Matius 3:2 - ALLAH ANE WENW KET MEKE WAROGO WOKNINAKHIKHE WENE

² “At kok pogot oba meke apma 'bisagein etnogo yogotak arat 'binanigin. Halok he, yi weak ti weak hagakhe lagap meke here'isalok hinobabut hebelatni o,” iluk yogeisekhe lageikhe.

Matius 3:2 ပူးပေါင်းရင်းမြစ်များ

Matius 10:7

'Birisa laga dogolik, men yogeisilik lano o, Ninopase Allah pogot oba meke apma 'binanigin etnogo yogotak arat 'binanigin o, iluk, yogeisilik lano o.

Matius 11:20

Itithogon yogeisasikhesik nen, akhuni inai ukul dopok at nen hagasusak dek meke elalinat hagakhunem inileken hekhe lagoukha mekeat he, inakla hutdigidek dogolik, yi weak ti weak hagakhe lagoukha meke here'isigidek welagoukha meke wenageisekhe dogolik, men yogeisasikhe,

Matius 12:41

At Yunus iti nen it akhuni o Niniwe meke etoma Allah ane yogeisekhe lageikhemo, inobabut hebelatluk, yi weak ti weak hagakhe lagoukha meke here'isasukha o. Meke re, at Yunus iti etaga dek negen. At ageikhe yoma werek yi anek, kogat etogo nen, o ilugun hurli baga Allah nen akhuni ukum inoba 'bigik, kokhik, hagasigin itinem, akhuni o Niniwe meke etoma inebe melatluk, hit akhuni o yogotak welagap meke yi men yokhisagun, Hit weak, hinekarli, iluk yokhisagun o.

Matius 13:11

at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

Matius 13:24

At Yesus nen wene itithogon yogeisasikhesik wene ageikhe oba lisogon men yogeisasikhe, “Nopase kok pogot oba meke nen apma 'bisekherekma iti ebe ap ageikhe ayabula ai hano meke yakhikhe iti hakeneat o.

Matius 13:31

At Yesus nen itithogon yogeisasikhesik yabokane wene ageikhe oba lisogon men yogeisasikhe, “At kok pogot oba meke apma 'bisekherek iti ebe re, ki'bi-ki'bi ai hakene o. Ap ageikhe nen ki'bi-ki'bi ayabumo hilik la'isikhe. Yi meke ti meke ai iti herlekha'bugat mekeat he, ki'bi-ki'bi ai iti anek motok herlekha'bugat o. Meke re, ki'bi witat men, ageikhe meke men, aku dukhekherethek nen, oak herlekha'bugat negen dageikharek. Mekeat he, ki'bi-ki'bi ai iti anek motok kogat dageikherethek, o hakene hagatlagunem, thue hitluk nekherek meke witluk nen, ki'bi-ki'bi iti ikilo'bak obake ai hali agarek iti hakeneat o,” iluk yogeisasikhe.

Matius 13:33

Itithogon yogeisasikhesik nen, wene ageikhe oba lisogon men yogeisasikhe, “Nopase kok pogot oba meke nen apma 'bisekherek ebe re, eken roti akla usa'isinem hikherek iti hakeneat o. He ageikhe nen gandum tamelek tepung wul hakene meke 40 kilo walhalok waganhikhesik, eken roti hisuagaluk akla usa'iluk abel dagalogo hagakhikhemo ebe tha'bokhogonat motok hikhikhe iti hakeneat o,” iluk yogeisasikhe.

Matius 13:47

Itithogon yogeisasikhesik, ageikhe men yogeisasikhe, “Nopase kok pogot oba meke nen apma 'bisekherek iti ebe men hakene. Ikan waganuogoluk su yoge su baga i kok laut iti yekelekma akla usa'isinem yi ikan ti ikan ukuloak etaga tomok akla ukhat laga halok,

Matius 13:52

Itithogon yogokhukhama, at Yesus nen, “Halok he, it ap Allah ane holal waganek iteerek meke emenogo nen, nopase kok pogot oba meke nen apma 'bisekherek etnogo wene yakulho halok he, iti men hakene usak. Ap kok meke ameke etaiken hunik meke 'bakhekherekma nen, ket meke inom, haganeat meke inom, eran-alep waganiluk ula'i agarek hagat o,” iluk yogeisasikhe.

