Matius 4:19 - ALLAH ANE WENW KET MEKE WAROGO WOKNINAKHIKHE WENE

¹⁹ Lageisasikhesik nen, “Ikan waganhe lagap iti hak, akhuni itithogonat woginabik nekhe dogobageik nen he, yakulhisak nen noporlik witni o,” iluk yogeisasikhemo,

Matius 4:19 ပူးပေါင်းရင်းမြစ်များ

Matius 16:24

Itithogon yogokhikhesik, at agarumi ane waganhe lagoukha meke emenogo ageikhe men yogeisasikhe, “At tha nen an noporlik nekhe dogeigiluk halok he, obabut ekaerek hasik etaiken hunik dogolik hagakherek meke iti, Na'it, iluk thogotdiluk, o baga meldisalok inakharek meke iti ago mekeat wolok noporlik nekhe dogeigiluk wisuak o.

Matius 19:21

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

Matius 4:18

At Yesus i Galilea yekelekma aik obake laga dogolik, ap inebe pere, Simon etaga ageikhe Petrus ekhe lago etnogo agot Andreas ipisak hibiku-yogoku ikanat waganharethekma nogo nen, itinem ikan waganuogoluk, su yoge meke ima usakhunem ileken lageisasikhe.

Matius 4:20

inasu yoge meke etnogo here'isalok eranogoat at oporlik lagoukha.

Matius 8:22

Itithogon yogokhikhemo at Yesus nen, men yogokhikhe, “Here'isalok nen, noporlik eme. Warek meke halok, it akhuni inebe warek meke hakene werek etoma nenat thalinakhe dogoak o,” iluk yogokhikhe.

Matius 9:9

At Yesus o etoma thogotdiluk laga dogolik, ap ageikhe etaga Matius, kantor uang pemerintah hasik kino iluk waganhe lagoukhama hurek werekma, ileken halok, “Noporlik eme o,” iluk yogokhikhemo, melageikhesik oporligat lageikhe.

Markus 2:14

Wene yakulisalok laga dogolik nen, ap Lewi, Alfeus a'but, kantor uang pemerintah hasik kino iluk waganhe lagoukhama hurek werekma ileken hasikhe. Ileken halok nen, “An noporlik eme o,” iluk yogokhikhemo, melatluk oporlik lageikhe.

Lukas 5:27

Itithogon hagatluk, at Yesus o etoma nen dukhiluk holak laga dogolik ileken lakhasikhe meke, ap ageikhe uang pemerintah hasik kino iluk waganherek meke ageikhe etaga Lewi iti, kantor uang pemerintah hasik waganharekma hurek werekma ileken hasikhe. Etoma werekma ileken halok nen, “Noporlik eme o,” iluk yogokhikhe.

Lukas 9:59

Itithogon yogokhikhesik ap ninat meke ageikhe men yogokhikhe, “Nipisak nekhe dogouok nen noporlik eme o,” iluk, yogokhikhe mekeat he, ap etnogo nen, men yogokhikhe, “Eiye, noe! An nopase watlasusakma iti tak agatma thali lak nen, hat nen, I o. Lan o, iluk yoknetnogoluk yokhikhi o,” iluk yogokhikhe.

Yohanes 1:43

Itithogon isikhesik noge iluk hubuluke, at Yesus o Galilea dageisigiluk akla apasikhesik nen dagei ageikhe hak, ap etaga Filipus ipisak abuk agoukhasik nen, men yogokhikhe, “Nagot. An noporlik eme o,” iluk ayoko 'bisikhemo oporlik lageikhe.

Yohanes 12:26

Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.

Yohanes 21:22

at Yesus nen, “An nakla nen, ap ithi, ebe ilugat werekma, an yabokane wisigin nakla apigi halok he, hat nen hagasusak meke 'buk. An noba dopok o. Itithogon mekeat, hat anek, an noporlik nekhe dogono o,” iluk wene itithogon yogokhikhe meke iti,

2 Korintus 12:16

An nen he, hit hinoba akinetdigiluk hit meke kino yokhisigidek iti ekagat werek iti. Meke re, hit aperek nen ekhe dogolik, “At Paulus obabut kauk nogo nen, yi meke ti meke thaburagaluk, ane 'bitokhogon yoknisekherek,” iluk ekhe lagap iti,