Matius 28:2 - ALLAH ANE WENW KET MEKE WAROGO WOKNINAKHIKHE WENE

² Waga korlek eranogoat, dugul kogat luk-lagathasi korlek, malaikat Allah nen pogot oba yoko usa'isa agarek meke ageikhe usa'ageikhesik, thu helekit meke tetnokhogon lakhukha etnogo dipikhogon la'iluk nen, oba hurek lageikhe.

Matius 28:2 ပူးပေါင်းရင်းမြစ်များ

Matius 27:60

oila at meke ekaerek nen kerat elo herlelogo 'bisikhe baga iti 'biluk nen, thu helekit thabia kok meke dipilogo 'bi ageikhesik teknokhogon latdiluk lageikhe.

Matius 27:66

Itithogon yogeisasikhemo, it emenogo wogosik lagoukhasik, akhuni nen thu hualunogo iluk, warek thalekma thu helekit tetnokhogon 'bisukha etnogo baga sirlo 'begarek iti hak apusu warogo 'bisukhasik, it ap thuam dogogun meke emenogo thuam 'bisalok lagoukha.

Yohanes 20:1

Warek itithogon 'bisukhasikmo nen, o hari Minggu baga, at he Maria ai o Magdala meke etnogo o hi werek korlek huben siakhogon oila warek 'bisukhama etnogo wageikhesik ileken 'bikhasikhe meke, thu helekit meke larogo 'bisukha meke etnogo, arat dipilogo la'isukhama thu hualek werekma hasikhe.

La'isasikhe 16:26

Itithogon inasuk holek werekma, opaki hasigat dugul kok meke luk-lagathasinem, o kok halekma welagoukhama iti o tik oak usabek meke aborlok luk-lagathekhe dogolik, thu larek meke tha'bokhogonat huakhogon lageik, akhuni tha'bokhogonat iniki herle warek welagoukha meke emenogo hisalageik, hagakhikhe.

La'isasikhe 5:19

'Bisasukhama, werekma nen, malaikat ninoe Etagapogot nen yoko usa'isa agarek meke emenogo ageikhe hibako usa'ageikhesik nen, o akhuni iniki herle warek 'bisegarekma, thu larek meke hualogo nen inebe wogosik dukhi ageikhe.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

A'bikaka 11:19

Itithogon wakhunem hisigirik lakhigi meke, pogot oba Allah ai halekma thu hualagunem, Allah nen wene ninasuk wakhikhe wene holal waganek peti akla ukharlek welageikhe etnogo winam aga. Itithogon winam agunem, eran-alep o yabok yibarlabethigik, pogot ane sup iluk nen ane luk-luk lageik, dugul luk-lagathigik, miso digiken kok meke debekhogon nikik, hagakhunem lakhigi o.