Matius 4:22 - ALLAH ANE WENW KET MEKE WAROGO WOKNINAKHIKHE WENE

²² Waisasikhemo, ku etnogo inom, inopase Zebedeus etnogo inom, eranogoat here'isalok, it Yesus oporligat lagoukha.

Matius 4:22 ပူးပေါင်းရင်းမြစ်များ

Matius 10:37

Nen, an he, hina'it negen apekhe dogolik, hinagosa hinopase lak hinakmu welagap halok he, an nagarumi asusak motok dek o. Nen, an hina'it negen dogolik hina'buri elege inom, hina'buri homagarlugi inom, hinakmu welagap halok he, an nagarumi asusak motok degat o.

Matius 4:21

Lagoukhama, at Yesus ileken lageisasikhe meke, ap inebe pere Zebedeus a'buri Yakobus agot Yohanes ipisak inopase inom, ku akla dogolik, su yoge ikan waganhe lagoukha meke etnogo 'bugukakhunem lageisalok nen, waisasikhe.

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Markus 1:20

Ileken lageisalok nen, eranogoat waisasikhe. Waisasikhemo, inopase inom, ap oko wogeisagaluk inayoko 'bisikhe meke inom, ku baga 'bisalok Yesus oporligat lagoukha.

Lukas 14:26

“Hit hinagosa hinopase lak men, hinagugi hina'buri men, hinougi hinagarumi men, hit hinekaerek hinebe iti men, tha'bokhogonat, Motok na'it o, iluk, apigidek dogolik, an nagarumi asuogoluk napma ukisusak erlok dek o.

Lukas 14:33

Iti hak, hit aperek hinameke yi meke ti meke thogotdisigidek dogolik an nagarumi asuogoluk napma ukusak erlok dek o,” iluk yogeisasikhe.

Lukas 5:11

Itithogon yogokhikhemo ku etnogo i aik oba 'bi agoukhasik nen, yi meke ti meke tha'bokhogonat here'isalok Yesus oporlik lagoukha.

2 Korintus 5:16

Itithogon nit nen hurli yogotak ya hurli nen, akhuni nen inobabut palharek hak, it akhuni aperek inobabut itithogon palhe lago dek o. Nen, alebageik Kristus obabut itithogon palhugu hak, yabokane itithogon palhe lago dek o.