Matius 18:23

Itithogon hakene nopase kok pogot oba meke 'bisekherekma etoma ipisak higit, ap kok etagapogot ageikhe ameke agarumi nen hago welagoukha meke waisasikhe. An anek thaburogo 'banhama a? It ageikhe inoba palegeke werek a, iluk iki wenasigiluk waisasikhemo wagoukhama

Matius 20:1

At Yesus nen yabokane men yogeisasikhe, “Nopase kok pogot oba meke nen apma 'bisekherekma etoma ipisak tak-tak men hakene. Ap yabu iteerek meke ageikhe yabu anggur yabumo wagunuagaluk ap herageinabik hubenat yoko dukhisikhe.

Matius 22:2

“Nopase kok pogot oba meke apma 'bisekherekma etoma ipisak higit, ap kok etagapogot ageikhe a'but age waganhe dogolik pesta isakhukha hagat o.

Matius 23:13

Itithogon yogeisasikhesik, it Allah ane holal waganek iteerek meke men, Farisi meke men, men yogeisasikhe, “Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit iti akhuni nopase pogot oba apma ukunogo iluk, hit nenat thu lakhe lagap yoma re! Hit hinekaerek ukigidek dogolik, it aperek ukuogoluk hagakhunem, hit nen, Ukusak dek o, iluk wene palhe lagap yoma re!

Matius 25:1

At Yesus nen itithogon yogeisasikhesik, wene ageikhe men yogeisasikhe, “Nopase kok pogot oba meke apma 'bisekherekma etoma ipisak tak-tak he, homagarlugi inebe 10 meke nen lampu yibarlogo wolok ap age ikhekhe meke etnogo wagunem elokhoma lagoukha iti hakeneat o.

Matius 25:14

At Yesus nen itithogon yogeisasikhesik nen, ageikhe men yogeisasikhe, “Nopase kok pogot oba meke apma 'bisekherekma etoma, ipisak tak-tak, ap ageikhe o walegat nekalokma lagaluk hagakhe dogolik, at atuaneke meke waisasikhemo wagoukhama, at ameke yi meke ti meke it therogo dogoagaluk inikimo 'biluk lageikhe iti hakeneat o.

Matius 4:17

Dagei ageikhesik dogolik, hurli iti hurli nen, akhuni etoma yogeisekhe dogolik, “At kok pogot oba meke nen apma 'bisagein etnogo yogotak arat apma 'bisagein o. Halok he, weak hagakhe lagap meke here'isalok hinobabut hebelatni o,” iluk yogeisilik nekhe lageikhe.

Matius 4:23

Lagoukhama, at Yesus o Galilea eloke o tomok etoma nekhe dogolik, akhuni Yahudi meke sembayan egarekma ukisikhesik, wene hano wene yabokane ninopase Etagapogot apma 'binanigin etnogo wene yogeisigik, yi u ti u hano hagarinakhik, hagakhe lageikhe.

Matius 5:10

Nen, akhuni nen Allah akla apekherek meke kogotdisegarek meke hasik, it aperek nen weagarinakhunem, kok pogot oba meke apma 'bisekherekma etoma iteerek irat asugun iti nen, inakla arleken akhekhe dogosagat o.

Matius 5:3

“Akhuni inakla nen, An he, Allah il oba, ebe meke hasik nerlageik welagei, iluk apegarek meke iti, kok pogot oba meke apma 'bisekherekma etoma iteerek irat iti nen, inakla arleken akhekhe dogosagat o.

Matius 6:33

Halok he, hinopase Allah nen apma dogolik hagakhe dogosak iti hasik men, nen, at nen, Yigithogon tigithogon hagatno, iluk yokhisugunem hagakhe dogosak iti hasik men, kogotdekhe dogogun halok, yi meke ti meke iti oba dukhogon wokhisageinat o.

Markus 1:15

Yogeisilik nekhe dogolik, men ekhe lageikhe, “O Allah apma 'binagagin etnogo arat 'binagagin o. Halok he, hit weak hagakhe lagap meke here'isalok hinobabut hebelogo hano wene yi eberogonat iluk hutdini o,” iluk yogeisilik nekhe lageikhe.

Markus 1:4

Wene holal waganek werek iti tak-tagat, at Yohanes ebe o limo akhuni dekma wageikhe iti. Wageikhesik nen, akhuni ima usa'isigik, wene yogeisigik, hagakhe dogolik, men ekhe lageikhe, “Wene hinoba meke Allah nen thagalogo degetdisoagaluk hit weak hagakhe lagap meke iti here'isalok hinobabut hebelatni. Hinobabut hebelasumo, an nen ima usa'inagagin o,” iluk yogeisekhe lageikhe.

Markus 6:12

It emenogo itithogon la'isasikhemo laga dogolik, akhuni men yogeisilik lagoukha, “Hit weak hagakhe lagap meke iti here'isalok hinobabut hebelatni o,” iluk yogeisilik nekhe dogolik,

Lukas 11:20

Meke re, an nen Allah obatne iti baga mokat obabut weak meke iti mukhogo ula'isikhe lagei halok he, Allah apma 'bisagein iti arat hinoba hakok asi agama o.

