Matius 4:3 - ALLAH ANE WENW KET MEKE WAROGO WOKNINAKHIKHE WENE

³ Itithogon hipiri abu motok werekma, at Iblis inakla kagalik nekherek meke etnogo oba wageikhesik nen, “Hat Allah a'but eberogonat halok he, helekit ethoma hipiri roti meke hakene hagatlasuak nen yogosin o,” iluk yogokhikhemo,

Matius 4:3 ပူးပေါင်းရင်းမြစ်များ

Matius 14:33

Dek ageikhemo, it ku akla welagoukha meke emenogo nen Yesus hogorakhe dogolik, “Hat eberogonat Allah a'but heogo o,” iluk yogokhukha.

Matius 16:16

at Simon Petrus etnogo nen, “Hat hebe, Kristus Allah iluk motok welagarek meke a'but, nit tilninabuagaluk at nen la'isigin iluk abok yoknisasikhe etnogoat o,” iluk yogokhikhe.

Matius 26:63

at Yesus ane igidek thogotdisikhemo, at ap kok Allah iteerek meke etnogo nen he, “Allah a'but Kristus la'isigin isukha etnogo, ebe hat halok he, yoknisanok iluk, at Allah iluk motok welagarek meke etaga hupuk palogo yokhikhi o,” iluk yogokhikhemo,

Matius 3:17

Oba duk i ageikhemo, Allah ane pogot oba nen, “An na'but netaiken hunik dogolik noba hotok egerek ebe ithiat o,” iluk ane usa'i ageikhe.

Markus 1:1

At Yesus Kristus Allah a'but wene hano wene hagakhe lageikhe wene yokhisak.

Markus 3:11

U itithogon hano hagarinakhe korlek, it mokat inobabut weak meke akhuni inakla ukiluk welagoukha meke nen Yesus ebe inileken halok nen, inelokhe thogoum isukhasik nen, inane kokhogon yogokhe dogolik, men ekhe lagoukha, “Allah a'but he, harat o,” iluk yogokhe lagoukha.

Markus 5:7

“Yesus Allah Etagapogot a'but yi, nikithogon hagatnabigiluk wagan,” iluk yogokhikhemo, at Yesus nen, “Mokat hobabut weak meke yi, ap yi akla nen dukhi lan o,” iluk yogokhunem, at etnogo ane kokhogon ekhe dogolik, “Eiye. Na'it o. Nopase Allah oak o. Weagatnakhun,” iluk ane kokhogon isikhe.

Lukas 1:35

at malaikat etnogo nen, “Allah Agoreke hoba duk i witluk nen, kunakma ukegarek hak, ninopase Allah Etagapogot obatneak iti apma 'bagagin o. 'Bagoumo, heak Allah arligat a'but itasumo nen, akhuni nen, At iti Allah a'but, iluk ekhe dogogun o.

Lukas 22:70

it tha'bokhogonat nen, men yogokhukha, “Halok he, hat Allah a'but a?” iluk yogokhukhama, at Yesus nen, “Hit hinekaerek nen egep itiat o,” iluk yogeisasikhemo,

Lukas 4:3

Abu ageikhemo, at Iblis oba wageikhesik, men yogokhikhe, “Hat Allah a'but eberogonat halok he, helekit ethoma hipiri roti meke hagalasuak nen yogosin o,” iluk yogokhikhemo,

Lukas 4:41

Itithogon hano hagarinakhikhemo, it aperek inebe doalegat, mokat inobabut weak meke inakla ukiluk welagoukha meke nen men yogokhukha, “Allah a'but harat o,” iluk inane naik ilik ilik dukhisukha mekeat, it inakla nen, “Kristus Allah nen, tilninabuagaluk meldiluk la'isigin isikhe etnogo ebe yiat o,” iluk, inilu werekma, Yesus nen inane degat dogoagaluk wenageisasikhe.

