Matius 27:2 - ALLAH ANE WENW KET MEKE WAROGO WOKNINAKHIKHE WENE

² iki herle warogo at Pilatus ebe gubernur kok werekma oba wolok wagoukhasik nen, wogokhukha.

Matius 27:2 ပူးပေါင်းရင်းမြစ်များ

Matius 20:19

Ukum noba 'biluk nen, it ap itikmanke meke nen inane aik dagok yoknikhik, tugi la'bisoko tugi nakhik, hagatluk nen nebe o baga meldaniluk nasuagaluk wogeisagun o. Nen, arat nakhunem, niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Matius 28:14

Wene hagatlaga meke iti hasik, at Gubernur asuk holigin halok, hit wene ninoba 'bigin iluk, hinelabut hisunogo iluk, nit nen akla kagalugun o,” iluk isukhama,

Lukas 13:1

Itinem, it akhuni aperek nen Yesus yogokhe dogolik, men yogokhukha, “Akhuni Galilea meke Allah ako warogo hetu hunhunem eranogoat, ap kok Pilatus nen it inamep inom, Allah ako warekha meke amep inom, opakimo ulabogo inakhe o,” iluk yogosi agoukha.

Lukas 20:20

Huk agoukhasik yabokane, at nen ane igin oba wene 'biluk, at gubernur akhuni hagasik dogolik ukum inoba 'bigik, kokhik, hagakherek iteerek meke nen wene oba 'buagaluk, ap aperek inobabut hano thalek Yesus inileken waganhe dogoagaluk la'isa agoukha.

Lukas 23:1

Wene itithogon isukhasik, inebe welagoukha meke emenogo tha'bokhogonat melagoukhasik nen, Yesus Pilatus oba wolok wagoukha.

Lukas 23:12

Alebageik, at Herodes Pilatus ipisak wim palek hakene welagoukha mekeat he, itithogon la'isikhe itinem ipisak hano agoukha.

Lukas 3:1

Ap kok etagapogot Kaisar Tiberius iti akhuni Roma meke tha'bokhogonat at iki baga hagasik 15 tahun werek korlek iti hurliat, ap Pointius Pilatus iti o propinsi Yudea ebe gubernur welageikhe. Nen, ap Herodes iti ebe kok dogolik, o Galilea eloka etoma hagasik welageikhe. Nen, ap kok Herodes agot Filipus iti ebe kok dogolik, o Ituria etoma inom, o Trakhonitis etoma inom, hagasik welageikhe. Nen, ap Lisanias iti ebe kok dogolik, o Abilene etomaat hagasik welageikhe.

Yohanes 18:12

Wene itithogon iluk isikhemo, it ap tentara meke opaki doalek emenogo inoe kok ageikhe inom, nen, it ap Yahudi meke Allah ai halek therogo welageikharek meke inom, at Yesus ebe ha'iluk, iki herle wakhukha.

Yohanes 18:24

yabokane at Hanas nen, at Yesus iki herle warogoat, ap Kayafas ebe ap Allah iteerek meke inoe kok meke etnogo oba wolok loagaluk la'isikhe.

Yohanes 18:28

Itithogon hagatluk, thue ane isikhemo, huben siakhogonat at Yesus ap Kayafas werekma nen, gubernur ai o kok halekma wolok wagoukha. Wolok wagoukhasik, Yesus anek uma kola'isukhasik, “Nit pesta Paskah etnogo meke neke dogosakma, nit nen ninabusagat ukumo, nit weagarogo 'binanunogo,” iluk , o kok halek gubernur aila etoma ukigidek, o silimo huk agoukha.

La'isasikhe 12:6

Sembayan itithogon isi korlek, at Herodes nen huben hak Petrus ebe waganogo akhuni iniki baga 'bigiluk akla apasikhesik, aban werek korlek, o itinem hibako, ap tentara meke emenogo, it inebe aperek holagapema therogo werek korlek, inebe pere Petrus iki ebelak ebelak herle warek noge isi korlek, it abel ebelak ebelak dogolik herle ilugun iniki baga herogo welagoukha.

