Matius 26:64 - ALLAH ANE WENW KET MEKE WAROGO WOKNINAKHIKHE WENE

⁶⁴ at Yesus nen, “Hat nen egen itiat o. Meke re, an ageikhe yokhisak. Hurli yogotak nen, an abat itaklasi agagi etnogo, at Allah obatne horleak yi meke ti meke hagasusak anek etnogo nipisak alilu iki ebeke kogat hurek dogoluk nen, yabokane pogot oba etoma nen oisa aklake usa'agunem hinileken neagun o, iluk yokhisigi,” iluk yogokhikhemo,

Matius 26:64 ပူးပေါင်းရင်းမြစ်များ

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Matius 16:28

Nen, hit metek welagap yoma meke hinebe aperek watlageidek dogolik, an abat itaklasi agagi etnogo kok Netagapogot dogeigiluk akhuni tha'bokhogonat napma 'bisa agunem hinileken neagunat o, iluk eberogonat yokhisigi,” iluk yogeisasikhe.

Matius 22:44

Allah Etagapogot nen an noe Etagapogot yogokhe dogolik, Akhuni hat thili meke emenogo hisok nen al debelogo 'bisanok nen, an nen hoba 'bisa'ageidek werek korlek, hat an nalilu niki ebeke hurek dogolik hebe kok dogono, iluk Allah nen Kristus yogokhikhe, iluk Daud nen isikhe iti, nenaluk isikhe apegep.

Matius 24:30

Itithogon hagakhe korlek, an abat itaklasi agagi etnogo arat wisigin iluk, akhuni inetaiken ekerlogo hutduagaluk pogot oba ageikhe hagatlatluk oba nen, akhuni inukuloak etaga dopok deku makhe korlek nobatnerogonat oisa akla usa'agunem, inileken nealok kokhogonat hogotnabugun o.

Matius 25:31

At Yesus nen itithogon yogeisasikhesik, wene ageikhe men yogeisasikhe, “An abat itaklasi agagi etnogo, akhuni nen hogotnakhe korlek, it malaikat Allah nen pogot oba nen yoko usa'isa agarek meke emenogo tha'bokhogonat ninom witluk nen, an hogotnakhe korlek kok Netagapogot welagarekma dogolik,

Matius 26:25

at Yudas, Yesus wasuagaluk yoko lageikhe etnogo nen he, “Halok he, noe. An a? An dek apigi,” isikhemo at Yesus nen, “Hat mekeat ekhe lagan,” iluk yogokhikhe.

Matius 27:11

At Yesus ap Pilatus gubernur kok meke etnogo oba wolok wagoukhama elokhoma metek werekma, at gubernur etnogo nen itema waganhe dogolik, “Akhuni Yahudi meke inoe etagapogot etnogo harat a?” iluk yogokhikhemo, at Yesus nen, “Hat egen itiat o,” iluk yogokhikhe mekeat,

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Matius 8:20

Itithogon yogokhikhemo, at Yesus nen, “Helo yeke iti, ai halek akolakla welagarek. Nen, thue hitluk nekharek meke iti, ai halek welagaregat. Meke re, an abat itaklasi agagi iti anek, noge ekhe dogosakma nai halek motok dek o,” iluk yogokhikhe.

Markus 14:62

Hinok itithogon waganhikhemo, at Yesus nen men yogokhikhe, “Iti, an nebe yiat o. An abat itaklasi agagi etnogo, at Allah obatneak yi meke ti meke hagasusak anek etnogo alilu iki ebeke kogat hurek dogoluk, pogot oba etoma nen oisa akla usa'agunem hinileken neagun o,” iluk yogokhikhe.

Lukas 21:27

Itinem an abat itaklasi agagi etnogo nobatnerogon oisa akla usa'agunem, inileken nealok motok hogotnabugun o.

Lukas 22:69

“Hurli yogotak yi nen, yabokane an nopase Allah obatneak yi meke ti meke hagasusak anek etnogo iki ebeke kogat hurek dogogin o,” iluk yogeisasikhemo,

Lukas 22:70

it tha'bokhogonat nen, men yogokhukha, “Halok he, hat Allah a'but a?” iluk yogokhukhama, at Yesus nen, “Hit hinekaerek nen egep itiat o,” iluk yogeisasikhemo,

Yohanes 18:37

at Pilatus nen, “Halok he, hat eberogonat kok hetagapogorat a?” iluk ekhe lageikhemo, at Yesus nen, men yogokhikhe, “An nebe kok netagapogot hat egen itiat o. Iti hasigat an nen ebe wene abok pakhogon yogeisekhe dogeigiluk nebe agat oba yoma itaklasi usa'agagi o. Akhuni wene ebe wene iti werekmake asi lageikha meke inebe dopok an nane inasuk holiogei o,” iluk yogokhe lageikhemo,

La'isasikhe 1:11

Melasi usa'agoukhasik nen, men yogeisasukha, “Hit akhuni o Galilea meke yirani. Hinileken pogot oba liageik welagap iti nenaluk. At Yesus hit yoma 'binageiluk pogot oba wolok dageisinem hinileken werek korlegat, pogot oba dageikhe iti hak, yabokane ebe itithogonat usa'isigin o,” iluk yogeisasukha.

Roma 14:10

Nagarlak lak nerugi. Nit ninebe tha'bokhogonat Allah nen ninitema waganiginmo lugun mekeat, hit hinagarlak lak hinerugi hinom hinetaiken Allah baga hakotdekhe lagap meke iti, nenaluk wene inoba 'bigik, hinakla meanetdisigik, hagakhe lagap?

1 Tesalonika 4:16

Ninoe Etagapogot pogot oba nen usa'agunem, it malaikat meke inoe kok meke ane kokhogon igik, Allah apikon ane huthasinem ane kokhogon igik, isinem, akhuni Kristus inom hunik dogolik watlagoukha meke tak inilugurinabigin o.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

A'bikaka 1:7

Lakhani! At ebe oisa baga wagunem, akhuni tha'bokhogonat inebe dopok men, it at thege karluk wakhukha meke men, inomat nen inileken lakhekhe dogolik, inukuloak etaga tomok tha'bokhogonat de asugun o, iluk yokhisigi iti, “Ebeat asuak o,” u hak, “Amin,” igi iti o.

A'bikaka 20:11

Itithogon higirik oba nen, yabokane, ap koktek welagarekma inobolukmo kok kut meke werekma, at ebe etoma kok welaga higi. Itithogon werekma pogot, agat, tha'bokhogonat, at agorlerogon dek atlukmo nogo nen he, yabokane inileken hausak degat aga laga higi.