Matius 26:52 - ALLAH ANE WENW KET MEKE WAROGO WOKNINAKHIKHE WENE

⁵² Itithogon la'isikhemo, at Yesus nen, “Hakarok iti huakma obolukmo ukhasin o. It ap karok oba inakharek oko karok obaat inakharek anek iti o.

Matius 26:52 ပူးပေါင်းရင်းမြစ်များ

Matius 5:39

Itithogon mekeat he, an nen wene ageikhe yi yokhisak. Weagathinakha halok oko 'bugup o. Hinelokhoken ebeke dapukhogon hinakho halok he, paike inomat hasuagaluk wogosusagat o.

Roma 12:19

Nagarlak lak nerugi. Hinebe nakmu o. Akhuni nen hit weagathinakho halok, hinekaerek nen ukum waganhup o. Allah akla aga dageiluk, at nen hagasuak nen, at iki baga 'bekhe dogono. Wene itithogon hagakhe dogosak, iluk holal yigithogon waganek werek, “Ukum an nen inakhik, oko an nen 'bigik, hagasigin o, iluk ninopase Etagapogot nen ekherek,” iluk holal waganogo 'bisukha.

1 Tesalonika 5:15

Akhuni nen hit aperek weagathinakhunem, oko-oko weagarinakhidek dogolik, hit-hit hinobasik inom, akhuni tha'bokhogonat inobasik inom, inobabut hanorogo hagakharek iti mekeat kogotdekhe dogono.

1 Petrus 3:9

Akhuni aperek nen hit weak hagathinakhunem, hit nen oko weagarinakhup o. Nen, inane sagun weak yokhisugunem, hit nen oko hinane sagun yogeisugubat o. Oko re, Allah nen inebe hanorinabuagaluk, ayoko 'bekhe dogono. Yabokane at nen hano meke wokhisagaluk hinayoko 'bisikhe iti nen, hit nen oko hano meke wogeisekhe dogono.

A'bikaka 16:6

Nen, it ap iti nen, hat ha'buri inom, hat hane yogeisegarek meke inom, inamep ulabogo inakhukhasikmo, mep noagaluk wogeisegen iti, inobabut oba mothogonat wogeisegen o, nopase,” iluk yogokhe laga nasuk holhi.