Matius 5:26 - ALLAH ANE WENW KET MEKE WAROGO WOKNINAKHIKHE WENE

²⁶ Itithogon heanerakhidek halok, hiki herle warogo 'bagoumo, ap iti ameke pelegeke hat hoba werek meke iti oko 'bogokhogon aban wogokhidek werek korlek, ula'agousak motok dek o, iluk eberogonat yokhisigi,” iluk yogeisasikhe.

Matius 5:26 ပူးပေါင်းရင်းမြစ်များ

Matius 10:29

Uang opakiat herlekha'bugat meke baga thue wurle pere meke oko palhethep etnogo hinokodek nogo a? Itithogon meke re, hinopase Allah pogot oba meke nen, Thue iti tunhogo usanek o, iluk, aban igidek werek korlek, ageikhe agat oba tunhogo usekherek dek o.

Matius 18:34

akla aga nen, ap etnogo oba palegeke meke tha'bokhogonat wogokhidek werek korlek, it ap iniki herle warek hagasik welageikharek meke emenogo nen tugi wakhe dogolik, hago dogoagaluk wogeisasikhe.

Matius 25:41

Nen, it niki paike 'bisagein meke iti men yogeisagein, An nopase nen hit homan 'binagakhe meke yirani! An hipiri abu werekma, hit nen melaknikhidek, i abu werekma, hit nen woknikhidek, ap huso werekma hit nen woknakhidek, su ugu dek werekma hit nen ageikhe i'banhidek, u warek werekma men, niki herle warek werekma men, 'bitnea lageidek hagakhe lagagip o. Halok he, an nopase nen, at Iblis agarumi inebe doalegat inom, hetu nagulasusak dekma dogoagaluk inoboluk 'bisasikhemo etoma horla lani o, iluk yogeisagein.

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Markus 12:42

Itithogon 'bilik lagoukha mekeat he, at he thoge ameke dek meke ageikhe wageikhesik uang sen meke opakiat 'bu hak motok 'bugurlaktek meke pere 'biluk lageikhe.

Lukas 12:58

Ap ageikhe hipisak agorek meke nen wene erlo pilinekharek meke inoba wokharik lalok, it ap iti nen hebe polisi wogeisaumo, it nen he, iniki herle warogo 'bisegarekma etoma kola'agei launogo nen, aban holagarlemke laga dogolik, etaat hipisak wene thagalogo degetdino.

Lukas 12:59

Nen, thagalogo degetdigidek halok he, hiki herle warogo kola'agoumo oko 'bogokhogon motogat wogokhidek halok he, etoma nen herle hisalogo ula'agousak motok degat o, iluk yokhisigi,” iluk yogeisasikhe.

Lukas 16:26

Nen, ageikhe, akhuni nit werekma yoma nen hat werekma ethoma hoba wageik, nen, hit ethoma nen nit ninoba wageik, hagasinogo iluk turlem ethoma kat weakma waganogo 'bisikhemo werek o, iluk isikhe.

2 Tesalonika 1:9

It itithogon ukum inoba 'biluk, ninoe Etagapogot obatneak nen hogorakho motok welageikharekma il oba etoma nenat weakma etoma motogat dogoagaluk la'isagein o.

Yakobus 2:13

Hit nen he, akhuni hinakmurinakhidek halok he, Allah nen akmuthinakhidek, wene hinoba 'biginat o. Meke re, akhuni aperek inakmurogon welageikharek meke iti Allah nen initema waganhe dogolik wene inoba 'bisagein dek o.