Matius 4:24 - ALLAH ANE WENW KET MEKE WAROGO WOKNINAKHIKHE WENE

²⁴ Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 4:24 ပူးပေါင်းရင်းမြစ်များ

Matius 12:22

Itithogon hagakhikhesik oba nen, yabokane ap ageikhe mokat obabut weak meke akla ukisikhemo nen ileken puk ageik, ane ako dek ageik hagakhikhe meke Yesus oba wolok wagoukhama, at nen hanotdisikhemo ileken puk meke etnogo hano ageik, ane dek meke huak igik, hagakhikhe.

Matius 14:1

O eta baga, at Herodes o Galilea eloke kok etagapogot welageikhe meke iti, Yesus nen hagakhe lageikhe meke asuk holhikhesik nen,

Matius 15:22

Dagei agunem, he ageikhe o Kanaan etoma aierek meke Yesus oba wageikhesik ane kokhogon men yogokhikhe, “Daud nen itago meke noe. An neak horlak meke mokat obabut weak meke akla ukekhesik weak werek. Halok he, hakmu nean o,” iluk yogokhikhe mekeat he,

Matius 17:15

“Noe. An na'but yi hakmurasin o. Ilhurluk 'bekhe dogolik, ebe watlageik, iluk ageik, hagakhe dogolik, hibiku-yogokuat hetumo ukigik, ima lageik, hagakhe dogolik weak motok welagarek iti nen,

Matius 17:18

yekerek etnogo wolok wagoukhama mokat obabut weak meke akla ukiluk werekma Yesus nen wenagakhikhemo, dukhi lageikhemo eranogoat hano ageikhe.

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Matius 8:28

Yabokane, ap Gadara meke inaila i yekelek aik ilibaganke italhukha hak, it ap inebe pere mokat inobabut weak meke inakla ukisikhemo welagoukha meke eranogo warek 'bisagarekma etoma nen Yesus oba wagoukha. It ap iti inanini motok weak nen, akhuni it inayuk nen holak itike motok laga lagoukha dek mekeat he, Yesus wageikhemo oba dukhi agoukhasik,

Matius 8:33

Itithogon i lagoukhama nen, it akhuni wam therisik welagoukha meke inayuk atluk, “Yigithogon hagatlaga o,” iluk yoko o ukul kokma pirlikha lagoukhasik nen, it ap inebe pere eranogo inabok inomat pilinogo yogeisasukha.

Matius 8:6

“Noe! An natuaneke ageikhe iki isok aborlok dek motok uma witik dogolik, hinet weak wariogo,” iluk yogokhikhemo

Matius 9:26

Itithogon hagakhikhemo, “Yesus nen hagakhe o,” iluk, o yi ai ti ai etoma abok motok thak-pak isikhe.

Matius 9:35

At Yesus o ukul kokmake, herlekha'bukmoke, ya ukigik, ta ukigik, nekhe dogolik, o it akhuni Yahudi meke sembayan egarekma ukiluk, hano wene ninopase Allah nen apma 'binanherek wene etnogo yakulisigik, yi u ti u inoba werek meke inom, inobatne dek erlok dek meke inom, hano hagarinakhik, hagarik nekhe lageikhe.

Markus 1:28

Itithogon hogorakhukhama, at Yesus abok o Galilea eloke o ya ta etoma ibat thak-pakhogon hagatlageikhe.

Markus 1:32

Itithogon yomageisekho werekma, hiamaganekeke mo kobokhogon lageikhesikmo nen, it akhuni nen he, it aperek u warek meke inom, mokat inobabut weak meke inakla ukisukhasik welagoukha meke inom, wogosik Yesus oba wagoukha.

Markus 2:3

Yogeisugunem he, ap inebe 4 oba nen, ap ageikhe iki isok aborlok dek motok welageikhe meke o perlago wolok Yesus oba wagoukha.

