Matius 26:18 - ALLAH ANE WENW KET MEKE WAROGO WOKNINAKHIKHE WENE

¹⁸ at Yesus nen, “O kota etnogo lalok nen, ap ageikhe etnaga wene men yogotno. At ninoe wene yakulnisiliogo meke nen he, An hagasigin meke arat horok asi agama nen, an nagarumi nane waganiogei meke ninom, at aila etoma pesta Paskah werago nuok nen yogosi lani o, iluk yoknisekhemo yokhesi ago, iluk yogotno,” iluk yogeisasikhemo

Matius 26:18 ပူးပေါင်းရင်းမြစ်များ

Matius 21:3

Itithogon herle hisalhunem, it akhuni etoma meke ageikhe nen, Nenaluk kupi hisalhe lagap, iluk wene palhe halok, men yogeisano, Ninoe Etagapogot etnogo nen wam keledai yi meke dek nen, wolok luogoluk kupi hisalhe lago, iluk yogokhunem at nen, ibat la'isigin etnaga,” iluk, wene warogo la'isasikhe.

Matius 23:10

Nen, hinoe wene hinasuk wakherek he, an Kristus narligat halok he, it akhuni aperek nen, Ninoe, iluk, hit yokhisausak motok degat o.

Matius 23:8

Meke re, hit hinopase guru wene yakulhisekherek meke opakiat anek werek iti nen, hinagarlak lak hinerugi hinom tak-tak halok he, it aperek nen, Guru nopase, iluk yokhisausak motok dek o.

Matius 26:19

it emenogo, at nen isikhe hagat, lagoukhasik nen, yi meke ti meke pesta Paskah etnogo hasik motok nimik-nomokhogon 'bisukha.

Matius 26:2

“Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Matius 26:49

at tak Yesus oba wageikhesik nen, “Noe o,” iluk, ape tharluk heagei wakhunem,

Markus 5:35

Itithogon yogokhe korlek eranogoat, o akhuni Yahudi meke sembayan egarekma inoe kain etnogo aila nen agarumi yoko wagoukhasik men yogokhukha, “Noe. Ha'but horlak etnogo arat watlagama nen wago. Halok he, ninoe kain wene yakulnisekherek meke ithi, isok alomarogo hipisak luogoluk oba tiolusak nogo? Dek o,” iluk yogokhukha.

Lukas 22:53

Hibiku-yogokuat Allah ai halekma an hit ninom dogolik haknakhidek welagasip meke re, yogotak yi anek, o mum ite welagarek meke etnogo obatne agama nen, hit nen haknabusak tak-tak oba arat wagap yi o,” iluk yogeisasikhe.

Yohanes 11:28

Itithogon yogotluk, Marta nen oe Maria wasi lageikhemo asokneat wageikhemo nen, men yogokhikhe, “Ninoe wene yakulnisiliogo meke etnogo ebe wagasik horok yoma dogolik wahiriogo,” iluk ane hok-hokhogon yogokhikhe.

Yohanes 12:23

Itithogon yogosi lagoukhama, at Yesus nen, men yogeisasikhe, “An abat itaklasi agagi etnogo, nebe hogotnabugun oba arat asi aga o.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 17:1

At Yesus nen wene itithogon yogeisasikhesik, at uroak lekhogon ileken pogot oba liakhasikhesik nen, men isikhe, “Nopase. An hagatnabugun etnogo arat asi aga o. Hat nen haganeat akhuni aperek woknikhigin meke inebe tomok an ha'but nen hagarinabumo iniluk motok dogoagaluk akhuni tha'bokhogonat niki baga 'bisigin iti nen, hat hebe kogotdageik nen, an ha'but kogotdani me o, nopase.

Yohanes 20:16

at Yesus nen yogokhe dogolik, “He Maria,” iluk yogokhunem, Maria elokhoken dagakhogon Yesus wogotluk, nit ninane baga, “Guru noe,” u hak, it Ibrani meke inane baga, “Rabuni,” iluk heagei wakhikhe.

Yohanes 7:30

it akhuni nen Yesus ebe hakhauwogoluk hagakhukha mekeat he, at ebe hakhausak oba arat mot asi ageidek iti nen, ebe iniki hakhigidek kamotdisukha.

Yohanes 7:6

Itithogon yogokhukhama, at Yesus nen men yogeisasikhe, “O hibiku-yogoku hit nen hagasusak meke, erlok werek meke re, an nen hagasusak oba hakok i ageidek aban werek o.

Yohanes 7:8

ageikhe men yogeisasikhe, “An hagasusak oba aban werek iti nen, pesta hagasugun iti hagakhunem yogotak yaat usagein dek o. Hit anek usekhe dogoni o,”