Matius 4:13 - ALLAH ANE WENW KET MEKE WAROGO WOKNINAKHIKHE WENE

¹³ Dagei ageikhesik, o ukul Nazaret etnogo thogotdiluk nen, o ukul Kapernaum i Galilea yekelek aik obake etoma, it ap inukuloak etaga Zebulon meke inom, Naftali meke inom, inaila etoma dogeigiluk dagei ageikhe.

Matius 4:13 ပူးပေါင်းရင်းမြစ်များ

Matius 11:23

Nen, hit akhuni o Kapernaum meke yi hinakla nen, Allah nen pogot oba lia'inaniluk kogotdinanigin, iluk hogorakeke lagap a? Motok dek o. Akhuni watlatluk lageikharekma etoma motok usa'inagagin o. Akhuni nen hagasusak dek meke an nen elalinat hit ninom dogolik hagakhe lagei etnogo, o Sodom etoma hagakhe dogolema, it etoma inebe dek ageidek yogotak ya motok hunigat dogolep o.

Matius 17:24

Itithogon hagatluk, o Kapernaum wagoukhama, it Allah ai halek hasik oko uang kino iluk waganhe lagoukha meke nen, at Petrus oba wagoukhasik nen, men yogokhukha, “Hinoe Allah ane yakulhisekherek meke iti nen Allah ai halek hasik oko uang 'begarek etnogo meke ageikhe 'bekherek a? Dek a,” iluk yogokhukhama,

Matius 4:14

Dagei ageikhe iti, at Yesaya Allah ane yogeisekhe lageikhe meke etnogo nen holal waganhe dogolik,

Matius 4:15

“Hit ap hinukuloak etaga Zebulon meke inom, Naftali meke inom, hinaila i Yordan aik ilibaganke halek meke inom, i laut kok yekelekma usegarekma halek meke inom, hinaila o Galilea eloke ethoma, it ap itikmanke meke nen thebelek werek yomarani.

Matius 9:1

Itithogon yogokhukhama, at Yesus ku akla ukiluk, ku warogo i aik ilibaganke italhikhesik o ukul at aila lageikhe hak,

Markus 1:21

It emenogo Yesus oporlik laga dogolik, o Kapernaum ukisukha. Ukisukhasik nen he, iniki 7 baga Allah hasik werlegat dogolik, o akhuni Yahudi meke sembayan egarekma ukisikhesik nen, Yesus nen wene yakulisasikhe.

Markus 2:1

At Yesus iki pere negen o etoma welageikhesik nen, yabokane o Kapernaum uki ageikhe. Uki ageikhesik nen, uma ukisikhemo, akhuni nen he, “At ebe uma werek o,” iluk isinem inasuk holhukha.

Lukas 10:15

Nen, hit akhuni o Kapernaum meke yi hinakla nen, Allah nen pogot oba lia'inaniluk kogotninabigin, iluk hinekaerek hogorakeke lagap a? Motok dek o. Akhuni watlatluk lageikharekma etoma motok usa'inagagin o,” iluk yogeisasikhe.

Lukas 4:23

Itithogon hogorakhukhama, at Yesus nen, men yogeisasikhe, “Akhuni nen hibiku-yogokuat ekhe dogolik, Hat hebe ap dokter hakene ethoma re, hoba u iti hekaerek nen hagaran o, iluk egarek meke, hit nen dagakhogon an yoknesugun higi. Itithogon yoknetluk, O Kapernaum hagakhe lagan meke holhe lago iti hak, yogotak hekaerek hai yoma itithogonat ageikhe hagasin o, iluk, yoknesuogoluk ekhe lagap higi,” iluk itithogon yogeisasikhesik nen, ageikhe men yogeisasikhe,

Yohanes 2:12

Itithogon arat hagatluk nen, at Yesus ebe men, agosa men, agarlai men, agarumi at ane waganhe lagoukha meke men, inom o Kapernaum lagoukha. Lagoukhasik nen, iniki pere negen anek welagoukha.

Yohanes 4:46

At Yesus ebe itithogon heagei warogo waganhukhama, alebat i meke anggur eken apusu hagakhikhe baga o Galilea ukul etaga Kana etnogo wageikhe. Wageikhesik werekma, ap kok pemerintah meke ageikhe, aila o Kapernaum meke, a'but oba u warek welageikhe.

Yohanes 6:24

Inileken hasukhasik inakla nen apekhe dogolik, “Yesus ebe men, agarumi at ane waganiogei meke men, inebe dek yoma,” iluk, ku akla ukiluk, Yesus ebe herarik o Kapernaum itali agoukha.

Yohanes 6:59

Wene Yesus nen itithogon yogeisasikhe iti, at ebe o Kapernaum o akhuni Yahudi meke sembayan egarekma wene yakulisekhe dogolik yogeisasikhe.