La'isasikhe 21:33

Here'isukhama ap tentara inoe kok etnogo ebe Paulus oba horokhogon lageikhesik, ebe ha'iluk nen, agarumi nen pisue omaken pere baga iki herle wasuagaluk yogeisasikhe. Yogeisasikhesik nen, “Ap yi tha nogo. Nikithogon hagakhemo,” iluk hinok waganhikhe.

La'isasikhe 22:25

Itithogon yogeisasikhemo, it nen ebe tugi wasuogoluk herle warogo 'bisukhama, at Paulus nen, ap tentara meke kok ageikhe etoma metek werekma men yogokhikhe, “Hit nen, ap ageikhe o Roma aierek mekeat, ukum oba 'bigidekma tugi tak wasusak nogo?” iluk yogokhikhe.

La'isasikhe 22:29

Itithogon yogokhikhemo it at tugi wasuogoluk hagakhukha meke emenogo nen ibat hekhogon here'isasukha. Itithogon here'isasukhama, ap kok etnogo akla nen, “Paulus ebe o Roma aierek meke werek korlegat, iki herle wakhima yi nayuk e,” iluk ayuk weak ageikhe.

La'isasikhe 24:27

Itithogon isi korlek, mo dageigik usigik 2 tahun welagoukhasik nen, yabokane Feliks obolukmo ap ageikhe etaga Perkius Festus gubernur asuagaluk meldisukha. Melduogoluk hagakhunem, at Feliks nen, “It akhuni Yahudi meke inakla hanorogo,” iluk Paulus iki herle waregat here'isikhe.

La'isasikhe 28:20

Nit akhuni Israel meke nen, Ap ageikhe wisigin o, iluk ninetaiken at oba welagorek etnogo hasigat, niki herle warogo 'banhukhama welagei yi. Iti nenat, hit hinebe noba wagunem wene yokhisagaluk hinayoko 'bigi iti o,” iluk yogeisasikhe.

La'isasikhe 3:13

Ninopase Allah iti, Abraham nen hogorakhik, Ishak nen hogorakhik, Yakub nen hogorakhik, ninopa lak aperek nen hogorakhik, hagakhe lagoukha meke etnogo nenat, a'but Yesus kogotdekhe iti. Meke re, hit nen, it aperek nen wasuagaluk inikimo 'begepma re, at Pilatus nen iki herle hisalogo ula'igiluk hagakhe mekeat he, hit nen, Ap iti nina'it o, iluk egep etnogo.

La'isasikhe 4:27

Itithogon isigin hagat, at Herodes men, Pontius Pilatus men, akhuni itikmanke meke men, akhuni Israel meke men, Yesus, hat hekaerek hatuaneke meke, nit akhuni tilninabuagaluk meldisigin meke etnogo, wasuogoluk eberogonat o yoma doalogo natogosi ageikha iti hasik isigin iti.

La'isasikhe 9:2

“Noe. An o Damsyik dageiluk nen, it akhuni aperek Yesus ane waganhe dogolik oporlik liliogei meke aperek werek halok, humi dek, ap dek, heageinabiluk nen, iniki herle warogo wogosik Yerusalem yoma 'bisasik nen, it akhuni Yahudi meke o kota Damsyik etoma o sembayan egarekma tomok natogorliogei meke inobasik surat ageikhe waganogo woknom o,” iluk yogokhikhe.

1 Timotius 6:13

Allah akhuni ninebe inom, yi meke ti meke inom, tha'bokhogonat ninilugutninakherek meke etnogo il obaat, Kristus Yesus akhuni nen ap Pontius Pilatus oba wolok lagoukhama, ane eberogonat pakhogon yogokhikhe etnogo il obaat, wene yi hasuk warogo yokhisigin.

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.

Ibrani 13:3

It aperek herle warek werekma, hinakla nen, “Nit meneke, ninomat herle warek hakene welago,” iluk it inoba ebekhik, it aperek yi weak ti weak hagarinakhunem, hit hinakla nen, “Nit meneke, agat oba yoma aban werekma itithogonat hagatninabusagat o,” iluk, it inoba ebekhik, hagakhe dogono o.