Matius 5:22 - ALLAH ANE WENW KET MEKE WAROGO WOKNINAKHIKHE WENE

²² Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Matius 5:22 ပူးပေါင်းရင်းမြစ်များ

Matius 10:17

Akhuni nen it ap wene erlo pilinekharekma inoba wokhisik lageik, akhuni Yahudi meke o sembayan egarekma etoma nen tugi hinakhik, hagasugun etnaga re, hinobabut hebelogo dogono o.

Matius 10:28

Akhuni nen hinagoreke hinasusak erlok dek. Hinoado itikmanke anek hinasugun iti nen, hinayukhogon dogogup o. Meke re, at Allah anek, hinagoreke inom, hinoado itikmanke inom, erlok motok warogo hetu aikmo la'inagusak werek iti nen, at Allah at hinayukhogo dogono.

Matius 12:24

Itithogon isinem, it ap Farisi meke emenogo inasuk holhukhasik, men isukha, “A! Ap yi mokat obabut weak meke inoe kok etaga Beelzebul etnogo at oba dukthek werekma nogo nen, mokat at agarumi negen inobabut weak meke akhuni inakla ukiluk werekma mukhogo ula'isiliogo,” iluk isinem,

Matius 17:5

Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe, “An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo,

Matius 18:21

At Yesus nen itithogon yogeisasikhemo, at Petrus oba wageikhesik, men yogokhikhe, “Noe. An nagarlak ageikhe nen weagatnakhe halok he, wene iti niki meren oba thagalogo degetdisausak nogo. Hurli niki 7 baga nen thagalogo degetdisausagat a? Erlok dek a,” iluk yogokhikhemo,

Matius 18:35

Iti hagat, hit hinagarlak lak hinerugi nen weagathinabiogei meke iti hinetaiken nenat thagalogo degetdisigidek halok he, an nopase pogot oba meke nen itithogon hagathinabiginat o,” iluk yogeisasikhe.

Matius 23:15

Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit hinane waganhe dogoagaluk akhuni herageinabik, i laut kok yekelek aik ilibagan italhik, o yi ai ti ai walegat lageik, nekhe lagap meke iti, Allah nen wene hit hinoba 'biluk weakma hetu aikmo etoma la'inagagin iti hakene, it hinane holiogei meke iti Allah nen wene itithogonat iki pere baga dagakhogon inoba 'buagaluk hagakhe lagap iti nen, eiye! Weagathinabigin o.

Matius 23:33

Hit warlo nen itago meke hinebe warloat welagap yoma re! Akhuni Allah nen ukum inoba 'biluk hetu aik weakma la'isugunem, hit lo dukhugun nogo? Erlok dek o.

Matius 25:41

Nen, it niki paike 'bisagein meke iti men yogeisagein, An nopase nen hit homan 'binagakhe meke yirani! An hipiri abu werekma, hit nen melaknikhidek, i abu werekma, hit nen woknikhidek, ap huso werekma hit nen woknakhidek, su ugu dek werekma hit nen ageikhe i'banhidek, u warek werekma men, niki herle warek werekma men, 'bitnea lageidek hagakhe lagagip o. Halok he, an nopase nen, at Iblis agarumi inebe doalegat inom, hetu nagulasusak dekma dogoagaluk inoboluk 'bisasikhemo etoma horla lani o, iluk yogeisagein.

Matius 26:59

Hurek werek korlek, it ap Allah iteerek inougi koktek men, wene Allah hasik erlo pilinekharek meke tha'bokhogonat men, at Yesus wasuogoluk, men isukha, “Akhuni at weak hagakhunem inileken hega meke uak nen herageinabini,” iluk inekalat wene oba 'buagaluk herageinakhukha meke re,

Matius 3:17

Oba duk i ageikhemo, Allah ane pogot oba nen, “An na'but netaiken hunik dogolik noba hotok egerek ebe ithiat o,” iluk ane usa'i ageikhe.

