Matius 3:1 - ALLAH ANE WENW KET MEKE WAROGO WOKNINAKHIKHE WENE

¹ Itithogon hagakhukhasik oba nen, at Yohanes ima usa'isekhe lageikhe meke etnogo, o Yudea limo akhuni dekma etoma wageikhesik wene yakulisekhe dogolik, yigithogon ekhe lageikhe,

Matius 3:1 ပူးပေါင်းရင်းမြစ်များ

Matius 11:11

Halok he, an nane eberogonat yokhisak. Akhuni tha'bokhogonat inagosa lak nen itaginabik wagoukha mekeat he, inetaga dek anek o. Mekeat he, at Yohanes ima usa'isekherek meke iti anek, etaga werek o. Itithogon mekeat he, nopase pogot oba meke apma 'bisekherekma etoma, at Yohanes etnogo etaga dek negen mekeat he, it akhuni aperek inetaga dek meke iti, inetaga werek negenat o.

Matius 11:7

Itithogon isikhemo, it Yohanes agarumi emenogo lagoukhama, at Yesus nen akhuni doalegat emenogo Yohanes abok men yogeisasikhe, “Hit he, o limo akhuni dekma etoma nena meke hinileken huogoluk laga lagasip nogo? Hiteka yagareka hisakne nen huphogon lageik-wageik hagakho werekma 'bikha luogoluk laga lagasip a?

Matius 16:14

it nen he, men isukha, “It aperek nen, At ebe re, Yohanes ima usa'isekhe lageikhe meke etnogo igik, it aperek nen, At ebe Elia igik, it aperek nen he, At ebe Yeremia igik, it aperek nen he, at ap Allah ane yogeisekhe lagoukha meke emenogo ageikhe igik, iliogei,” iluk yogokhukha.

Matius 21:32

At Yohanes etnogo Allah akla apekherek meke mothogonat hagakhe dogoagaluk yukulhisa ageikhe mekeat he, hit hinakla nen, At ane iti eberogonat iluk, hutdigidek welagagip. Meke re, it ap pemerintah hasik uang kino iluk natogokharek meke iti inom, humi yugunat hagarik nekharek meke iti inom, At ane iti eberogonat iliogo, iluk inakla hutdisukha. It nen itithogon hutdisinem hinileken hisasigip mekeat he, hit anek yabokane hinobabut hebelatluk hutdigidek welagap yi re,” iluk yogeisasikhe.

Matius 3:8

Halok he, hinakla ebetdiluk, weak hagakhe lagap meke here'isalok, hinobabut eberogonat hebelaga iluk ekagat asuak nen mothogon hagakhe dogono o.

Markus 1:15

Yogeisilik nekhe dogolik, men ekhe lageikhe, “O Allah apma 'binagagin etnogo arat 'binagagin o. Halok he, hit weak hagakhe lagap meke here'isalok hinobabut hebelogo hano wene yi eberogonat iluk hutdini o,” iluk yogeisilik nekhe lageikhe.

Markus 1:2

Wene iti, erlo baga, at Yesaya Allah ane yogeisekhe lageikhe meke etnogo nen holal waganogo 'bisikhe hagat hagatlageikhe. Itithogon holal waganhe dogolik men isikhe, “At Allah nen he, Hat yabokane lanogoluk, ap ageikhe hat hagolak ya'agekhe dogoagaluk ayoko 'biluk alep la'igima o.

Lukas 1:76

Nen, hat na'but yi nen, ninoe Etagapogot wisiginmoke holak yakhe dogoagaluk, hat alebageik yoko laga dogolik, akhuni yi weak ti weak hagariogei meke Allah nen he, wene inoba meke thagalogo degetdisalok tilinabigin iti wene hat nen yakulisaumo inilu asigin iti baga, hat habok ekhe dogolik, Kok upu baga welagarek meke ane yogeisilik liliogo etnogo ebe yi o, iluk, ekhe dogogun.

Lukas 7:24

Itithogon yogeisasikhemo, it Yohanes nen yoko la'isa ageikhe meke emenogo arat lagoukhama nen, yabokane at Yesus nen akhuni doalegat emenogo Yohanes hasik men yogeisasikhe, “Hit he, o limo akhuni dekma etoma nena meke hinileken 'bikhauwogoluk laga lagasip nogo. Hiteka yagareka hisakne nen hubethasinem lageik-wageik hagakho werekma 'bikha luogoluk laga lagasip a?