Markus 2:4

Wolok wagoukhasik, Yesus oba wolok ukuogoluk hagakhukha meke re, akhuni kerlek nen, nikithogon wolok uku heat ageikhemo, o warleke baga dageisukhasik, Yesus ebe welageikhe mot-morat warleke supuk talogo nen, ap iki isok aborlok dek meke etnogo arlit eka noge ekhe lageikhe meke baga earogo usa'isukha.

Markus 2:9

An nen ap iki isok aborlok dek meke yi, wene yogosusak he, alhe hakene ki apegep. Hat weak hagakhe lagan meke iti arat thagalogo degetdigi, iluk yogokhi iti alhe hakene meke yogokhi apegep a? E a, at he, Hebe melatluk nen, harlit eka talogo noge ekhe lagan meke yi horlalok lan o, iluk yogosusak alhe hakene apegep a? Dek o. Hebe melatluk lan, iluk yogosumo akinat o.

Lukas 2:2

Inetaga alebageik holal waganhukha iti, ap etaga Kirenius iti, o propinsi Siria etoma gubernur werek korlek waganhukha.

Lukas 4:14

At Iblis etnogo arat lageikhemo nen, at Yesus Allah Agoreke obatnerogon akla werek korlek, apuke o Galilea eloke dagei ageikhe. Dagei ageikhemo, at abok aliluke o etoma motok thak-pak isikhe.

Lukas 4:38

Abok itithogon wolok dukhisukhama, at Yesus o sembayan egarekma etnogo thogotdiluk nen, ap Simon aila lageikhe. Lageikhemo, ap Simon iti akhoan oba u agaken weak werekma, Yesus nen hano hagasuagaluk ayoko 'bisukhama,

Lukas 5:15

Asuk warogo la'isikhe mekeat, at etnogo lageikhesik, Yesus nen hagakhikhe meke emenogo abok thak-pakhogon hagatlageikhemo, akhuni doalegat ane holhukhasik, it yi u ti u inoba werek meke hano hagarinabuagaluk, Yesus oba motok doalegat natogosi aga lagoukha.

Lukas 5:24

Akin mekeat he, an abat itaklasi agagi etnogo re, agat oba yoma dogolik, akhuni yi weak ti weak hagakharek meke an nenat thagalogo degetdekhe dogoagaluk, Allah nen iteerek danhikhe meke iti hinilu asubageik nen yogosik,” iluk yogeisasikhesik, ap iki isok aborlok dek meke etnogo men yogokhikhe, “Hebe melatluk harlit eka talek noge ekhe lagan meke ithi horlalok, haila lan o,” iluk yogokhikhe.

Lukas 7:17

Itithogon isukhasik, wene hagatlageikhe meke iti, o Yudea yi ai ti ai etoma nen piokthek, o aliluke etoma Yesus abok motok wolok dukhisukhama wiagisikhe.

Yohanes 10:21

Itithogon isukha meke re, it hetnake nen, men isukha, “Dek o. Akhuni mokat obabut weak meke inakla ukiluk, wene itithogon egarek dek o! Mokat obabut weak meke nen inileken puk meke erlok hano hagarinabusak apegep? Motok erlok dek o,” iluk isukha.

La'isasikhe 15:23

Wene iti baga holal waganogo 'bekhe dogolik, men isukha, “Nit hinagarlak lak Yesus nen ninayoko 'biluk la'inani ageikhe meke men, Allah a'buri therisik welagorek meke men, ninom nen, hit hinebe o Antiokhia meke, Siria meke, Kilikia meke, hinebe itikmanke mekeat, Allah a'buri meke ninagarlak lak ninerugi, iluk heagei wathinakho iti o.

La'isasikhe 15:41

It etnogo waga dogolik, o propinsi Siria etoma nen piokhogon o propinsi Kilikia Allah a'buri yi ai ti ai natogokhe lagoukha meke emenogo inetaiken ago warinakhik wagoukha.

La'isasikhe 28:9

Itithogon hano ageikhemo, it akhuni o i eken palekma etoma meke u waganhe lagoukha meke aperek Paulus oba wagoukhama, hagarinakhunem inoba hano agoukhaat.