Matius 3:11 - ALLAH ANE WENW KET MEKE WAROGO WOKNINAKHIKHE WENE

¹¹ Itithogon yogeisasikhesik ageikhe men yogeisasikhe, “Hit weak hagakhe lagap meke here'isalok hinobabut eberogonat hebelaga iluk, an nebe yekerek nobatne dek meke nen ima usa'inagakhe lagei. Meke re, at kok obatneak meke yabokane wisigin o. At ebe kok obatneak iti nen, an nebe yekerek meke nen isok agot ugu meke wolok lausak erlok dek o. At nen ima usa'inagu hak, Allah Agoreke inom, hetu inom, hinoba usa'isigin o.

Matius 3:11 ပူးပေါင်းရင်းမြစ်များ

Matius 3:6

Wagoukhasik nen, yi weak ti weak hagakhe lagoukha meke 'bualogo thogotdisugunem, i Yordan ima usa'isekhe lageikhe.

Markus 1:4

Wene holal waganek werek iti tak-tagat, at Yohanes ebe o limo akhuni dekma wageikhe iti. Wageikhesik nen, akhuni ima usa'isigik, wene yogeisigik, hagakhe dogolik, men ekhe lageikhe, “Wene hinoba meke Allah nen thagalogo degetdisoagaluk hit weak hagakhe lagap meke iti here'isalok hinobabut hebelatni. Hinobabut hebelasumo, an nen ima usa'inagagin o,” iluk yogeisekhe lageikhe.

Lukas 1:17

Allah Agoreke ap Elia iti akla dogolik obatnerogo hagarik nekhe lageikhe meke iti, at Yohanes iti oba duk itluk, yekerugi inopase lak inom, dapukhogon 'bisigik, wene inasuk holu'buk meke it aperek wene holiluk mothogon hagakharek meke inobabut waganuagaluk hagarinakhik, inebe ninopase Etagapogot hasigat dogoagaluk karelogo 'bisigik, hagasigiluk, at tak itaklatluk itithogon hagarik nekhe dogogin o,” iluk yogokhikhe.

Lukas 3:16

at Yohanes nen men yogeisasikhe, “An nebe yekerek nobatne dek meke nen, we, ima anek usa'inagakhe lagei o. Meke re, at ageikhe kok obatneak meke yabokane wisigin o. At ebe witluk, at nen ima usa'inagu hak, Allah Agoreke inom, hetu inom, hinoba usa'inagei wisigin o. Ap ebe kok obatneak iti nen, at isok agot herle warek meke, an nebe yekerek meke nen hisalusak erlok dek o.

Lukas 3:3

Itithogon yogokhikhemo, at Yohanes etnogo o Yordan eloke etoma ya ta nekhe dogolik, akhuni yogeisekhe dogolik, men ekhe lageikhe, “Wene hinoba meke Allah nen thagalogo degetduagaluk, hit weak hagakhe lagap meke iti thogotdisalok, hinobabut hebelatni. Hinobabut hebelasumo, an nen ima usa'inagakhe dogogin o,” iluk, yogeisilik nekhe lageikhe.

Yohanes 1:15

Wene at ebe hasik Yohanes nen men yogeisasikhe, “An noporlik yabokane ap ageikhe wisigin, iluk abok yokhisekhe lagei etnogo, ebe yiat o. At yi yabokane an noporlik waga meke re, ebe an aban itaklagidek werek korlek, at alebat welagaikhe iti nen, an nebe erlok dek o. Kok he, arat o,” iluk, ane kokhogon yogeisasikhe.

Yohanes 1:30

Alebat wene an nen yokhisekhe dogolik, Ap ageikhe noporlik wisigin mekeat he, an aban itaklageidek werek korlegat welageikhe iti nen, an nebe yekerek meke re, at anek motok kogat o, iluk, abok yokhisekhe lagei etnogo, ebe waga ithiat o.

La'isasikhe 19:4

Itithogon yogokhukhama, at Paulus nen, “Yohanes nen ima usa'inakhe lageikhe iti, it akhuni nen, Weak hagakhe lago meke arat thogotdogosik ninobabut hebelago, iluk isi halok usa'inakhe lageikhe. Itithogon usa'inakhe dogolik, men yogeisekhe lageikhe, An noporlik ap ageikhe wisigin. Halok he, hinetaiken at oba hakotdiluk dogono o, iluk ebe Yesus hasigat yogeisekhe lageikhe iti,” iluk yogeisasikhe.

La'isasikhe 8:36

Yogorik motok holagarlem usekhe dogolik, i werekma usasukhasik, ap kok etnogo nen, “I werek yi 'bikhan. An ima usa'anusak apekhe lagei. E a? At he, ki meke aban welagei apegen,” iluk yogokhikhemo, [

La'isasikhe 8:38

Itithogon yogokhikhesik nen, atuaneke meke nen kereta oto hakene kuda nen lisogo wolok usasikhe meke iti eranogo huk asuagaluk yogokhikhesik, Filipus ipisagat i aik oba usasukhasik, ima ukiluk usa'isikhe.

1 Korintus 12:13

Nit ninebe tha'bokhogonat Yahudi meke inom, Yunani meke inom, inatuaneke meke inom, inasokneat welageikharek meke inom, at Kristus ebe opakiat meke ninom hunesuagaluk, at Agoreke nen ima usa'inanhikhe iti o. Nen, i elesi opakiat meke nokorek hak, at Agoreke opakiat meke ninakla 'bisikhe.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Titus 3:5

Itithogon thelekma ageikhesik, Allah Agoreke nen ninakla thobalogo ninebe ket meke itakninakhik, ninobabut ninat hagatninakhik, hagakhikhe iti, nit ninekaerek nen ninobabut mothogon hagakhe lagagu baga hagatninakhikhe 'buk. Ninebe at nenat akmutninakhikhesik tilninakhikhe iti o.

1 Petrus 5:5

Nen iti hagat, hit ap elege nagarumi. It aperek nen Allah ane baga men isukha, “Akhuni inekaerek nen hogorakhugunem, Allah nen a'it hisekherek o. Mekeat he, inekaerek inetaiken thebekhogon dogogun halok, at obabut hano nen akmurinakherek o,” iluk holal waganogo 'bisukhama werek iti nen, hit nen inarluetek inapma ukiluk inane hologo hagakhe dogono o. Itithogon hagakhe dogolik, hit tha'bokhogonat nen, hinekaerek nen hogorakhigidek inapma dogolik, hit aperek nen it aperek inatuaneke welageik, it nen hit hinatuaneke welageik, hagakhe dogolik yomak-yomak hagakhe dogono o.