Matius 26:70 - ALLAH ANE WENW KET MEKE WAROGO WOKNINAKHIKHE WENE

⁷⁰ at Petrus nen akhuni doalegat emenogo inil obaat, men yogokhikhe, “Hat egen iti an nokodek o,” iluk nen,

Matius 26:70 ပူးပေါင်းရင်းမြစ်များ

Matius 26:51

Hakhasinem ap ageikhe Yesus inom welagoukha meke etnogo nen karok aika akla uakma nen kigikhogon, ap Allah iteerek inoe kok atuaneke ageikhe asuk motok 'bogokhogon la'isikhe.

Matius 26:56

it ap Allah ane yogeisekhe lagoukha meke nen holal waganhukha etnogo tak-tagat asuagaluk hagatnakhep o,” iluk yogeisasikhemo, it ap at ane waganhe lagoukha meke emenogo, at ebe thogotdiluk lo motok lagoukha.

Matius 26:58

Yesus itithogon wolok laga korlek, at Petrus etnogo yabokane inoporlik huyo'bo laga lageikhesik nen, ap kok Kayafas etnogo agokutlu ukisikhesik, “Yesus nikithogon hagasugun,” iluk ileken hisagaluk, at ap kok etnogo agarumi Allah ai halek therogo welageikharek meke inom thabakhogon hurek lageikhe.

Matius 26:69

Itithogon yogokhe korlek, at Petrus etnogo okutlu holkerlekma hurek werekma, horlak inatuaneke meke ageikhe oba wageikhesik, men yogokhikhe, “Hat meneke, Yesus Galilea meke iti hinom nekhe lagap meke apigi,” iluk yogokhikhemo nen,

Matius 26:71

holagape palek dukhegarekma eranogo dukhisigiluk hagakhunem, at horlak atuaneke meke ageikhe ninat meke nen ileken lakhalok, akhuni doalegat emenogo men yogeisasikhe, “Ap yi Yesus Nazaret meke etnogo inom nekhe lageikha mekeat o,” iluk yogeisasikhemo,

Lukas 22:57

at Petrus nen la'belhe dogolik, men yogokhikhe, “Dek o. Horlak yi! Ap iti ebe an nokodek o,” iluk yogokhikhe.

Roma 11:20

Itithogon mothogon apekhe lagap mekeat he, hinakla ebetni. It inetaiken Allah oba hakotdigidek nen palogo la'isasikhe. Meke re, hit anek he, hinetaiken Allah oba hakotdisigip iti nen wokhinakhikhemo welagap iti. Halok he, hinekaerek nen hogorakhigidek, hinayukhogon dogono

1 Korintus 10:12

Iti nen, hat ageikhe hakla nen, “An netaiken horle, metek welagei o,” iluk apegen halok he, tunhogo launogo iluk hobabut hebelogo dogono.

A'bikaka 21:8

Itithogon mekeat he, it akhuni aperek inayuk holik meke inom, inetaiken Allah oba hakotdigidek meke inom, Allah alilo meke hagakharek meke inom, akhuni inakharek meke inom, param ha'isigik, ha'isoagaluk hagakhik, hagarek meke inom, elo dek elalinat inakharek meke inom, inetaiken kaneke oba hakotdiluk dogolik, hogorakharek meke inom, inekalat egarek meke tha'bokhogonat inom, i laut hetu meke yekelek werekma, hotali al hakene obasi weak meke etaga belerang inom-inom amulok nasi motok welagarekma etoma inobolukmo la'isagein. La'isagein iti, inebe alebageik elanma hasik watlatlukmo nen, yabokane watlasugun meke itiat o,” iluk yoknekhe.