ALLAH ANE WENW KET MEKE WAROGO WOKNINAKHIKHE WENE

⁴ Nen, akhuni inakla wiik-weakhogon welageikharek meke iti, Allah nen inetaiken thebeligin iti nen, inakla arleken akhekhe dogosagat o.

Matius 5:4 ပူးပေါင်းရင်းမြစ်များ

Lukas 16:25

at Abraham nen, men yogokhikhe, Na'but e! Hat hiluk dogolik nen, hano meke anek nikik, waganhik, hagakhe korlek, Lazarus yi anek he, weagat welageikhe meke etnogo hakla ebesin! Nen, yogotak, at Lazarus yi yoma wagasik akla hano agasik werek korlegat, hat anek he, hinet weak warekhe lagan iti.

Lukas 6:21

Nen, hit yogotak hinakla abu negen welagap meke, yabokane wokhisugunem hina'ithogon nugun iti nen, hinakla arleken akhekhe dogono o. Nen, hit de aga lagap meke yabokane eto asugun iti nen, hinakla arleken akhekhe dogono o.

Lukas 6:25

Nen, hit aperek yogotak elanma hasik anek hinelabut hina'ithogon neke lagap meke yi. Eiye! Yabokane hipiri no hugun o. Nen, hit yogotak elanma hasik anek eto aga lagap meke iti. Eiye! Hinetaiken warekhe dogolik de asugunat o.

Lukas 7:38

Wolok wageikhesik uma ukisikhesik nen, Yesus isok ukutmo oporlik horok-horok wageikhesik nen, etoma metek dogolik de aga lageikhe. De agunem il apusu Yesus isok oba usa'isikhemo nen, isi baga yabokane hokhikhe. Hokhikhesik isok oba heagei ape tharluk wakhikhesik nen, apusu obasi hano meke wolok wageikhe etnogo Yesus isok oba watdisikhe.

Lukas 7:50

at Yesus nen, he etnogo yogokhe dogolik, men yogokhikhe, “Hat hetaiken noba hakotdegen iti nen tilhakhi o. Halok he, hakla hanorogon haila lan o,” iluk la'isikhe.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

A'bikaka 21:4

Itithogon dogolik, yi wene ti wene alep meke degetdisalok, at nen it inil apusu arat horogo 'bilukmo nogo nen he, inebe watlaga dogogun degat, inakla weak aga dogogun degat, de aga dogogun degat, hinet wakhe dogogun degat o,” iluk isinem holhi.