Lukas 13:3

Dek o. An nen hit yokhisak. Hit weak hagakhe lagap meke iti thogotdisalok hinobabut hebelageidek halok he, it watlageikha hagat, hit itithogonat watlatluk nuk asugun o.

Lukas 13:5

Dek o. An nen hit yokhisak. Hit weak hagakhe lagap meke iti, thogotdisalok hinobabut hebelageidek halok he, it watlageikha hagat, hit itithogonat watlatluk nuk asugun o,” iluk yogeisasikhe.

Lukas 15:10

Iti hak, akhuni weak hagakharek meke opakiat ageikhe obabut hebelhe halok he, it malaikat Allah nen yoko la'isa agarek meke emenogo inakla arleken kogat akhagun o, iluk eberogonat yokhisigi,” iluk yogeisasikhe.

Lukas 15:7

Iti hak, akhuni inebe 99 meke iti nen, An weak ageikhe hagakhi etnogo nen, nobabut hebelasigin nogo? Dek o, iluk inobabut hebelasusak dek nen, it pogot oba welageikharek meke iti inakla arleken akhagun dek o. Meke re, it akhuni weak hagakharek meke opakiat ageikhe nen obabut hebelhe halok, it pogot oba welageikharek meke iti inakla arleken kogat akhagun o, iluk yokhisigi,” iluk yogeisasikhe.

Lukas 16:30

ap etnogo nen, men yogokhikhe, Itithogon egen iti erlok dek o, nopase! Ap ageikhe watlatluk lageikharekma nen iluk atluk 'birisa laumo anek he, it weak hagariogei etnogo thogotdiluk inobabut hebelasusak o, nopase o, iluk yogokhikhemo,

Lukas 21:31

Iti hak, an nen, Yigithogon hagatlasigin, tigithogon hagatlasigin, iluk yokhisigi etnogo ebe hagatlagunem hinileken halok hinakla nen, Allah nen apma 'binanigin etnogo arat hakok i aga higi, iluk hinakla apano.

Lukas 24:47

Nen, ageikhe men iluk holal waganek weregat, Hit akhuni weak hagakhe lagap meke iti, here'isalok hinbabut hebelagap halok he, Allah nen thagalogo degetdigin o, iluk, at etaga palogo wene ekhe dogolik, erlo o Yerusalem hurli nen yogeisilik, logat hurli o yi ai ti ai akhuni inukuloak etaga dopok motok yogeisilik laga dogono, iluk Allah ane holal waganek weregat o.

Lukas 6:20

Itithogon hagakhunem, at Yesus nen agarumi ane waganhe lagoukha meke emenogo ileken inoba 'biluk nen, men yogeisasikhe, “Hit hinerlageik meke, Allah apma 'binagagin iti nen he, hinakla arleken akhekhe dogono o.

Lukas 9:2

Itithogon hagarinakhikhesik, it nen Allah apma 'bisagein wene etnogo yogeisigik, u warek meke hano hagarinakhik, hagarinabik loagaluk la'isasikhe.

La'isasikhe 11:18

At Petrus nen itithogon yogeisasikhemo, it nen wenagakhe lagoukha etnogo, yabokane thogotdiluk men isukha, “Halok he, Allah obabut hano nen, nit hagatninakherek hagat, it akhuni itikmanke meke inobabut hebelagunem iniluk motok dogoagaluk erlok hagarinabusagat higi,” iluk Allah hogorakhukha.

La'isasikhe 17:30

It alebat Allah ebe inokodek dogolik, inobabut weak hagakhe korlegat, at nen obakhanini hapugutdiluk here'isekhe lageikhe. Itithogon mekeat, yogotak yaat nen, Yi akhuni ti akhuni tha'bokhogonat o itinem initema waganogo wene inoba 'bigik, kokhik, mothogonat hagasuak, iluk ap ageikhe wenago 'biluk ayoko 'bekhemo werek iti nen, nit akhuni weak hagakhe lago meke here'isalok ninobabut hebelasuagaluk yoknisiliogo iti. Halok he, nit nen, Wene itithogon hagasigin iti, eberogonat, iluk nit tha'bokhogonat hutduagaluk, ap iti ebe watlageikhesikmo nen, opase nen apuke ilugutdisikhemo werek o,” iluk yogeisasikhe.

