Matius 26:13 - ALLAH ANE WENW KET MEKE WAROGO WOKNINAKHIKHE WENE

¹³ Nane eberogonat yokhisak. He yi eberek dogoagaluk, akhuni wene hano wene etnogo, o yi ai ti ai yogeisilik nekhe dogolik, He iti itithogon hagakhikhe, iluk abok hano ekhe dogogun o,” iluk yogeisasikhe.

Matius 26:13 ပူးပေါင်းရင်းမြစ်များ

Matius 24:14

Nen, Allah nen apma 'bisagein meke hano wene yi, yi akhuni ti akhuni motok inilu asuagaluk o yi ai ti ai yogeisilik lagap halok he, o ilugun hurli baga arat hagatlasigin o,” iluk yogeisasikhe.

Matius 28:19

Halok he, yi akhuni ti akhuni inukuloak etaga dopok tha'bokhogonat an nagarumi hagatlasuagaluk, nopase Allah etaga baga, an a'but netaga baga, Agoreke etaga baga, ninetaga palogo ima usa'isigik, an nen wene hinasuk wakhi meke iti tha'bokhogonat it akhuni nen mothogon hagakhe dogoagaluk yakulisigik, hagarik laga dogono. Lakhani! Hit itithogon hagarinabik lagunem, an nebe ninom motok-motogat werekma, hurli o ilugun hurli baga hagatlasigin o,” iluk yogeisasikhe.

Markus 13:10

Meke re, wene hano wene yi, yi ap ti ap inukuloak etaga dopok yogeisilik lagap halok he, ilugun hurli baga arat hagatlasigin o.

Markus 14:9

Nane eberogonat yokhisak. He yi oba eberek dogoagaluk akhuni nen wene hano wene etnogo, o yi ai ti ai yogeisilik nekhe dogolik, He iti nen itithogon hagakhikhe, iluk abok hano iluk ekhe dogogun o,” iluk yogeisasikhe.

Markus 16:15

Itithogon wenageisasikhesik, wene ageikhe men yogeisasikhe, “Hit he, akhuni inukuloak etaga dopok o yi ai ti ai eloma tha'bokhogonat wene hano wene yi yogeisilik laga dogono o.

Lukas 24:47

Nen, ageikhe men iluk holal waganek weregat, Hit akhuni weak hagakhe lagap meke iti, here'isalok hinbabut hebelagap halok he, Allah nen thagalogo degetdigin o, iluk, at etaga palogo wene ekhe dogolik, erlo o Yerusalem hurli nen yogeisilik, logat hurli o yi ai ti ai akhuni inukuloak etaga dopok motok yogeisilik laga dogono, iluk Allah ane holal waganek weregat o.

La'isasikhe 10:4

Ane hakhasinem, at Kornelius ileken at oba tek-tek 'birogo dogolik, ayuk ageikhesik nen, “I, noe. Nenaluk,” iluk isikhemo, at nen he, “Dek o. Hat sembayan igik, akhuni inameke dek meke yomageisigik, hagakhe lagan iti nen, Allah ilu agasik hoba eberek werek o.

Roma 10:18

Meke re, an nen hinok ageikhe waganusak. It he, hano wene iti inasuk holhidek werek a? Dek o. Inasuk arat holha. Allah ane baga, “It inane iti o yi ai ti ai tha'bokhogonat wialageikhesikmo re, o ilugun ilugun eloma tha'bokhogonat inasuk holhukha o,” iluk isikhemo holal waganek werek iti nen igi o.

Roma 15:19

At ebe hutduagaluk yi meke ti meke hagakhik, hogorasuagaluk yi meke ti meke elalinat hagakhik, obatnerogon hagakhikhe. Allah Agoreke etnogo obatne bagaat hagakhikhe iti. Hagakhe korlek, an he, o Yerusalem eloma nen dagak-pagak piokthek o Ilirikum eloma, at Kristus wene hano wene iti hutukhogon yogeisilik wagei.

2 Korintus 10:18

Akhuni inekaerek nen hogorakhegarek meke iti Allah nen hano iluk woginakherek 'buk. At ninoe Etagapogot nen hogorinakherek meke halok hano iluk woginakherek o.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

1 Timotius 2:6

At Kristus akhuni tha'bokhogonat weak hagakhorek iti baga herle warogo haknisik werekma herle hisalogo tilninabigiluk ekaerek eram nen, “Nebe nasuak,” iluk wageikhe iti baga, Allah akla nen, “Akhuni tha'bokhogonat tilinabusak,” iluk apekherek meke iti, ekagat asusak tak-tagat ekagat ageikhe iti o.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

A'bikaka 14:6

Itithogon higirik oba nen, yabokane at malaikat ageikhe wene hano wene motok dogogin meke akhuni agat oba meke inukuloak etaga tomok, inane tomok, inoado tomok, inaila tomok, yogeisilik pogot obake hitluk lagunem lakhigi.