Matius 3:8 - ALLAH ANE WENW KET MEKE WAROGO WOKNINAKHIKHE WENE

⁸ Halok he, hinakla ebetdiluk, weak hagakhe lagap meke here'isalok, hinobabut eberogonat hebelaga iluk ekagat asuak nen mothogon hagakhe dogono o.

Matius 3:8 ပူးပေါင်းရင်းမြစ်များ

Matius 21:32

At Yohanes etnogo Allah akla apekherek meke mothogonat hagakhe dogoagaluk yukulhisa ageikhe mekeat he, hit hinakla nen, At ane iti eberogonat iluk, hutdigidek welagagip. Meke re, it ap pemerintah hasik uang kino iluk natogokharek meke iti inom, humi yugunat hagarik nekharek meke iti inom, At ane iti eberogonat iliogo, iluk inakla hutdisukha. It nen itithogon hutdisinem hinileken hisasigip mekeat he, hit anek yabokane hinobabut hebelatluk hutdigidek welagap yi re,” iluk yogeisasikhe.

Lukas 3:8

Halok he, hinakla ebetdiluk, weak hagakhe lagap meke here'isalok hinobabut eberogonat hebelaga iluk ekagat asuak nen mothogon hagakhe dogono o. Nen, hinakla nen, Abraham iti nit ninopase, iluk apugup o. At Allah nen Abraham a'buri negen hagatlasuagaluk helekit yi meke erlok hagasusagat o, iluk yokhisigi iti.

La'isasikhe 26:20

Wene iti, ebekeram it akhuni Yahudi meke o Damsyik etoma welagoukha meke yogeisasigi. Yabokane o Yerusalem lalok dogolik, it etoma meke yogeisigik, o propinsi Yudea meke tha'bokhogonat yogeisigik, hagakhigisik, it itikmanke meke yogeisilik nekhe lagei. Itithogon yogeisilik nekhe dogolik, Weak hagakhe lagap meke here'isalok hinobabut hebelogo hinelokhe Allah wogotno o. Hinelokhe Allah wogotluk nen, hinobabut akhuni inobabut hebelatluk hagakharek hagat, hagakhe dogono o, iluk yogeisekhe lagei iti.

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.

Efesus 5:9

O erlo hano meke nen eken hano mekeat ikherek hak, akhuni o lia baga dogolik yi meke ti meke hanorogo mothogonat inetaiken oba nen eberogonat hagakharek iti o.

Filipi 1:11

Yi meke ti meke ai yakhunem erlo kok atluk eken ikherek hak, at Yesus Kristus nen hagathinakhe dogogin oba, hinobabut mothogon hagakho motok aperek inomat obarluk hagakhe dogogun halok, at ebe wagunem, akhuni aperek nen Allah heagei wakhik, hogorakhik, hagasugun o.