Matius 26:69 - ALLAH ANE WENW KET MEKE WAROGO WOKNINAKHIKHE WENE

⁶⁹ Itithogon yogokhe korlek, at Petrus etnogo okutlu holkerlekma hurek werekma, horlak inatuaneke meke ageikhe oba wageikhesik, men yogokhikhe, “Hat meneke, Yesus Galilea meke iti hinom nekhe lagap meke apigi,” iluk yogokhikhemo nen,

Matius 26:69 ပူးပေါင်းရင်းမြစ်များ

Matius 21:11

it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Matius 26:3

Itinem, it ap Allah iteerek meke inougi koktek meke inom, it ap inarluetek emenogo inom, at ap Allah iteerek meke inoe kok etaga Kayafas etnogo aila natogotdiluk nen,

Matius 26:58

Yesus itithogon wolok laga korlek, at Petrus etnogo yabokane inoporlik huyo'bo laga lageikhesik nen, ap kok Kayafas etnogo agokutlu ukisikhesik, “Yesus nikithogon hagasugun,” iluk ileken hisagaluk, at ap kok etnogo agarumi Allah ai halek therogo welageikharek meke inom thabakhogon hurek lageikhe.

Matius 26:70

at Petrus nen akhuni doalegat emenogo inil obaat, men yogokhikhe, “Hat egen iti an nokodek o,” iluk nen,

Matius 26:71

holagape palek dukhegarekma eranogo dukhisigiluk hagakhunem, at horlak atuaneke meke ageikhe ninat meke nen ileken lakhalok, akhuni doalegat emenogo men yogeisasikhe, “Ap yi Yesus Nazaret meke etnogo inom nekhe lageikha mekeat o,” iluk yogeisasikhemo,

Yohanes 1:46

at Natanael nen, men yogokhikhe, “A! O Nazaret eloma nen hano meke ageikhe erlok wisusak a? Erlok dek o,” iluk yogokhikhemo, at Filipus nen, “Hat hileken tomok 'bikhanok nen eme o,” iluk yogokhikhe.

Yohanes 7:41

it aperek nen, “Dek o. Akhuni tilninabuagaluk Allah nen la'isigin isikhe etnogoat o,” iluk ekhe lagoukha mekeat, it aperek nen, men isukha, “Akhuni tilninabuagaluk Allah nen, la'isigin isikhe etnogo, o Galilea nen erlok wisusak nogo? Erlok dek o.

Yohanes 7:52

it nen at men yogokhukha, “Hat meneke, haila o Galilea meke nogo? Ap Allah ane yogeisegarek meke ageikhe o Galilea nen wisigin iluk Allah ane baga holal waganek ageikhe werekma hileken higin motok dek etnaga, hileken hanorogon 'bikhekhe dogono,” iluk yogokhukha. [

La'isasikhe 5:37

Dek ageikhemo, yabokane koktek pemerintah meke nen akhuni inebe iniki wenageinabuogoluk hagakhunem, ap ageikhe ai Galilea meke, etaga Yudas melageikhe. Melageikhesik akhuni doalegat inakla kagalhikhemo, at apma ukiluk oporlik nekhe lagoukhaat. Meke re, at ebe wakhik, agarumi apma meke ukiluk oporlik nekhe lagoukha meke thirlik-pirlikhogon mugisigik, hagakhukha iti.