Matius 27:42 - ALLAH ANE WENW KET MEKE WAROGO WOKNINAKHIKHE WENE

⁴² “At nen akhuni aperek tilinakhe laga etnogo mekeat he, at ekaerek nen, tilausak erlok dek yoma re! At o ithi baga nen tilogo usa'aga halok he, ninileken halok at iti nit akhuni Israel meke ninoe etagapogot eberogonat o, iluk, hutduok nen usatnek he!

Matius 27:42 ပူးပေါင်းရင်းမြစ်များ

Matius 2:2

Wagoukhasik, it nen, men isukha, “Akhuni Yahudi meke inoe kok Etagapogot itaklagasik werek etnaga, o koma itaklagasik werek. Nit o mulikin dagei agarekma eloma werekma, ap kok iti itaklagama iluk, husagal ageikhe winam agama nen, at iti ninetaiken at oba hakotdiluk hogorasuogoluk husagal iti nineleken nen wolok hinok wagani ago,” iluk isukha.

Matius 27:37

Dogolik, “Ap yi wene erlo yi baga wakho o,” iluk u hak, “YESUS YAHUDI MEKE INOE KOK ETAGA POGOT YI,” iluk holal waganogo o baga ukuloakma tak-tak upu baga tetnokhogon 'bisukha.

Matius 27:40

“Wi! Hat nen, men isigin apigi, Allah ai halek iti misalogo 'biluk niki pere baga halhe dogoluk niki ageikhe baga yi nen arat tirliphogo haligin, iluk isigin etnogo re, hebe Allah a'but halok he, o ithi baga nen hekaerek nen tilogo usa me ta!” iluk yogokhukha.

Matius 27:41

Itithogon isi korlek it ap Allah iteerek meke inougi koktek emenogo inom, it Allah ane holal waganek iteerek meke emenogo inom, it ap inarluetek emenogo inom, inane sagun yogokhe dogolik,

Markus 15:31

Itithogon isi korlek, it ap Allah iteerek meke inougi koktek emenogo men, Allah ane holal waganek iteerek meke emenogo men, inom it-it inane sagun yogokhe dogolik, “At nen, it akhuni aperek meke erlok tilinakhe laga etnogo mekeat he, ekaerek nen tilausak erlok dek higi.

Markus 15:32

Kristus nit akhuni Yahudi meke ninoe etagapogot yi nit eberogonat apauwok nen ninilhanem o ithi baga nen usatnek he,” iluk inane sagun yogokhe lagoukha. Nen, it ap pere o baga Yesus inom meldisasukha meke eranogo nen, Yesus inane sagun itithogon yogokhukhaat.

Lukas 19:38

Amitmit suphogon usekhe dogolik men isukha, “Allah nen ninoe kok Etagapogot la'agei agama wagan yi, at nenat hanothabuak o! It pogot oba welageikharek meke etoma inetaiken hapukhogon dogoak o. Nen, Allah kok pogot abel upuke welagarek meke itiat hogorakhe dogouok o,” iluk itithogon ilik-ilik usasukha.

Lukas 23:35

It akhuni emenogo eta metek dogolik inileken 'birogo werek korlek, it ap Yahudi meke inougi koktek emenogo inagouak sikin ilik, Yesus inane sagun yogokhe dogolik, men isukha, “At yi Allah nen Kristus meldiluk la'isigin isikhe etnogo ebe arat halok he, it akhuni erlok tilinakhe laga etnogo hak, ekaerek nen itithogon tilanek he,” iluk isukha.

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 12:13

tukhe eka hakene meke palhigik wolok, Yesus elokhoma amitmit luk-luk dukhekhe dogolik, men isukha, “Wa! Wa! Wa!” iluk u hak, “Hosana! Ninopase Allah Etagapogot nen nit akhuni Israel meke ninoe kok etagapogot la'agei agama wagan yi, at nenat hanothabuak o,” iluk etai warik warik dukhi agoukha.

Yohanes 12:47

An agat oba yoma usa'agagi it, akhuni wene inoba 'bigiluk usa'agagi 'buk. At he, inebe tilinabigiluk usa'agagi iti nen, at tha nen an nane asuk holiluk nen, nane hologo hagakhidek halok he, an nenat wene oba 'bigin 'buk. Dek o.

Yohanes 9:24

Itithogon isukhama it nen ap alebat ileken puk itaklageikhesik welageikhe meke etnogo yabokane waekhukhama wageikhemo, men yogokhukha, “Ap iti ebe weak hagakherek meke nit ninilumo, hat hekaerek nen hane eberogonat Allah etaga hupuk palogo yoknisan o,” iluk yogokhukhama,

La'isasikhe 4:14

Hutdisukhasik, ap isok hano hagakhukha meke etnogo, it Petrus Yohanes ipisak inom metek werekma, inileken hisalok nen, it ap emenogo nen wene nikithogon yogeisau heat hagatlageikhemo nen, yogeisigidek huk agoukha.