Matius 5:34

Meke re, an nen ageikhe yi yokhisak. Hit nen, at ageikhe yogokhe dogolik, Yi meke ti meke etaga hupuk palogo yokhikhi o, iluk yogosusak motok dek o. Allah ebe pogot iti baga hurek dogolik wene morerakherek. Halok he, pogot iti etaga hupuk palusak motok dek o.

Matius 5:44

Itithogon meke re, an nen wene ageikhe yi yokhisak. At ninopase Allah pogot oba meke mo iteerek dogolik agat oba liarogo akhuni inobabut weak meke dek, hano meke dek, tha'bokhogonat inobasik yarisigik, nen, miso usa'i agarek iti, it mothogon hagariogei meke dek, korlo hagariogei meke dek, tha'bokhogonat inobasik usa'i ageik, hagakherek iti hak, hit hinopase Allah pogot oba meke a'buriat asubageik iluk, akhuni hinom agorek meke iti hinakmurinakhe dogolik, it weagathinabiogei meke iti, Allah nen hanorinabuagaluk, it inobasik sembayan ekhe dogono.

Markus 14:55

It itithogon thogei isakhekhe korlek, it ap Allah iteerek meke inougi koktek emenogo men, wene Allah ane hasik erlo pilinekharek meke inebe tha'bokhogonat men, inom dogolik, ukum Yesus oba 'biluk wasuogoluk men isukha, “Akhuni at weak hagakhunem inileken hega meke uak nen herageinabini o,” iluk isukhama herageinakhukha mekeat he, dek ageikhe.

Markus 15:1

Itithogon hagakhe lagoukhasik, o wi ageikhemo nen, ap wene Allah hasik erlo pilinekharek meke inebe tha'bokhogonat, it ap Allah iteerek meke inougi koktek emenogo men, inarluetek emenogo men, Allah ane holal waganek iteerek meke emenogo men, hetnake inomat nen, “Itithogon hagasuok,” iluk isukhasik nen, Yesus iki herle warogo Pilatus wogosi agoukha.

Lukas 12:5

Meke re, hit tha hinayukhogon dogosak nogo. An nen yokhisak. At Allah nen hinebe hinatluk, yabokane hetu aikmo erlok la'inagusak werek itiat hinayukhogon dogono, iluk yokhisekhe lagei iti.

Lukas 22:66

Itithogon yogokho werekma o wi isikhemo nen, ap Yahudi inarluetek emenogo men, Allah iteerek meke inougi koktek meke men, ap Allah ane holal waganek iteerek meke men, natogokhukha. Natogokhukhasik nen, wene Allah ane hasik erlo pilinekharekma etoma werekma, Yesus wolok inoba ukisukhama

Yohanes 11:47

Itithogon yogeisa lagoukhama nen, it ap Allah iteerek inougi koktek men, it ap Farisi meke men, it ap wene Allah hasik erlo pilinekharek meke waisasukhama wagoukhama nen, men yogeisasukha, “At ap iti ebe hutduagaluk elalin meke doalegat hagariogo iti re, nit nen nikithogon hagasuok apegep?

Yohanes 15:25

Itithogonat meke re, Allah nen, Yigithogon hagatno, itithogon hagatno, iluk inasuk wakhikhe meke iti baga, ane yigithogon holal waganek werek, Wene erlo dekmaat, it nen an motok ina'iretdanhukha, iluk isikhemo, holal waganogo 'bisukha meke iti ebeat asuagaluk itithogonat hagariogei o.

