Matius 5:20 - ALLAH ANE WENW KET MEKE WAROGO WOKNINAKHIKHE WENE

²⁰ Allah akla apekherek meke mothogon hagasuogoluk, it akhuni nen Allah ane holal waganek iteerek meke emenogo inom, ap Farisi meke inom, inobabut hagariogei iti hagat, hagakhe dogogun halok, kok pogot oba meke apma 'bisekherekma etoma ukugun dek o. At he, it 'bugurlagat negen hagakharek meke, hit ebenageik kokhogon hagakhe dogogun halok anek ukugun o,” iluk yogeisasikhe.

Matius 5:20 ပူးပေါင်းရင်းမြစ်များ

Matius 16:12

Itithogon yogeisasikhemo, it emenogo hutdisukhasik nen, men isukha, “I. Wene ekhe iti, eken roti hikherek meke hasik yoknisekhe dek o. Iti re, it ap Farisi meke men, ap Saduki meke men, inawene yakulisegarek meke etnogo ninetaikenma ukisinogo iluk ninobabut hebelogo dogoagaluk yoknisekhe higi,” iluk hutdisukha.

Matius 18:5

Nen, tha nen yekerek yi hakene an nobasik waganhe halok he, an nebeat woknabigin o,” iluk yogeisasikhe.

Matius 3:10

O erlo dopok eken hano meke ikhidek halok, mukhogo hetumo la'isagaluk pisue o omaken oba pakpakthek motok werek o,” iluk yogeisasikhe.

Matius 7:21

Itithogon yogeisasikhesik men yogeisasikhe, “Hit akhuni nen, an yoknekhe dogolik, Ninoe, ninoe, iluk ekhe lagap iti baga hinebe tha'bokhogonat, an nopase pogot oba meke apma 'bisekherekma etoma ukilugun dek. Pogot oba ukilugun iti re, it an nopase pogot oba meke akla apekherek meke mothogon hagariogei meke anegat ukilugun o.

Markus 10:15

Tha nen, yekerugi 'bugurlaktek meke Allah nen apma 'bisekherek wene iti waganiluk ukegarek iti hak ukigidek halok he, ukigin motok dek o, iluk eberogonat yokhisigi,” iluk yogeisasikhe.

Markus 10:25

Wam unta kok muluk meke iti, disu elo horlelekma kola'umo erlok lelokhogon ukusak mekeat he, it akhuni inameke doalegat meke iti Allah nen apma 'bisekherekma etoma nikithogon ukusak motok erlok dek o,” iluk yogeisasikhe.

Lukas 11:44

Hit hinebe re, men hakene welagap. Akhuni watlagunem agatma thalinakharethek, inetai ekerlogo hurli 'bigidek here'isegarekma, akhuni inokodek dogolik inisok nen thebelogo 'bilik lageikharek hak, hit itithogon weak werek korlegat, akhuni inokodek dogolik hinom welagathep iti nen, eiye! Allah nen weagathinabigin o,” iluk yogeisasikhe.

Lukas 12:1

Wene itithogon isi korlek, akhuni motok doalek-harluadek natogosi agoukhama, inebe motok kirlik-kerlekhogon nen, it aperek nen it aperek inisok ukut nen al debelogo 'bilik lagoukha. Itithogon hagakhe lagoukhama, at Yesus nen at agarumi ane waganhe lagoukha meke emenogo wene men tak yogeisasikhe, “Ap Farisi meke inobabut he, eken roti hisuagaluk, akla usakharek meke iti hakene dogolik, inoado baga anek hano thalek, inetaiken pere iti nen, weagathinabinogo iluk, hinobabut hebelogo dogono.

Lukas 18:17

Tha nen, yekerugi 'bugurlaktek meke Allah nen apma 'bisekherek wene waganiluk ukegarek iti hak ukigidek halok he, ukigin motok dek o, iluk eberogonat yokhisigi,” iluk yogeisasikhe.

2 Korintus 3:9

Wene holal wganek iti tak-tagat hagakhidek oba nen wene ninoba 'bakhasugu iti. Meke re, wene iti wogeisugunem hogorakhukha mekeat he, iti herlekha'bugat o. At Yesus nen wene ninoba meke korogo wokhalok nen Allah baga ninapuke hunogo 'binanhikhe iti wene woknisasikhe iti hasik anek, ebeluk motok kogat hogorasusak o.

2 Korintus 5:17

Akhuni inebe Kristus inom hunik werek halok he, inobabut ket meke hagarinakhemo werek o. Alep meke dek aga. Yabokane ket meke hagatlaga.

Ibrani 12:14

Hit hinebe karelogo Allah meke 'bisigidek dogogun halok he, at ebe hinileken hugun motok dek iti nen,akhuni tha'bokhogonat hinom hano dapulik dogolik, hinebe at hasik 'bisalok weak hagakhidek hano karelek motok dogouogoluk hinobatnerogon hagakhe dogono o.

A'bikaka 21:27

Itithogon ukekhe dogogun mekeat he, akhuni weka inalilo meke hagakhik, inekalat igik, hagakhe dogolik inoba horinakhidek meke o etoma ukekhe dogogun motok dek higi. Itithogonat mekeat he, it aperek iniluk motok dogoagaluk hanorinabigin meke inetaga Domba Eak aruesika baga holal waganek meke anek o etoma ukekhe dogogun higi o.