Matius 28:10 - ALLAH ANE WENW KET MEKE WAROGO WOKNINAKHIKHE WENE

¹⁰ Hogorakhukhama, at Yesus nen he, “Hinayuk agup o. An nagarumi emenogo o Galilea dagouak nen, yogeisa lani o. Etoma dageiluk inileken 'bitneagun o,” iluk yogeisasikhe.

Matius 28:10 ပူးပေါင်းရင်းမြစ်များ

Matius 14:27

Itithogon isukhama, at Yesus nen he, “Hinagot akma. Nagarumi. An nebeat waga lagei. Halok he, hinayuk agup o,” iluk yogeisasikhemo,

Matius 25:40

an ap kok Netagapogot nogo nen, it akhuni emenogo men yogeisagein, Hit nen an nagarumi inetaga dek meke ageikhe werekma itithogon hagarinakhe lagagip iti, anat hagatnakhe lagagip o, iluk, eberogonat yokhisigi, iluk yogeisagein.

Matius 25:45

an nen, Dek o. Hit nen akhuni ageikhe inetaga dek meke werekma hinobakhanini thogotdisekhe lagagip iti re, anat thogotdanhe lagagip o, iluk yogeisalok nen,

Matius 26:32

Mekeat he, an nakhunem Allah nen yabokane nilugutnakhunem, an tak o Galilea dageiluk hinolokhoma dogogin o,” iluk yogeisasikhemo,

Matius 28:16

At Yesus nen at agarumi ane waganhe lagoukha meke inebe 11 emenogo yogeisekhe dogolik, “O Galilea lalok tom iti baga dageiluk dogono,” iluk wene warisasikhe tak-tagat lagoukhasik dageisukha.

Matius 28:5

Nen, at malaikat etnogo nen it humi emenogo yogeisekhe dogolik, “Hinayuk agup o. Hit nen, Yesus o baga meldiluk wakha etnogo hinileken 'bikhauwogoluk wagap iti an nilu o.

Matius 28:7

'Bikhalok nen, Yesus etnogo watlagasikmo nen Allah nen ilugutdekhemo o, iluk, at agarumi ane waganhe lageikha meke emenogo ibat yogeisa lano o. Hit o Galilea etoma aban lageidek werek korlek, at tak hinelokhoma lalok werekma hinileken 'bikha lugun o. Nane yokhisigi iti eberek dogono o,” iluk yogeisasikhemo,

Matius 28:9

Yogeisa luogoluk lagunem holagarlem at Yesus inom abuk agoukhasik nen, men yogeisasikhe, “Nerugi o!” iluk yogeisasikhemo it humi emenogo horok-horok lagoukhasik nen, isok iniki hakhekhe dogolik, heagei warogo initibagal yukukhogon hogorakhukha.

Markus 16:7

'Bikhalok hit nen at agarumi ane waganhe lageikha meke Petrus lak emenogo yogeisa lano o. At Yesus nen, An o Galilea dageiluk hinelokhoma dogogin o, iluk yokhisasikhe hagat dageigin etnaga o. Hit dageiluk at ebe hinileken hugun o, iluk yogeisa lano o,” iluk yogeisasikhe.

Yohanes 20:17

Itithogon heagei wakhikhemo, at Yesus nen, men yogokhikhe, “An nebe nopase oba aban dageigidek welagei iti re, hiki abiak haknarik dogogun o. An men, hit men, ninopase Allah oba hakotdiluk welagorek meke etnogo oba dageigiluk hagakhe lagei, ekhe iluk nagarumi yogeisa lan o,” iluk yogokhikhemo,

Yohanes 6:20

Inayuk motok agoukhama, at Yesus nen, men yogeisasikhe, “Nagarumi. Hinagorakma. An nebeat waga lagei. Halok he, hinayuk agup o,” iluk yogeisasikhemo,

Roma 8:29

Haganeat, at Allah nen nit ninebe ilu dogolik, at a'but hakene asuagaluk wenakninakhikhe. At Yesus ebe makusa meke, agarumi doalegat at inom dogoagaluk wenakninakhikhe iti.