Matius 4:12 - ALLAH ANE WENW KET MEKE WAROGO WOKNINAKHIKHE WENE

¹² “At Yohanes etnogo iki herle wakhama,” iluk isukhama, at Yesus asuk holhikhesik nen, o Galilea eloke dagei ageikhe.

Matius 4:12 ပူးပေါင်းရင်းမြစ်များ

Matius 11:2

At Yohanes ima usa'isekhe lageikhe meke etnogo iki herle warek werekma, akhuni nen, “Kristus itithogon hagariogo,” iluk ugunem asuk holhikhesik nen, at agarumi ane waganhe lagoukha meke Yesus oba hinok waganuagaluk la'isa ageikhe.

Matius 14:3

At kok Herodes nen agot Filipus age he Herodias iti tilogo waganhikhe iti baga Yohanes iki herle warogo iniki herle warogo 'bisegarekma kola'isikhe.

Markus 1:14

Yabokane Yohanes etnogo iki herle wakhukhasikmo, at Yesus o Galilea eloke dagei ageikhesik nen, Allah ane hano wene etnogo yogeisilik nekhe lageikhe.

Markus 6:17

Itithogon isikhe iti, haganeat at Herodes nen agot Filipus age etaga Herodias iti waganhikhemo at Yohanes nen men yogokhe lageikhe, “Hat nen hagot age waganusak dekma waganhen iti waganek dogosak erlok dek o,” iluk eran-alep ekarli warogo yogokhe lageikhe iti nen, at nen ap inayoko 'bisikhemo Yohanes ebe hakha lagoukhasik wolok wagoukhasik iki herle warogo o iniki herle warogo 'bisegarekma kola'isukha.

Lukas 23:5

it emenogo yabokane inane motok obatnerogon men yogokhukha, “Dek o. Ap yi wene yakulisilik nekhe dogolik, akhuni o Yudea yi ai ti ai tha'bokhogonat inakla kagalik liliogo. Keram o Galilea etoma nen inakla kagalik kagalik, o yoma waga yi,” iluk yogokhukha.

Lukas 3:20

at Herodes etnogo weak hagarik waga lageikhesik, yabokane oba dukhogon, Yohanes ebe iki herle warogo nen, o akhuni iniki herle warogo 'bisegarekma kola'isikhe.

Lukas 4:14

At Iblis etnogo arat lageikhemo nen, at Yesus Allah Agoreke obatnerogon akla werek korlek, apuke o Galilea eloke dagei ageikhe. Dagei ageikhemo, at abok aliluke o etoma motok thak-pak isikhe.

Lukas 4:31

Inakerleklake nen lelokhogon dukhisikhesik o Galilea eloke ukul etaga Kapernaum lageikhe. Lageikhesik, iniki 7 baga Allah hasik werlegat dogolik, wene yakulisekhe lageikhe.

Yohanes 1:43

Itithogon isikhesik noge iluk hubuluke, at Yesus o Galilea dageisigiluk akla apasikhesik nen dagei ageikhe hak, ap etaga Filipus ipisak abuk agoukhasik nen, men yogokhikhe, “Nagot. An noporlik eme o,” iluk ayoko 'bisikhemo oporlik lageikhe.

Yohanes 2:11

At Yesus ebe hutduagaluk elalin meke ageikhe hagakhidekma alebageik hagakhikhe iti, o Galilea o ukul Kana dogolik hagakhikhe iti baga, at hogorakharek meke inilurogo yakulisasikhemo, it at agarumi ane waganhe lagoukha meke emenogo Yesus ebe hutdiluk, inetaiken at oba hakotdisukha.

Yohanes 4:43

At Yesus iki pere etoma inom welagoukhasik nen, o Galilea arat dagei ageikhe.

Yohanes 4:54

At Yesus ebe o Yudea nen Galilea alep dagei ageikhesik akhuni nen ebe hutduagaluk elalin meke alep ageikhe hagakhikhesik oba nen, yabokane dagei ageikhesik, ageikhe hagakhikhe iti.