Matius 26:32 - ALLAH ANE WENW KET MEKE WAROGO WOKNINAKHIKHE WENE

³² Mekeat he, an nakhunem Allah nen yabokane nilugutnakhunem, an tak o Galilea dageiluk hinolokhoma dogogin o,” iluk yogeisasikhemo,

Matius 26:32 ပူးပေါင်းရင်းမြစ်များ

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Matius 20:19

Ukum noba 'biluk nen, it ap itikmanke meke nen inane aik dagok yoknikhik, tugi la'bisoko tugi nakhik, hagatluk nen nebe o baga meldaniluk nasuagaluk wogeisagun o. Nen, arat nakhunem, niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Matius 26:33

at Petrus nen he, “It tha'bokhogonat thogotdageiluk lo lugun halok he, an anek thogotdageiluk lo dukhigin motok dek o,” iluk yogokhikhemo,

Matius 28:10

Hogorakhukhama, at Yesus nen he, “Hinayuk agup o. An nagarumi emenogo o Galilea dagouak nen, yogeisa lani o. Etoma dageiluk inileken 'bitneagun o,” iluk yogeisasikhe.

Matius 28:16

At Yesus nen at agarumi ane waganhe lagoukha meke inebe 11 emenogo yogeisekhe dogolik, “O Galilea lalok tom iti baga dageiluk dogono,” iluk wene warisasikhe tak-tagat lagoukhasik dageisukha.

Markus 14:28

Lo thirlik-pirlikhogon lugun mekeat he, an nakhunem, yabokane Allah nen nilugutnakhunem, an tak o Galilea dageiluk hinelokhoma dogogin o,” iluk yogeisasikhe.

Markus 16:7

'Bikhalok hit nen at agarumi ane waganhe lageikha meke Petrus lak emenogo yogeisa lano o. At Yesus nen, An o Galilea dageiluk hinelokhoma dogogin o, iluk yokhisasikhe hagat dageigin etnaga o. Hit dageiluk at ebe hinileken hugun o, iluk yogeisa lano o,” iluk yogeisasikhe.

1 Korintus 15:6

Yabokane it at oporlik neke lagoukha meke inebe 500 aperek inomat, opaki hasik inileken hoagaluk inelokhoma wisam ageikheat. It inileken hasukha meke iti, inebe doalek hak yogotak iniluk werek mekeat he, aperek pererlagat inebe watlagoukha.