Matius 3:5 - ALLAH ANE WENW KET MEKE WAROGO WOKNINAKHIKHE WENE

⁵ Itithogon werekma, it akhuni o kota Yerusalem nen, o propinsi Yudea nen, i Yordan aik obake etoma tha'bokhogonat nen, at oba natogosi agoukha.

Matius 3:5 ပူးပေါင်းရင်းမြစ်များ

Matius 2:1

At Yesus iti, o propinsi Yudea etoma o ukul etaga Betlehem itaklageikhe. Itaklageikhe eta higit o etoma ap kok etagapogot Herodes iti welageikhe. Werekma, it ap inobagasiak husagal penakhe lagoukha meke aperek o mulikin dagei agarekma eloma mot-mot nen o Yerusalem wagoukha.

Matius 4:25

Itithogon hano hagarinakhe korlek, akhuni tha'bokhogonat o Galilea nen, o kota 10 etoma nen, o Yerusalem nen, Yudea nen, i Yordan aik ilibaganke etoma nen, inebe motok doalegat wagoukhasik Yesus oporlik nekhe lagoukha.

Markus 1:5

Itithogon yogeisugunem he, it akhuni o propinsi Yudea, meke inom, o kota Yerusalem meke inom, inebe tha'bokhogonat, at oba natogosi aga lagoukha. Natogosi wagoukhasik, yi weak ti weak hagakhe lagoukha meke 'bualogo here'isugunem, at nen i Yordan ima usa'isekhe lageikhe.

Lukas 16:16

At Yohanes ima usa'isekhe lageikhe meke etnogo aban wageidek werek korlek, wene Allah nen ninasuk wakhikhe meke etnogo men, it Allah ane yogeisekhe lagoukha wene etnogo men, wene itiat kok welageikhe. Meke re, at Yohanes wageikhe iti hurli nen, hano wene Allah nen apma 'bisekherek wene etnogo yogeisilik lagunem, akhuni tha'bokhogonat nen wene waganuogoluk inobatnerogon hathani motok ukiriogei.

Lukas 3:3

Itithogon yogokhikhemo, at Yohanes etnogo o Yordan eloke etoma ya ta nekhe dogolik, akhuni yogeisekhe dogolik, men ekhe lageikhe, “Wene hinoba meke Allah nen thagalogo degetduagaluk, hit weak hagakhe lagap meke iti thogotdisalok, hinobabut hebelatni. Hinobabut hebelasumo, an nen ima usa'inagakhe dogogin o,” iluk, yogeisilik nekhe lageikhe.

Lukas 3:7

Itithogon yogeisilik nekhe lageikhemo, it akhuni emenogo motok doalegat ima usa'inabuagaluk Yohanes oba natogosi aga lagoukha meke men yogeisekhe lageikhe, “Hit warlo pelal nen itago meke yomarani! Hit he, Allah akla aga apik dageigin etnogo hinoba 'bisinem lo erlok lugun iluk, tha nen husupi yokhisekhe. Erlok dek o.

Yohanes 3:23

Itithogon hagakhe lagoukha etanem, Yohanes iki herle warogo o herle warek 'bisegarekma aban kola'igidekma dogolik, o etaga Ainon o Salim alilu etoma i doalegat iti nen akhuni ima usageinabuagaluk, Yohanes oba wagunem, ima usa'isekhe lageikheat.

Yohanes 5:35

At Yohanes iti ebe re, isagal yibarlogo 'bisinem yakherek hak werekma, hit nen, Isagal yago ninoba 'bekhe dogoak iluk, elanma hasigat hinakla arleken akhekhe lagagip iti,