Yohanes 7:20

it akhuni doalegat emenogo nen, men yogokhukha, “A! Hat mokat obabut weak meke hakla ukekhesik thinuknuk agatik ekhe lagan a? Tha nen hasigiluk iliogo nen ekhe lagan?” iluk yogokhukhama,

Yohanes 8:48

At Yesus ne wene itithogon yogeisasikhemo, it ap Yahudi meke emenogo nen he, men isukha, “Hat hebe ap Samaria meke yi re! Mokat obabut weak meke hakla ukekhesik werek o, iluk ekhe lago etnogo eberogonat yokhekhe lago higi,” iluk yogokhe lagoukhama,

La'isasikhe 17:18

Itithogon ekhe dogolik, at nen it akhuni wene Epikuros wene hago dogolik it aperek yakulisekhe lagoukha meke men, wene Stoa wene hago dogolik, it aperek yakulisekhe lagoukha meke men, wene inakla kagalogo yogeisugunem, it nen oko yogokhik, it nen at yogokhunem, at nen oko yogeisigik, ekhe lagoukha. Itithogon ekhe lagoukha meke aperek nen, at Paulus hasik men isukha, “At he, wene ilu nogo? At okodek. Hemurlugat ilu dogoligat, ane anek motok doalegat yoknisiliogo,” iluk isukha. Itithogon isukhama, it aperek nen, at Paulus nen hano wene yogeisekhe dogolik, Yesus nen hagakhikhe wene yogeisigik, akhuni watlatlukmo nen Allah nen inilugurinakherek wene yogeisigik, ekhe lageikhe iti nen, men isukha, “Akhuni ninat meke inausa wene hasik yoknisiliogo he a,” iluk isukha.

La'isasikhe 22:30

Hubenke, it ap tentara opaki doalhe lagoukha meke inoe kok etnogo nen, “It akhuni Yahudi meke nen ap yi ukum nikithogon meke oba 'biliogei. Wene hutukhogon nilu asusak meke,” iluk wene erlo herasuogoluk, it ap Allah iteerek inougi koktek emenogo men, ap Yahudi Allha hasik wene erlo pilinekhe lagoukha meke emenogo men, natogosuagaluk inayoko 'bisikhemo natogokhukhama nen, Paulus iki herle hisalogo 'biluk it inoba wolok lageikhesik nen, inelokhoma meldisikhe.

La'isasikhe 23:1

Itithogon meldisikhemo, at Paulus it ap Yahudi Allah hasik wene erlo pilinekhe lagoukha meke inebe natogokhukha emenogo, ileken tek-tek inoba 'bisekhe dogolik, “Nougi nagarumi. An Allah il oba, haganeat nen hurli yogotak hurli hagakhe lagei iti, Weak hagakhe lagei, iluk nakla wene munini ebekhe lagei dek. At he, wene nakla thelek, hano hagakhe lagei, iluk apekhe lagei,” iluk yogeisasikhesik nen ageikhe igin hak,

La'isasikhe 24:20

It inebe dek halok he, it ap yoma werek meke nen uak. Akhuni nen it ap Yahudi Allah hasik wene erlo pilinekharek meke inoba 'bani lageikhasik, etoma metek werek korlek wene erlo herakha. Itithogon herakhunem, an weak hagakhi meke ageikhe eberogonat inasuk holha meke nenat uak o.

La'isasikhe 4:15

Huk agoukhama nen, Petrus Yohanes ap etnogo inom, o wene erlo pilinekharekma nen ula'isasukhasik, it-it wene ekhe dogolik, “Ap inebe pere ithi inobasik nikithogon hagarinabuok apegep. It nen hagasusak dek meke iti elalinat hagakhama, akhuni o Yerusalem welageikharek meke tha'bokhogonat inilu ageikha iti nen, nit nen, Itithogon hagakhidek, ninokodek, iluk la'belusak erlok dek aga iti.

La'isasikhe 5:21

Itithogon yogeisasikhemo, inasuk holiluk, o wi aga korlek, Allah ai halekma ukisukhasik wene yakulisekhe lagoukha. Itithogon yakulisekhe korlek, it ap Allah iteerek meke inoe kok etnogo agarumi inom nen ap inarluetek Israel meke wene erlo pilinekhe lagoukha meke tha'bokhogonat, inayoko 'bisukhasik inebe natogotdiluk, inagarumi aperek nen, it Yesus nen inayoko 'biluk la'isasikhe meke iniki herle warek 'bisasukha meke etnogo wogosik wisuagaluk, o 'bisasukhama etnogo la'isasukha.

