Matius 27:22 - ALLAH ANE WENW KET MEKE WAROGO WOKNINAKHIKHE WENE

²² Itithogon yogokhukhama, at Pilatus etnogo nen, “Halok he, Yesus etaga ageikhe Kristus yi nikithogon hagasik,” iluk yogeisasikhemo it emenogo nen, “O baga meldiluk watno,” iluk yogokhukha.

Matius 27:22 ပူးပေါင်းရင်းမြစ်များ

Matius 1:16

Nen, Yakub nen Yusuf, he Maria agun etnogo itakhik, he Maria nen Yesus, nit nen Kristus ekhe lago etnogo itakhik, erloma nenat itaklarik wagoukha.

Matius 27:17

akhuni doalegat natogokhe korlek, at Pilatus etnogo ileken halok nen, “It yoma Yesus oba ua palogo nenat wolok wageikha apigi,” iluk, hutdisikhesik nen, men yogeisasikhe, “Hit hinakla nen, ap etaga tha herle hisalogo woknisoak apekhe lagap. Yesus Barabas a? E a, at he, Yesus etaga ageikhe Kristus egarek etnogo a,” iluk, yogeisasikhesik nen,

Matius 27:21

at gubernur etnogo nen, “Ap inebe pere ya, at tha hak herle hisalnisoak iluk apekhe lagap,” iluk yogeisasikhemo it nen, “Barabas iti herle hisalnisan o,” iluk yogokhukha.

Matius 27:23

Itithogon yogokhukhama, at nen he, “At weak nena meke hagakhemo nen wasuogoluk ekhe lagap,” iluk yogeisasikhemo, it nen inane motok obatnerogonat, “O baga meldiluk watno o,” iluk yogokhukha.

Markus 14:55

It itithogon thogei isakhekhe korlek, it ap Allah iteerek meke inougi koktek emenogo men, wene Allah ane hasik erlo pilinekharek meke inebe tha'bokhogonat men, inom dogolik, ukum Yesus oba 'biluk wasuogoluk men isukha, “Akhuni at weak hagakhunem inileken hega meke uak nen herageinabini o,” iluk isukhama herageinakhukha mekeat he, dek ageikhe.

Yohanes 4:25

Itithogon yogokhikhemo, at he etnogo nen, men yogokhikhe, “Mesias akhuni tilninabuagaluk Allah nen kok etaga Kristus iti la'isigin. La'i agunem ebe witluk yi wene ti wene tha'bokhogonat nit yakulnisekhe dogogin iluk an nilu o,” iluk yogokhikhe.

La'isasikhe 13:28

It nen, Ukum nikithogon oba 'biluk wasuok, iluk herakhukha meke, wene oba dek ageikhe mekeat, at Pilatus nen wasuagaluk wogokhukha iti.

La'isasikhe 13:38

Nagarlak lak nerugi. Wene yi hinilurogo dogono o. At Yesus Allah nen itithogon ilugutdisikhe iti baga, hit weak hagakhe lagap meke iti, at nen thagalogo degetdisoagaluk yokhisekhe lago iti.