Matius 27:56 - ALLAH ANE WENW KET MEKE WAROGO WOKNINAKHIKHE WENE

⁵⁶ It humi eta ageikhe Maria ai Magdala meke. Nen, ageikhe, Yakobus Yusuf ipisak inagosa Maria etnogo. Nen ageikhe, Zebedeus a'buri inagosa etnogo inom, humi aperek inomat welagoukha.

Matius 27:56 ပူးပေါင်းရင်းမြစ်များ

Matius 13:55

Ap yi, ap o halherek meke etnogo a'but dek? Nen, agosa etaga Maria etnogo dek? Nen, agarumi oporlik meke, Yakobus inom, Yusuf inom, Simon inom, Yudas inom, emenogo dek?

Matius 27:61

Meke re, at he Maria ai Magdala meke etnogo inom, he Maria ageikhe etnogo inom, hurek dogolik Yesus ebe warek 'bisinem inileken 'birogo welagoukha.

Matius 28:1

Itithogon hagakhukhasik iniki 7 baga Allah hasik werlegat welagoukhasik nen, hubuluke hari Minggu baga, mo yegelogo dagei aga korlek, at he Maria ai Magdala meke etnogo inom, he Maria ageikhe etnogo inom, Yesus ebe warek 'bisukhama inileken 'bikhauwogoluk wagoukha.

Markus 15:47

Tetnokhogon latdisinem, it he Maria ai o Magdala meke etnogo men, he Maria Yoses agosa etnogo men, wagoukhasik, “Etha 'bekhe,” iluk inileken 'birogo welagoukha.

Markus 16:9

At Yesus ebe hari Minggu baga melageikhe itinem huben siakhogon melageikhesik, at he Maria ai o Magdala meke mokat inobabut weak meke inebe 7 nen akla ukisukhasik werekma haganeat mukhogo ula'isasikhe meke etnogo nen tak, “Alebageik ileken neoak,” iluk elokhoma winam ageikhe.

Lukas 24:10

It humi emenogo inebe Maria ai Magdala meke etnogo men, Yohana men, Maria Yakobus agosa men, humi ebetlake emenogo inomat inebe tha'bokhogonat nen pilinogo Yesus agarumi la'isagaluk inayoko 'bisikhe meke emenogo yogeisa agoukha.

Lukas 8:2

it humi aperek mokat obabut weak meke inakla ukilukmo mukhogo ula'isigik, inoba u meke hano hagarinakhik, haganeat hagarinakhikhe meke aperek men, inom nekhe lagoukha. Humi eta ageikhe, he Maria ai Magdala ekhe lagoukha meke, alebat mokat inobabut weak meke inebe 7 nen akla ukiluk werekma, at Yesus nen mukhogo ula'isasikhe meke iti men,

Yohanes 19:25

Itithogon hagakhe korlek, Yesus agosa men, agosa agot men, he Maria ap Klopas age men, he Maria ai o Magdala meke etnogo men, o Yesus ebe meldisukhama alilu metek welagoukha.

Yohanes 20:1

Warek itithogon 'bisukhasikmo nen, o hari Minggu baga, at he Maria ai o Magdala meke etnogo o hi werek korlek huben siakhogon oila warek 'bisukhama etnogo wageikhesik ileken 'bikhasikhe meke, thu helekit meke larogo 'bisukha meke etnogo, arat dipilogo la'isukhama thu hualek werekma hasikhe.

Yohanes 20:18

at he Maria ai o Magdala meke etnogo Yesus agarumi ane waganhe lagoukha meke emenogo inoba lageikhesik nen, men yogeisasikhe, “Nerugi! Ninoe Etagapogot an nileken arat halok nen wagei o,” iluk, yogeisekhe dogolik wene yogokhikhe meke etnogo pilinerogo yogeisa lageikhe.