Matius 27:66 - ALLAH ANE WENW KET MEKE WAROGO WOKNINAKHIKHE WENE

⁶⁶ Itithogon yogeisasikhemo, it emenogo wogosik lagoukhasik, akhuni nen thu hualunogo iluk, warek thalekma thu helekit tetnokhogon 'bisukha etnogo baga sirlo 'begarek iti hak apusu warogo 'bisukhasik, it ap thuam dogogun meke emenogo thuam 'bisalok lagoukha.

Matius 27:66 ပူးပေါင်းရင်းမြစ်များ

Matius 27:60

oila at meke ekaerek nen kerat elo herlelogo 'bisikhe baga iti 'biluk nen, thu helekit thabia kok meke dipilogo 'bi ageikhesik teknokhogon latdiluk lageikhe.

Matius 27:65

at Pilatus nen, “Thuam dogogun meke inebe yi. Halok he, warek 'begama etoma hanorogon thuam dogoagaluk, 'bisa lani o,” iluk yogeisasikhe.

Matius 28:11

Itithogon yogeisasikhemo, it humi eranogo aban laga korlek, it ap thuam welagoukha meke emenogo aperek o kota ukisukhasik nen, wene tha'bokhogonat hagatlageikhe meke emenogo, “Itithogon hagatlaga,” iluk, it ap Allah iteerek meke inougi koktek emenogo motok pilin-palinhogo yogeisasukha.

Matius 28:2

Waga korlek eranogoat, dugul kogat luk-lagathasi korlek, malaikat Allah nen pogot oba yoko usa'isa agarek meke ageikhe usa'ageikhesik, thu helekit meke tetnokhogon lakhukha etnogo dipikhogon la'iluk nen, oba hurek lageikhe.

Yohanes 20:1

Warek itithogon 'bisukhasikmo nen, o hari Minggu baga, at he Maria ai o Magdala meke etnogo o hi werek korlek huben siakhogon oila warek 'bisukhama etnogo wageikhesik ileken 'bikhasikhe meke, thu helekit meke larogo 'bisukha meke etnogo, arat dipilogo la'isukhama thu hualek werekma hasikhe.

2 Timotius 2:19

Meke re, Allah nen o herlaga negen 'bisikhe meke obatneak motogat dogogin iti baga holal men iluk waganek werek iti o, “Ninoe Etagapogot ekaerek a'buri wenageinakhikhe meke iti inebe ilu o,” iluk isikhe. Nen, wene ageikhe, “It aperek nen, An nebe ninoe Etagapogot a'burat o, iluk, iliogei meke, Weak hagasusak nina'it o, iluk here'isalok mirlokhogon lo laga dogoak o,” iluk, isikhemo holal waganek werek iti o.