La'isasikhe 2:38

Itithogon yogeisasukhama at Petrus nen, “Weak hagakhe lagap meke iti here'isalok hinobabut hebelatni o. Itithogon hinobabut hebelasumo nen, weak hagakhe lagap meke iti, Allah nen thagalogo degetduagaluk hinebe tomok Yesus Kristus etaga palogo ima usa'inaguak. Itithogon hagasumo nen, Allah Agoreke iti wokhisagein o.

La'isasikhe 20:21

An nen akhuni Yahudi meke men, yunani meke men, hinasuk wakhe dogolik, Weak hagakhe lagap meke thogotdisalok, hinobabut hebelatluk hinelokhe Allah wogotni o. Wogotluk nen, hinetaiken ninoe Etagapogot Yesus oba hakotdiluk dogobageik iluk yokhisekhe lagei iti.

La'isasikhe 26:20

Wene iti, ebekeram it akhuni Yahudi meke o Damsyik etoma welagoukha meke yogeisasigi. Yabokane o Yerusalem lalok dogolik, it etoma meke yogeisigik, o propinsi Yudea meke tha'bokhogonat yogeisigik, hagakhigisik, it itikmanke meke yogeisilik nekhe lagei. Itithogon yogeisilik nekhe dogolik, Weak hagakhe lagap meke here'isalok hinobabut hebelogo hinelokhe Allah wogotno o. Hinelokhe Allah wogotluk nen, hinobabut akhuni inobabut hebelatluk hagakharek hagat, hagakhe dogono o, iluk yogeisekhe lagei iti.

La'isasikhe 3:19

Iti nen hit weak hagakhe lagap meke iti, ninopase Etagapogot Allah nen thagalogo degetdiluk, hinetaiken hasik hinil ekathogon hagathinabi ageik, at nen, Kristus hinebe tilhinakherek meke hinoba la'isigin, iluk abok yogeisasikhe etnogo ebe Yesus itiat hinoba yabokane la'i ageik, hagasuak nen, hinobabut hebelatluk hinelokhe Allah wogotno o.

2 Korintus 7:10

Akhuni agat oba meke nen inakla kagalhunem, inakla weak atluk nen, inebe watlageikharek mekeat he, at Allah akla warlok apekherek oba inakla weak agarethek, weak hagakharek meke here'isalok inobabut hebelagunem, Allah nen hanorinakherek iti. Hanorinakhunem, “An nakla weak aga baga, napik nen nobabut hebelhi,” iluk yabokane wene munini ebekharek dek.

Kolose 1:13

Nit alep o mummo weak meke nen apma herle warogo haknisik werekma, Allah nen herle hisalogo wokninakhikhesik nen, a'but etaiken hunik meke etnogo haknisik dogoagaluk apma 'binanhemo welago.

2 Timotius 2:25

Itithogon yakulisugunem, it akhuni aperek nen at ane thagaluogoluk hagakhunem, at nen ane liokhogonat inasuk wakhe dogosak o. Itithogonat inasuk wakhunem, it weak hagakharek meke here'isalok, ebe wene iti waganuagaluk, Allah nen inakla kagaliginat a? iluk inasuk wakhe dogosak.

Ibrani 6:1

Iti nen he, Kristus agarumi atluk hagakhe dogosak meke wene alebageik yakulharek iti meke yakulhugu meke iti werek korlek, inarlue atluk hagakhe dogosak meke yakulhe dogouok o. O herlaga hano 'biluk iniki abel dagalharek dek iti hak, nit alep weak hagakhe lagagu meke 'bualogo here'isalok ninobabut hebelatluk ninetaiken Allah oba hakotdisugu meke iti yabokane abel dagaluok dek o.

2 Petrus 3:9

It akhuni aperek nen, “Ninoe Etagapogot nen wene watnisasikhe wene etnogo, ebe ibat wageidek erapigat werek,” iluk apiliogei iti, erapigat welageidek. Hit hinebe akmu nen, at akla nen, “It aperek nuk asunogo,” iluk akhuni tha'bokhogonat inobabut weak hagariogei meke here'isalok inobabut hebelasuagaluk, eram nenat akla apalok huk werek iti.

A'bikaka 2:21

At he iti, param ha'uagaluk hagariogo meke iti here'isalok obabut hebelasuagaluk therogo welagei meke re, at param hagariogo meke iti, here'isalok obabut hebelasusak a'it o.

A'bikaka 2:5

Iti halok he, hit 'bogokhogon motogat usa'agasip welagap iti, hinakla ebetdiluk, hinobabut hebelatluk nen, alebageik hagakhe lagagip meke iti hagat, hagakhe dogono o. Itithogon hagakhidek halok he, an nebe witluk nen, hinalampu yibarlek iti obolukmo nen kigilogo wokhagein o.