La'isasikhe 5:27

Wogosik wagoukhasik nen, ap wene erlo pilinekhe lagoukha meke emenogo inakla turlem meldisasukha. Itithogon turlem meldisasukhasik nen, at ap Allah iteerek inoe kok etnogo nen, wene men iluk yogeisasikhe,

La'isasikhe 6:12

Itithogon inakla kagalhukhama, it nen akhuni aperek inakla kagalhik, ap inarluetek emenogo inakla kagalhik, ap Allah ane holal waganek inilu meke emenogo inakla kagalhik, hagakhukhama, it tha'bokhogonat melagoukhasik, at Stefanus ebe ha'iluk, it ap wene erlo pilinekhe lagoukha meke emenogo inoba wolok lagoukha.

La'isasikhe 6:15

Itithogon ekhe lagoukhama, it ap wene erlo pilinekhe lagoukha meke emenogo inebe tha'bokhogonat inom hurek dogolik, inileken at Stefanus oba tek-tek lakhugunem at elokhoken malaikat Allah nen yoko usa'isa wagarek meke emenogo inelokhoken hakene hagatlageikhemo inileken lakhasukha.

La'isasikhe 7:37

Nen, akhuni Israel meke yogeisekhe dogolik, Allah nen ap at ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga o, iluk yogeisasikhe iti, at Musa nenat o.

Roma 12:10

Hinagarlak lak hinerugi Allah a'buri meke iti hinebe ap opakiat nen itago meke negen, hinetaiken hunik hinakmurogon dogolik, hit-hit hinagarlak lak hinerugi inalon halhe dogono o.

1 Korintus 6:10

iniki abusak waganharek meke inom, inamikmak weak hagakharek meke inom, apusu hunu-hunu asuogoluk nekarek meke etnogo nasi motok welageikharek meke inom, inabok weak wene inekalat inoba 'bisegarek meke inom, nukhetdisegarek meke inom, it akhuni itithogon hagakharek meke iti tha'bokhogonat Allah apma 'bisekherekma iti iteerek asugun motok dek o.

1 Korintus 6:6

Mekeat he, hat ageikhe nen hagarlak ageikhe wene oba 'biluk, akhuni inetaiken Allah oba hakotdigidek meke nen pilinerogo wene oba 'bigik kokhik hagasuak nen iluk inayoko 'bekhe lagan iti.

1 Tesalonika 4:6

Iti meke hasik mothogon hagakhe dogolik, hinagarlak lak hinerugi inilomarogo inaguni inagugi meke param ha'isausak dek o,” iluk, Allah akla nen itithogon apalok yoknisekherek iti. Itithogon ekherek iti nen, alebageigat nit nen ekhe dogolik, “It akhuni param itithogon ha'isegarek meke, ninoe Etagapogot nen ukum inoba 'bigin werek o,” iluk, ninobatnerogon hinasuk warogo yokhisasugu o.

Titus 3:2

It Allah a'buri iti nen, akhuni aperek inabok weak palhidegat, inane puk weak wenageisigidegat, it aperek nen inobabut ekagat hutdisoagaluk akhuni tha'bokhogonat inobasik inobabut enago hanorogonat hagakhe dogoagaluk inasuk wakhe dogonoat.

Ibrani 12:25

It akhuni Allah ane agat oba yogeisugunem inasuk holusak ina'it welagoukha meke, inebe iniluk here'isigidek inakhe lageikhe iti. Halok he, nit yigithogon, wene pogot oba nen yoknisugunem ninasuk holusak nina'it dogogun halok he, ninakhidek here'inanigin apegep a? Dek o. Motok ninasigin iti nen, at ane isi korlek hinasuk holhidek, “Nina'it,” iluk here'isaunogo iluk, hinobabut hebelogo dogono o.

Ibrani 5:9

Itithogon yakulhe dogolik, ilugun arat kobokhogon hagakhikhemo, nit at ane hologo dogogun meke ninebe tha'bokhogonat niniluk motok-motok dogoagaluk at ebe tilninakhikhe meke erlo arat hagarogo 'bisikhe iti.

