Matius 5:16 - ALLAH ANE WENW KET MEKE WAROGO WOKNINAKHIKHE WENE

¹⁶ Iti hak, hit hano hagakhunem, it aperek nen, It hano hagariogei, iluk hinopase pogot oba meke etnogo hogorasuak nen, hit akhuni iniloba iti hakeneat liarogo dogono o,” iluk yogeisasikhe.

Matius 5:16 ပူးပေါင်းရင်းမြစ်များ

Matius 23:5

It nen yi meke ti meke hagariogei iti tha'bokhogonat, Akhuni nen 'bitnisik dogoak, iluk, inakla apekhe dogolik hagariogei o. It nen, Sembayan ekhe lagei, iluk, Allah ane thuesika baga holal waganogo inilhaoak oba herle wakharek etnogo, it nen kokhogon wakhik, su itikmanke meke ninat ikharek etnogo, it nen su erageik uanhogon ikhik,

Matius 23:9

Nen, hinopase pogot oba meke opakiat welagarek iti nen he, ap agat oba meke ageikhe yogokhe dogolik, Nopase, iluk yogosusak motok dek o.

Matius 6:16

Itithogon yogeisasikhesik ageikhe men yogeisasikhe, “Hit hipiri nikidek sembayan isi motok dogouogoluk halok he, it akhuni inoado baga anek hano thalek dogolik, inetaiken pere meke nen, Akhuni nen ekagat hutdinanuak, iluk inelokhoken damutdiluk welageikharek iti hak, dogosak dek o. It iti oko horlau hak, akhuni nen ekagat 'birisegarek itiat iluk, eberogonat yokhisigi o.

Matius 6:9

Halok he, sembayan ekhe dogolik, yigithogon ekhe dogono, Ninopase pogot oba meke hekaerek hetaga kogotdekhe dogoagaluk, hagatninabi me o. Ninebe hapma dogoagaluk 'binani me o. It pogot oba hat hakla apegetek meke hagakharek hak, nit agat oba itithogonat hagakhe dogoagaluk, hagatninabi me o.

Matius 9:8

Itithogon hagakhikhemo, it akhuni emenogo inileken hasukhasik inayuk agoukhasik nen, “Allah nenat yigithogon hagakhe dogoagaluk akhuni meke meldekhemo iti nayuk o,” iluk, Allah hogorakhukha.

Lukas 11:2

at Yesus nen, “Hit sembayan uogoluk halok he, yigithogon ekhe dogono, Ninopase. Hat hekaerek hetaga kogotdekhe dogoagaluk hagatninabi me o. Nit ninebe hat hapma dogoagaluk 'binani me o.

Yohanes 15:8

Hit hineken doalegat isu hak hano meke kokhogon hagasugun halok, akhuni nen an nopase hogorasugun o. Hit hinebe ebe nagarumi nane waganhe lagap meke dogolik, itithogonat hagakhe dogogun o,” iluk yogeisasikhe.

La'isasikhe 9:36

O Yope etoma, he ageikhe etaga Tabita welageikhe. (Akhuni Yunani inane baga etaga Dorkas u hak, wam rusa etaga meke thalhukha.) At he iti, ninoe Etagapogot Yesus ane waganhikhesik, yi meke ti meke hano hagakhe dogolik, akhuni inameke dek meke yomageisekho motok welageikhe.

1 Korintus 14:25

at akla limago meke 'bualasigin. 'Bualagunem obabut isonhogo at ebe thoma iluk Allah hogoralkhe dogolik, men igin, “Eberogonat Allah hinom welagap o,” iluk yokhisagein o.

2 Korintus 9:13

Itithogon yomageisekhe dogogun iti baga, it Allah a'buri o Yudea meke nen, “It akhuni Korintus meke Kristus hagakhikhe wene hano wene etnogo waganhukhasik, Ninobabut mothogon hagakhe dogogun o, iluk isukha tak-tagat hagariogei. Itithogon hagakhe dogolik it meke aperek warlok ageidek nit yomaknisigik, it aperek tha'bokhogonat yomageisigik, hagakha o,” iluk hinobabut ekagat paldiluk Allah hogorasugunat o.

Galatia 1:24

Itithogon holhe dogolik, an nobasik Allah hogorakhe lagoukha.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.

