Matius 5:39 - ALLAH ANE WENW KET MEKE WAROGO WOKNINAKHIKHE WENE

³⁹ Itithogon mekeat he, an nen wene ageikhe yi yokhisak. Weagathinakha halok oko 'bugup o. Hinelokhoken ebeke dapukhogon hinakho halok he, paike inomat hasuagaluk wogosusagat o.

Matius 5:39 ပူးပေါင်းရင်းမြစ်များ

Matius 5:40

Nen, it akhuni aperek nen, it ap wene erlo pilinekharek meke emenogo inoba wokhisik lalok, Hasuk akmanke ugu meke woknom, iluk isi halok he, iti inom, hasu thogei meke itikmanke ugu meke iti inomat thabakhogon wogeisausak o.

Lukas 22:64

ileken labetdiluk nen, “Tha nen hakhe nogo. Yoknisan ta!” iluk yogokhik,

Lukas 6:7

Werekma, it ap Allah ane holal waganek iteerek meke men, it ap Farisi meke men, inakla nen, “Yogotak niniki 7 baga Allah hasik werlegat werek korlek, at nen ap ithi u hano hagasigin? Dek a. Itithogon hagakhe halok, wene at oba 'buok o,” iluk inileken waganhe lagoukha.

Yohanes 18:23

at Yesus nen, men yogokhikhe, “An nane korlo igi halok, wene korlo igi meke pakhogon yoknom he! Nen, nane mot igi meke hasigat, hiki agot tugi nakhen iti nenaluk,” iluk yogokhikhemo,

1 Korintus 6:7

Hit-hit hinagarlak lak hinerugi hinom mekeat he, hinom wenemuk-wenemuk motok welagap iti nen erlok degetdakhekhe lagap o. Hit he, weak hagathinakhunem hinobakhanini hapugutdiluk dogoumo weak a? Alomathinakha halok here'isaumo weak a? Hano o.

1 Tesalonika 5:15

Akhuni nen hit aperek weagathinakhunem, oko-oko weagarinakhidek dogolik, hit-hit hinobasik inom, akhuni tha'bokhogonat inobasik inom, inobabut hanorogo hagakharek iti mekeat kogotdekhe dogono.

Ibrani 12:4

Hit anek he, weak hagasu hina'it nen, wim inobatnerogon yakharek iti hak hagakhunem, aban hinamep ulabogo hinakhidek meke welagap o.

Yakobus 5:6

It aperek mothogon hagariogei meke iti, it nen oko hit hinasusak dekmaat wene inoba 'biluk inebe inakhe lagap iti re!

1 Petrus 3:9

Akhuni aperek nen hit weak hagathinakhunem, hit nen oko weagarinakhup o. Nen, inane sagun weak yokhisugunem, hit nen oko hinane sagun yogeisugubat o. Oko re, Allah nen inebe hanorinabuagaluk, ayoko 'bekhe dogono. Yabokane at nen hano meke wokhisagaluk hinayoko 'bisikhe iti nen, hit nen oko hano meke wogeisekhe dogono.