Matius 26:2 - ALLAH ANE WENW KET MEKE WAROGO WOKNINAKHIKHE WENE

² “Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Matius 26:2 ပူးပေါင်းရင်းမြစ်များ

Matius 10:4

Simon, “O Kanaan yoma ninaierek meke anek dogouok,” iluk ekhe lageikhe etnogo inom, Yudas Iskariot Yesus wasuagaluk yabokane yoko lageikhe meke etnogo inom, inetaga eta.

Matius 17:22

Yabokane, at Yesus agarumi inom o Galilea etoma natogokhukhasik dogolik, men yogeisasikhe, “An abat itaklasi agagi etnogo, ap nen yoko lalok it akhuni aperek iniki baga 'banumo,

Matius 27:4

“Eiye! Ap iti weak hagakhidekmaat wasubageik iluk yogo wageima o. Halok he, weagat hagakhima higi o,” iluk yogeisasikhemo, it emenogo nen he, “Wene iti nit ninoba agama apegen? Dek o. Iti hat hoba dopogat o,” iluk yogokhukhama,

Lukas 22:15

Hurek lagoukhasik, at nen men yogeisasikhe, “An yi aik ti aik hasi korlek nasugun iti, aban hagatnakhidek werek korlek, domba Paskah hasik yogotak nugun yi, nagarumi ninom nelo e, iluk, nakla warlok apekhe lagarik.

Yohanes 11:55

Welagoukha etanemat, it akhuni Yahudi meke pesta etaga Paskah nekarek etnogo meke nausak oba arat hakok i ageikhemo nuogoluk aban dogolik, it inoba horogo iluk, Yahudi meke hagakharek hak hagasuogoluk, inaila tomok nen o Yerusalem natogosi lagoukha.

Yohanes 12:1

Wene itithogon isukhasik werek korlek, iniki 5 oba dogoluk nen, ageikhe baga pesta Paskah etnogo nuogoluk aban werek korlek, at Yesus o Betania ap Lazarus watlageikhesikmo nen ilugutdisikhe meke etnogo aila wageikhe.

Yohanes 18:2

At Yesus agarumi ane waganhe lagoukha meke emenogo iniki nekalok oba lageik, iniki nekalok oba lageik, etoma natogorlogo lageigat hagakhe lagoukhasikmo nen, at Yudas Yesus wasuagaluk yoko lageikhe meke etnogo yabula iti ilu welageikhe.

Yohanes 18:32

Inane itithogon yogokhukha iti, at Yesus nen wene haganeat yogeisekhe dogolik, “An itithogon hagatnabiluk nasugun o,” iluk ekhe lageikhe meke etnogo, it itithogon hagakhukhama, at ane tak-tagat ageikhe iti.

Yohanes 2:13

Etoma werekma, it akhuni Yahudi meke nen, “Alebat at Allah nen tilninakhikhe,” iluk, inakla eberogo dogolik domba warogo pesta etaga Paskah hasik nausak oba arat hakok i ageikhemo, Yesus o Yerusalem usasikhe.