Matius 5:30 - ALLAH ANE WENW KET MEKE WAROGO WOKNINAKHIKHE WENE

³⁰ Nen, hiki ebeke nen weagathabusak hagatlaga halok he, hiki ebeke iti tekhogon la'isano. Hebe abisake hetu aikmo la'ageinogo nen, thekhogon la'isalok ebelake anek werekma hano,” iluk yogeisasikhe.

Matius 5:30 ပူးပေါင်းရင်းမြစ်များ

Matius 11:6

Yogotluk tha nen etaiken pere atluk here'anhidek dogogin halok he, akla arleken akhekhe dogogin o, iluk yogosi lano,” iluk la'isasikhe.

Matius 13:21

wene iti inetaikenma omaken yakhidek nenat, iniki pererlagat welageikharethek nen, akhuni aperek nen Allah ane iti hasik yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Matius 16:23

Asuk wakhikhemo, at Yesus elokhe dagakhogon Petrus men yogokhikhe, “Hat Iblis higi. Allah akla apekherek tak-tak ebekhidek, akhuni nen apegarek tak-tagat ebetdiluk nelokhe palhe lagan yi, nelokhoma yoma dogogun. Horla lan o,” iluk yogokhikhe.

Matius 17:27

Meke re, it nen ina'it nisaunogo nen, i yekelekma lalok ikan wakharek meke herle etnogo ima usa'isinem alebageik wasigin meke etnaga hikimo waganiluk ape lanethasinem, uang apema werekma higin o. Halok he, itiat waganogo hat hasik inom, an hasik inom, it ap iti wogeisano,” iluk yogokhikhe.

Matius 18:8

Hiniki nen a? Hinisok nen a, weagathinabusak hagatlaga halok he, ebelake palogo la'isalok, ebelake anek dogolik, iniluk motok dogogunmo etoma ukumo hano o. Meke re, hiniki hinisok iti pereat werekma hetu nagulasusak dekma etoma la'inagoumo weak o. Halok he, ebelake palogo la'isano.

Matius 22:13

Ane motok igidek huk ageikhemo, at ap kok etagapogot etnogo atuaneke meke emenogo men yogeisasikhe, Ap iti iki isok motok herle warogo, itikmanke inaik kirlidik mak-mak hagakhe dogolik di ago de ago hagakharekma o motok mummo etoma ula'isani o, iluk yogeisasikhe.

Matius 25:20

ap uang 5.000 waganhikhe meke etnogo yabokane 5.000 lapelogo 'bisikhe meke wolok wageikhesik nen, Noe. Hat nen 5.000 woknikhigin etnogo lakhan. An nen yabokane 5.000 ageikhe inomat oba lapelogo 'bigima yi o, iluk yogokhikhemo,

Matius 26:31

Tom Zaitun oba dageisukhasik, at Yesus nen, “At Allah nen, At ap domba therisik welagarek meke iti ebe an nen wakhunem, domba opakimo natogorlek welagarek meke iti, lo lugun o, iluk isikhemo, holal waganogo 'bisukhama werek iti nen, yogotak hibako yi, hit tha'bokhogonat an thogotdaniluk lo lugun o.

Matius 5:22

Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Matius 5:29

Halok he, hileken ebeke nen weagathabusak hagatlaga halok he, hemelogo la'isano. Hebe abisake hetu aikmo po la'ageinogo nen, hemelogo la'isalok ebelake anek werekma hano.

Markus 9:43

Hiniki nen weagathinabusak hagatlaga halok, hiniki ebelake tekhogo la'isalok, hiniki ebelake anek dogolik akhuni iniluk motok welageikharekma etoma ukumo hano o. Meke re, hiniki pere werekma, hinebe weakma, [hetu nagulageidek ineken watlageidek inoba 'bisi motok welagarekma] etoma laumo weak iluk, hiniki ebelake palogo la'isano.

Lukas 12:5

Meke re, hit tha hinayukhogon dogosak nogo. An nen yokhisak. At Allah nen hinebe hinatluk, yabokane hetu aikmo erlok la'inagusak werek itiat hinayukhogon dogono, iluk yokhisekhe lagei iti.

Lukas 17:2

At iti nen it inebe 'bugurlaktek meke yi opakiat ageikhe an kolelogo here'anuagaluk akla kagalumo, an kolelogo hera'anhe halok, at akla kagalhe werek iti helekit kok meke arlokopma herle kilogo nen, i laut yekelekma po la'iselepma hano o.

Roma 9:33

Wene iti hasik Allah nen men isikhe, “Lakhani! An o Sion etoma helekit hakene ageikhe 'bigin o. 'Bumo helekit iti baga akhuni inisok a'bit dikhogon waralok wara laga dogogun o. Mekeat he, inetaiken at oba hakotdugun meke inekarli asugun motok dek o,”

1 Korintus 8:13

Halok he, nekarek meke iti baga nen an nagarlak ebe weagatdinogo iluk, at hasik an wam kaneke ako warek meke karlelek nikidek motok here'isekhe dogogin o.

Galatia 5:11

Nagarlak lak nerugi. An nen, inoado aperlagap palharek wene iti hano iluk yakulisekhe dogolema, noba yi aik ti aik hagatnabiogei iti hagatnakhe dogolep apegep? Motok dek o. An wene iti wene yakulisekhe dogolema, wene Kristus ebe o baga meldiluk wakhukha wene iti yakulisugunem akhuni inasuk holiluk nen, inisok helekit oba dikhogon waregarek hak, inakla puk atluk wene here'iselep degat o.

1 Petrus 2:8

Nen, ageikhe men isikhe, “Akhuni helekit iti baga inisok a'bit 'baukhogon waralok wilasi laga dogogun o,” iluk isikhe. Itithogon wilasi laga dogogun iti re, it nen hano wene iti, “Eberogonat,” iluk hutdugun dek iti nen, Allah nen akla apasikhe hagat, warisiliogei iti.