1 Timotius 2:10

Inobake waganu hak he, inobabut Allah a'buri dogolik hagasu hagat, it aperek hanorogon yomageisekhe dogoak.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

1 Timotius 5:25

Iti hagat, it aperek hano hagakharek meke ibat thelekma agarek iti o. It aperek itithogon hano hagakhunem limago motok dogogin dek o. Thelekma asiginat o.

1 Timotius 6:18

It iti hanorogon hagakhe dogolik, inameke doalegat dogou hak, akhuni aperek hanorogon yomageisekhe dogolik, inameke dek meke wogeisigik, supurisigik, hagakhe dogoagaluk inasuk wakhe dogono.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Titus 2:7

Inasuk itithogon wakhunem, it nen, hat hobabut waganhe dogoak nen, yi meke ti meke hasik hagakhe dogolik hobabut mothogon hagakhe dogono. Itithogon hagakhe dogolik, “Wene yi kogat,” iluk mothogon yakulisekhe dogono.

Titus 3:14

Akhuni nit Allah a'buri meke aperek, o eken hano meke ikhidek welagarek hak, it iti hano meke ite ageidek yugunat alomarogo dogunogo iluk, it aperek yi meke ti meke dek nen nuk atluk werekma, it inekaerek hano hagakhe dogolik yomageisekhe dogoagaluk, iti meke kogotdiluk yakulhe dogoak o.

Titus 3:4

Itithogon hagakhe lagagu mekeat he, at Allah ninebe tilninakherek meke etnogo obabut hano nen, nit akhuni akmutninakhikhe meke iti ekagat thelekma ageikhemo ebe hutdisugu iti.

Ibrani 10:24

Itithogon hago dogolik, nit-nit nakmu-hakmurogon dogolik, yomak-yomak hagakhe dogouogoluk, ninetaiken ago wat-wat hagakhe dogouok o.

1 Petrus 2:12

It akhuni itikmanke meke Allah inokodek meke hinom dogolik, it nen, hit weak hagakhe lagap meke thalek, “It weak hagariogei o,” iluk hinabok weak ekhe dogoligat, hit hinobabut hano hagakhunem inileken hisekhe dogoluk nen, akhuni nen at Allah ebe yabokane wagunem hogorasuagaluk hit hinobabut mothogon hagakhe dogono o.

1 Petrus 2:9

Meke re, hit anek he, “At Allah nen hano hagatninabiogo,” iluk abok yogeisilik loagaluk, hinebe o mummo werekma, at ebe elalinat lia motok welagarek oba wisuagaluk hinayoko 'bisikhesik, hti at a'buri asuagaluk wenakhinakhik, at ebe iteerek koktek dogoagaluk meldinagagik, hinukuloak etaga at ekaerek ukuloak etaga meke thalogo 'binagagik, “Nekaerek na'buri,” iluk hinebe wokhinakhik, hagakhikhe iti.

1 Petrus 3:1

Iti hak, hit humi hinaguni Allah ane waganhidek meke hinane yogeisagun oba 'buk. Hinobabut hinilaga isonhogo hinaguni inane hologo hagakhunem, it nen inileken hisalok Allah werekmake witluk ane waganuagaluk, hinekaerek hinaguni dopok inapma ukiluk inane hologo hagakhe dogono o.

1 Petrus 3:16

hinane enago heagei warogo yogeisekhe dogono. Itithogon yogeisekhe dogolik, hinakla nen, “An wene noba thelek o,” iluk apekhe dogolik, Kristus hinom hunik dogolik, hano hagakhunem, akhuni nen hinabok weak palugun meke iti inileken hisalok inekarli asugun o.

1 Petrus 4:11

Itithogon hagakhe dogolik, Yesus Kristus hinom hunik dogolik hagakhunem, it akhuni aperek nen Allah hogorakhe dogoagaluk, hit aperek nen wene yogeisekhe dogolik, Allah aneat yogeisigik, hit aperek nen it aperek yomageisekhe dogolik, Allah obatne woknisekherek iti bagaat yomageisigik, hagakhe dogono o. Itithogon hagakhe dogolik, Yesus obatneak ikhok motok welagarek etnogo hogorakho motok dogoak iluk, “Amin,” igi iti.

1 Petrus 4:14

Akhuni aperek nen at Kristus hasik wenakhisekhe halok, hinakla nen, “Allah Agoreke hogorakharek meke etnogo ninoba duk ekhemo welago,” iluk hinakla arleken akhekhe dogono o.