Matius 3:14 - ALLAH ANE WENW KET MEKE WAROGO WOKNINAKHIKHE WENE

¹⁴ at Yohanes nen, “An nen ima usa'agousak erlok dek o. Hat nen an ima usa'anusak meke re, an noba wagan yoma re!” iluk yogokhikhe.

Matius 3:14 ပူးပေါင်းရင်းမြစ်များ

Matius 3:13

Yohanes nen wene etnogo yogeisekho werekma, at Yesus ima usa'uagaluk o Galilea nen Yohanes i Yordan aik oba werekma oba waga lageikhemo,

Matius 3:15

Yogokhikhemo, at Yesus nen, “An usa'anusagat o. At Allah nenat yi hasik ti hasik itithogon hagasuagaluk apekherek tak-tagat hagatnabusak o,” iluk isikhemo, “I o,” iluk

Lukas 1:43

Nen, hat hebe an noe Etagapogot agosa nen 'bitnea wagan yi nayuk o!

Yohanes 1:16

Nen, at obabut hano motok nen ninebe tha'bokhogonat eran-alep hanotninakho motok werek o.

Roma 1:13

Nagarlak lak nerugi. An nen, akhuni itikmanke meke aperek o yi ai ti ai eloma wene yogeisekhe lagagimo waganhukha hak, hit meneke, itithogonat waganubageik iluk niki doalegat oba hinoba wisigiluk apekhe lagei mekeat he, nagolak palek nen huk aga lagei iti hinilu asubageik nen iluk yokhisigi o.

Roma 3:23

Nit akhuni tha'bokhogonat haganeat nen weak hagakhorek iti baga, Allah ebe hogorakho motok welageikharek meke iti thogotdisalok ninasokneat walegat asi lagagusik welago.

Roma 3:25

Alebageik, at Allah nen, nit akhuni weak hagakho korlek, ninakhidek obakhanini hapugutdiluk welageikhesik nen, yogotak at obabut mothogon hagakherek etnogo ekagat hagatlasuagaluk, Yesus la'i ageikhe. Wageikhemo ebe wakhunem amep usageikhe iti baga, nit akhuni ninetaiken at oba hakotdogo meke, at ninom ninapuke hunogo 'binanuagaluk la'i ageikhe. Allah nen nit akhuni ninetaiken Yesus oba hakotdogo meke, wene ninoba meke korogo wokhalok at ninom ninapuke hunogo 'binanhe dogolik, at mothogonat hagakherek iluk yogotak obabut ekagat hagatlaga iti.

Galatia 3:22

Allah ane baga holal waganogo 'bekhe dogolik, “Akhuni hinebe tha'bokhogonat weak hagakhe lagap meke iti baga, hiniki herle warogo hakene welagap,” iluk, yoknisasikhe iti, nit ninetaiken Yesus Kristus oba hakotdumo, Allah nen abok isikhe meke etnogo nit ninetaiken at oba hakotdugun meke woknisagaluk isikhe iti.

Galatia 4:6

Itithogon herle hisalogo 'binanhikhemo, ninebe Allah a'buri welago iti nen, at a'but Agoreke ninetaikenma 'binani ageikhemo dogolik, at Allah hasik, nit nen, “Nopase, nopase o,” ekhe dogoagaluk ekherek iti.

Ibrani 7:23

Nen, wene opakiat ageikhe weregat o. It ap Allah iteerek dogolik hagakharek meke hunik-hunigat motok hagakhidekma inebe obakha baga nen watlagunem hem, inobolukmo meldisigik, hagarik wagunem inebe doalegat watlageikharek iti o.