Matius 26:45 - ALLAH ANE WENW KET MEKE WAROGO WOKNINAKHIKHE WENE

⁴⁵ Arat iluk nen agarumi inoba wageikhesik men yogeisasikhe, “Hit thet walogo noge isi motok dogogun a? Lakhani! Ap ageikhe nen ap weak hagakharek meke nen an abat itaklasi agagi etnogo nasuagaluk inikimo 'banigin iti o arat asi aga.

Matius 26:45 ပူးပေါင်းရင်းမြစ်များ

Matius 26:18

at Yesus nen, “O kota etnogo lalok nen, ap ageikhe etnaga wene men yogotno. At ninoe wene yakulnisiliogo meke nen he, An hagasigin meke arat horok asi agama nen, an nagarumi nane waganiogei meke ninom, at aila etoma pesta Paskah werago nuok nen yogosi lani o, iluk yoknisekhemo yokhesi ago, iluk yogotno,” iluk yogeisasikhemo

Matius 26:2

“Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Matius 26:44

sembayan alep iki pere baga isikhesik, yabokane ageikhe inom igiluk lageikhesik nen, alebageik isikhe hagat, isikhe.

Matius 26:46

Halok he, nit luok nen he, hit melatni o. Lakhani! Ap an nasuagaluk yoko laga meke etnogo arat horogat waga ithi o,” iluk yogeisasikhe.

Markus 14:35

Itithogon yogeisasikhesik, at sembayan igiluk horogat eta agat oba elokhe thogoumhogo wilageikhesik sembayan men isikhe, “Nopase! An yogotak yaat weagatnabugun iti, weagatnakhidek thogotdanusak halok, thogotdanuak o,” iluk isikhesik,

Lukas 22:53

Hibiku-yogokuat Allah ai halekma an hit ninom dogolik haknakhidek welagasip meke re, yogotak yi anek, o mum ite welagarek meke etnogo obatne agama nen, hit nen haknabusak tak-tak oba arat wagap yi o,” iluk yogeisasikhe.

Yohanes 12:23

Itithogon yogosi lagoukhama, at Yesus nen, men yogeisasikhe, “An abat itaklasi agagi etnogo, nebe hogotnabugun oba arat asi aga o.

Yohanes 12:27

At Yesus nen wene itithogon yogeisasikhesik sembayan ageikhe men isikhe, “Nopase. Yogotakne netaiken weak motok murleliogo welagei yi nikithogon ik he? An nen yigithogon ik. Nopase. An yi aik ti aik higin iti, hat nen nebe tilnabin o, iluk yokhesusak meke re, itithogon hagatnabuagalugat wagagisikmo nogo nen, itithogon igin dek o, nopase.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 17:1

At Yesus nen wene itithogon yogeisasikhesik, at uroak lekhogon ileken pogot oba liakhasikhesik nen, men isikhe, “Nopase. An hagatnabugun etnogo arat asi aga o. Hat nen haganeat akhuni aperek woknikhigin meke inebe tomok an ha'but nen hagarinabumo iniluk motok dogoagaluk akhuni tha'bokhogonat niki baga 'bisigin iti nen, hat hebe kogotdageik nen, an ha'but kogotdani me o, nopase.