Matius 3:12 - ALLAH ANE WENW KET MEKE WAROGO WOKNINAKHIKHE WENE

¹² Gandum eken abubuleke hulusak hasik than oba huphogon la'igin meke, at iteerek meke ikimo werek iti. Karelusak oba tak-tak asi aga halok, hano meke halok, karelogo 'bekherekma hanoma 'bigik, abubuleke halok hetu nagulusak dekma etnogo baga la'isigik, hagasigin o,” iluk yogeisasikhe.

Matius 3:12 ပူးပေါင်းရင်းမြစ်များ

Matius 13:30

Gandum eken aban palhidekma inom itithogon thabakhogon dageikhe dogoak o. Nen, eken horle aga halok he, an nen it ap eken palharek meke yogeisekhe dogolik, Eka weak meke iti hetu hundisauwok nen he, iti meke tak henogo herle wakhik, nen, gandum eken hano meke iti natogorlogo 'bekherekma etoma 'bigik, 'bini o, iluk yogeisagein, iluk atuaneke meke emenogo yogeisasikhe,” iluk Yesus nen yogeisasikhe.

Matius 13:41

An abat itaklasi agagi etnogo nen nagarumi malaikat yoko la'isa agunem, it nen Allah apma 'bisekherekma etoma nen, yi meke ti meke akhuni nen weak hagasuagaluk inakla kagalharek meke inom, yi akhuni ti akhuni weak hagakharek meke inom, natogorlogo 'bisalok

Matius 13:42

tha'bokhogonat hetumo la'isaumo inaik kirlidik mak-mak hagakhe dogolik, di ago de ago motok dogogun o.

Matius 13:43

Nen, it Allah akla apherek meke mothogon hagakharek meke iti anek he, inebe o mo liarogo yakherek hak, inopase Allah apma dogogun o, iluk hinasuk holusak halok, hanorogo holini o,” iluk yogeisasikhe.

Lukas 3:16

at Yohanes nen men yogeisasikhe, “An nebe yekerek nobatne dek meke nen, we, ima anek usa'inagakhe lagei o. Meke re, at ageikhe kok obatneak meke yabokane wisigin o. At ebe witluk, at nen ima usa'inagu hak, Allah Agoreke inom, hetu inom, hinoba usa'inagei wisigin o. Ap ebe kok obatneak iti nen, at isok agot herle warek meke, an nebe yekerek meke nen hisalusak erlok dek o.

Lukas 3:17

Gandum eken abubuleke hulusak hasik, than oba huphogon la'igin meke, at iteerek meke ikimo werek iti. Karelusak oba tak-tak asi aga halok, hano meke halok, karelogo 'bekherekma hanoma 'bigik, abubuleke halok, karelogo hetu nagulasusak dekma etnogo baga la'isigik, hagasigin o,” iluk yogeisasikhe.

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.