Matius 27:51 - ALLAH ANE WENW KET MEKE WAROGO WOKNINAKHIKHE WENE

⁵¹ Watlagunem Allah ai halekma su kain meke itikmoke hurli palek welageikhe meke upu eloma nen turlem heisogonat kagoukhogon usa'ageik, dugul aborlok luk-lagathigik, helekit pak igik, hagatlageikhemo nen,

Matius 27:51 ပူးပေါင်းရင်းမြစ်များ

Matius 27:54

Nen, ap tentara meke inoe kok inom, agarumi aperek Yesus thuam welagoukha meke emenogo inom, dugul luk-lagathigik, yi meke ti meke hagatlageik, hagakhikhe emenogo inileken hasukhasik nen, inayuk motok ageikhesik, “Ap yi re, Allah a'but eberogonat higi o,” iluk isukha.

Matius 28:2

Waga korlek eranogoat, dugul kogat luk-lagathasi korlek, malaikat Allah nen pogot oba yoko usa'isa agarek meke ageikhe usa'ageikhesik, thu helekit meke tetnokhogon lakhukha etnogo dipikhogon la'iluk nen, oba hurek lageikhe.

Markus 15:38

At ebe watlagunem Allah ai halekma su kain meke o itikmoke hurli palek welageikhe meke, upu eloma nen turlem heisogonat kagalarik kagalarik ilugun oba kagoukhogon kagalageikhe.

Lukas 23:47

Itithogon hagakhikhemo ap tentara meke inoe kok etnogo ileken hasikhesik Allah hogorakhe dogolik, “Ap yi eberogonat mothogon anek hagakhe laga meke higi o,” iluk isikhe.

Ibrani 6:19

At nen he, “Hanothinabigin,” iluk isikhe iti dek asigin dek o. “Ebeat asigin,” iluk apekhe lago meke iti, ku thoat agatma a'bethogon usa'iluk welageikharek iti hak, ninetaiken pogot oba o akla itikmoke kakok palek Allah werekma etoma hunetdiluk hapukhogon dogouok o.

Ibrani 9:3

Nen, o kakok palek itikmoke su baga hurli palek iti etaga, o kakok palek motok ebe usama u hak, Allah ekaerek ai ekhe lagoukha.

A'bikaka 11:13

Etanem, dugul kok inayuk meke ageikhe luk-lagathekhe dogolik, o kota iti ebe 10 baga mikirlogo 'biluk, kokmake here'ekhe dogolik, opakiat ageikhe motok misak dapukhogon 'bekhe dogolik, akhuni inebe 7.000 baga inakhunem, it ebetlake inakhidek meke inayuk motok kogat atluk, it nen, “Allah pogot oba meke nayuk,” iluk hogorakhunem hisigi o.

A'bikaka 11:19

Itithogon wakhunem hisigirik lakhigi meke, pogot oba Allah ai halekma thu hualagunem, Allah nen wene ninasuk wakhikhe wene holal waganek peti akla ukharlek welageikhe etnogo winam aga. Itithogon winam agunem, eran-alep o yabok yibarlabethigik, pogot ane sup iluk nen ane luk-luk lageik, dugul luk-lagathigik, miso digiken kok meke debekhogon nikik, hagakhunem lakhigi o.