Lukas 4:9

yabokane Iblis nen Yesus wolok, o Yerusalem lageikhesik nen, Yesus ebe o Allah ai halekma uanat upu warleke thalek isiken obaat wolok dageisikhesik nen, men yogokhikhe, “At Allah nen, An nagarumi malaikat emenogo nen thekharek dogoagaluk inayoko 'bigin o, iluk isikhemo werek. Nen, ageikhe men isikhemo werek, Hat hisok helekit oba waraunogo iluk, it malaikat iti iniki talek werekma wokhabugun o, iluk holal waganek weregat apigi. Halok he, hat eberogonat Allah a'but halok he, ya nen pok wema eloma usan o,” iluk yogokhikhemo,

Yohanes 1:34

at ebe an nileken hutukhogo higirik nen hutdigi o. Itithogon hutdigirik, at iti Allah a'but eberogonat o, iluk, abok hit pakhogo yokhisekhe lagei yi,” iluk yogeisasikhe.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 9:35

Akhuni nen, “It nen ap etnogo leget abel itikmanke ula'ega,” iluk isukhama, at Yesus asuk hokhikhesik oba nen, yabokane ap etnogo ipisak abuk agoukhasik, men yogokhikhe, “Ap ageikhe ebe abat itaklasi isigin, isukha etnogo, ebe hutdiluk nen hetaiken at oba hakotdegen a?” iluk yogokhikhemo

La'isasikhe 9:20

Itithogon welagoukha itinemat, o it akhuni Yahudi meke sembayan ekhe lagoukhama ukisikhesik, wene Yesus hasik yogeisekhe dogolik, “At Yesus iti, ebe Allah a'burat o,” iluk yogeisekhe lageikhe.

2 Korintus 1:19

At Allah a'but Yesus Kristus, an nebe nen yakulhisigik, Silas nen yakulhisigik, Timotius nen yakulhisigik, hagakhugu meke iti, obabut he, “I o,” iluk nen, “Dek o,” iluk ekherek dek. Allah nen, “I o. Wokhisagein,” iluk abok yoknisau hak, Yesus ebe woknisasikhemo werek iti.

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

1 Tesalonika 3:5

Iti nenat, at Iblis ninakla kagalherek meke etnogo nen hinakla kagali isumo, nit nen hit hinobasik thereak-moreak hagakhe lagagu etnogo we yugunat alomatlasusak iti na'it o, iluk nelabut hisik dogolik, netaiken thebelusak erlok dek agama nen, “Inetaiken Kristus oba hakokthegat werek a? Dek a,” iluk at Timotius nen hinobabut paliluk nen, yoknisi isuagaluk, hinoba la'i agei iti o.

Ibrani 12:16

At Esau hipiri abu nen, men isikhe, “Makusa itago an atma, an ite asigin meke iti kok he, dek. Nagot ite asuak,” iluk hipiri piring opakiat temerek meke hasik, at agot oba oko waganhikhe iti hak, hit aperek param hagakhik, wene ebeat meke kogotdigidek hinakla puk ageik, hagakhe dogogup o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.

Ibrani 7:3

Ap Melkisedek iti hasik, at agosa opase iti nen itago meke igik, ap iti opa lak iti nen itago meke igik, at iti hurli baga itaklageikhe igik, iti hurli baga watlageikhe igik, abok hutukhogon ageikhe igidegat. Iti nen he, at ebe Allah ekaerek a'but ipisak tak-tagat dogolik, at ebe Allah iteerek motok welagarek hakeneat o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.

A'bikaka 2:10

At Iblis nen hit hinakla kagaluagaluk, ap hit meke ebetlake iniki herle warogo 'bisamo, iniki 10 baga nen yi aik ti aik hekhe dogogun iti re, hinayuk agup o. Yi aik ti aik itithogon hagathinakho korlek, hinetaiken an noba hakotdiluk, an ninom hunik werekma watlasugun halok he, tha nen ae a'busuk weak tha nen ae a'busuk weak lagunem, it inobatne ageikharek meke oko kare-kare mitago wogeisegarek iti hak, oko naburlal-haburlal hagathinabigin o.