Yakobus 2:20

Hat hebe kepu negen ekhe lagan iti re! Allah eberogonat iluk iti meke anek apekhe dogolik, hiki baga yomageisigidek halok, we yugunat apekhe lagan iluk ekagat hutdinogoluk wene yi yokhisik.

Yakobus 3:6

Nina'bi iti, ebe hetu hakeneat o. Nit akhuni agat oba yoma yi weak ti weak hagakhorek iti hak, niniki ninisok yi werek korlegat, nina'bi yi nen ninebe abisake weagatninakherek iti o. Itithogon weagatninakherek iti, hetu iti erlo, weakma hetu aikmo dogogunmo iti mekeatma nina'bi baga mokalatluk, ninebe welagorek yi abisakeat hali nasi welagarek iti.

1 Petrus 2:23

Akhuni nen inane sagun weak yogokhe korlegat, at nen oko ane sagun yogeisigidegat. It nen yi aik ti aik hagakho korlegat, at nen, “An yabokane oko ageikhe hinasigin,” iluk yogeisekhe lageikhe degat. At he, “Allah nen wene inoba 'bigik, kokhik, mothogon hagasigin meke werek o,” iluk, at iki baga 'biluk, ane oko igidek huk aga lageikhe.

1 Petrus 3:9

Akhuni aperek nen hit weak hagathinakhunem, hit nen oko weagarinakhup o. Nen, inane sagun weak yokhisugunem, hit nen oko hinane sagun yogeisugubat o. Oko re, Allah nen inebe hanorinabuagaluk, ayoko 'bekhe dogono. Yabokane at nen hano meke wokhisagaluk hinayoko 'bisikhe iti nen, hit nen oko hano meke wogeisekhe dogono.

1 Yohanes 2:9

Nen, ap tha nen, “An nebe lia baga welagei,” iluk ekhe dogoligat he, agarlak lak erugi motok a'it halok he, o haganeat nen logat yogotak ya, at ebe mum obaat werek o.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 5:16

It akhuni aperek weak motok hagakharethek nen, inobabut oba inebe motok-motok watlasugun meke werek iti hasik, hit nen Allah ayoko 'busak, iluk yokhisigi dek o. At he, inobabut mot hagasusak meke werek korlegat he, korlo palogo weak hagakharek iti tha'bokhogonat etaga weak mekeat he, it aperek nen weak hagakhunem inobabut oba inebe motok-motok watlasusak dek meke hagakharek meke weregat o. Meke re, hit Allah a'buri meke hinagarlak lak hinerugi aperek weak hagakhunem obabut oba ebe motok-motok watlasusak dek meke hagakhe halok, at hasik Allah ayoko 'bumo, at nen naburlal-haburlal ebeat meke wogosigin werek o.

Yudas 1:9

At Mikhael, malaikat Allah nen yoko usa'isa agarek meke inoe kok iti nen, it ap iti hagariogei iti hak, hagasu ayuk welageikhe. At he, Musa ebe warek hasik, Iblis ipisak wene palhe dogolik, ane pukhogon wenagatluk wene oba 'busak erlok mekeat he, ayukhogon, men yogokhikhe, “Ninoe Etagapogot nen wenakhesuak o,” iluk yogokhikhe.

A'bikaka 20:14

Ukum itithogon inoba 'bigin iti, thuesika it akhuni inebe tomok iniluk motok dogoagaluk hanorinabigin meke, inetaga holal waganek etnogo baga waganhidek meke halok, itithogon i laut hetu meke yekelek iti baga po wukhogon usa'isekhe dogolik, wema baga inom, watlariogei erlo inom, inomat po wukhogon etomaat usa'isekhe laga higi. Itithogon usa'isekhe laga iti, alebageik elanma hasik watlatlukmo nen, yabokane motok-motok watlasugun meke i hetu meke yekelekma usa'isagein itiat o.