Matius 26:10 - ALLAH ANE WENW KET MEKE WAROGO WOKNINAKHIKHE WENE

¹⁰ Itithogon isukhama, at Yesus nen inobabut ekagat hutdisasikhesik nen, men yogeisasikhe, “He yi nen hano hagatnakhe mekeat he, nenaluk wenagakhe lagap.

Matius 26:10 ပူးပေါင်းရင်းမြစ်များ

Matius 26:11

It akhuni inameke dek meke iti hit hinom motok dogogun mekeat he, an anek he, hit ninom motok dogogun dek o.

Matius 26:9

“Apusu iti oko motok kogat meke palogo nen, it inameke dek meke supurisauem,” iluk isukha.

Markus 14:6

Itithogon wenagakhukha mekeat he, at Yesus nen, men yogeisasikhe, “He yi wenagakhe 'buk o. Thogotdini o. At nen hano hagatnakhe o.

Lukas 8:49

Itithogon yogokhe korlek eranogoat, o akhuni Yahudi meke sembayan egarekma inoe kok etnogo aila nen agot ageikhe yoko wageikhesik nen, Yairus men yogokhikhe, “Noe. Ha'but horlak etnogo arat watlagama nen wagei o. Halok he, ninoe kok wene yakulnisekherek meke ithi isok alomarogo hipisak luogoluk oba tiolusak dek,” iluk yogokhikhe.

2 Korintus 9:8

Akhuni inobabut hano hagakharek meke hasik, Allah ane baga holal men iluk waganek werek, “It nen hano meke akhuni ya wogeisigik, ta wogeisigik, supurisekhe dogolik, it aperek inerlageik meke supurisegarek. Inobabut hano nen wogeisegarek iti, Allah nen akla eberek motok dogogin o,” iluk holal waganogo 'bisukha hak, at Allah obabut hano nen, yi meke ti meke oba dukhogon wokhisugunem, hit nen hibiku-yogoku hinekaerek hasik erlogat dogolik, oba dukhogon it aperek hanorogon yomageisekhe dogobageik iluk, Allah nen erlogat wokhisausak werek o.

Galatia 1:7

Ebe re, wene hano wene ninat ageikhe welagarek dekmaat o. Mekeat he, it akhuni aperek nen hano wene Kristus nen hagakhikhe wene iti meke ninat hagarogo nukhethinabuogoluk yokhisiliogei iti nenat igi o.

Galatia 5:12

Hit weagathinabuogoluk hinoado aperlagap palhinabuogoluk hinakla obatnerogon kagaliogei meke iti, hit Allah a'buri hinakla nen tekhogon motok horla dukhuak o!

Galatia 6:17

Yabokane an Yesus atuaneke iluk, an noba nagalumo no'ban ekagat werek iti nen, it aperek nen an nakla murluk-marlakhogon hagatnabusak dek o. Motok na'it.

Efesus 2:10

At nenat hano hagarogo 'binanhikhemo welago. Iti nit Kristus ninom hunik dogolik, yi meke ti meke hanorogon hagakhe dogoagaluk, ninobabut ket ninat winametdinanhikhe iti, ebe Kristus Yesus oba nenat winametdinanhikhemo welago.

Kolose 1:10

Itithogon hinilu atluk nen, ninoe Etagapogot akla hanorogo, at warlok apekherek meke mothogon anek hagakhe dogosagat. Yi meke ti meke ai yakhunem erlo kok atluk nen eken hano ikherek hak, hit Allah obabut hinilu aga dogolik, yi meke ti meke hano meke hagakhe dogosak iti.

2 Tesalonika 2:17

Itithogon hagakharek meke iti nenat, hit hiniki nen hano meke hagakhik, hinane baga hano meke yogeisigik, hagakhe dogobageik nen iluk, hinakla hanothinakhik, hinetaiken horlethinakhik, hagakhe dogoak o.

1 Timotius 3:1

Wene yi, eberogonat meke igin o. It aperek inakla nen apekhe dogolik he, “An Allah a'buri therisik dogole,” iluk, inakla apega halok he, iti hano motok mekeat warlok nen apega iti.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

2 Timotius 2:21

Iti hagat, tha nen ekaerek nen weak hagakherek meke iti horogo here'isalok, ebe Allah hasik 'bisalok werekma, at nenat yi meke ti meke hano meke hagasigiluk, “Arat hano,” iluk ayoko 'bigin iti.

Titus 1:16

It iti nen he, inape baga nen, “An Allah ebe nilu o,” iluk, inane pakhogon ekhe dogoligat, “Ebe ninokodek,” iluk u hak, inasuk warek degat, Allah alilo meke hagakhe dogolik, yi meke ti meke hanorogon hagasusak it motok erlok dek werek iti.

Titus 2:14

Nit alep Allah ane here'isalok yi weak ti weak hagakhe lagagu iti nen niniki herle warogo negen haknisik werekma, at Yesus Kristus nen he, “It inebe an nekaerek na'buri atluk nen, inobabut hano meke akilukhogon hagakhe dogoak nen, inebe herle hisalogo inoko paligiluk, an nebe watlasigin,” iluk isikhe.

Titus 3:1

Allah a'buri hat nen hagasik welagan meke etoma nen, inougi pemerintah meke koktek inapma werekma, it nen yi meke ti meke mothogon hagasuagaluk isinem, “I o,” iluk inane hologo hagakhe dogoagaluk inasuk wakhe dogono.

Titus 3:14

Akhuni nit Allah a'buri meke aperek, o eken hano meke ikhidek welagarek hak, it iti hano meke ite ageidek yugunat alomarogo dogunogo iluk, it aperek yi meke ti meke dek nen nuk atluk werekma, it inekaerek hano hagakhe dogolik yomageisekhe dogoagaluk, iti meke kogotdiluk yakulhe dogoak o.

Titus 3:8

igi iti eberogonat o. Hat nen it aperek inetaiken Allah oba hakotdiluk werek meke halok, akhuni aperek inobasik hanorogon yomageisegarek iti meke kogotdiluk akilukhogon hagakhe dogoumo, akhuni tha'bokhogonat inobasik hano motok, iluk, itithogon hagakhe dogoagaluk, inasuk hobatnerogon wakhe dogonogoluk, an nakla apigi meke yokhigi iti o.

Ibrani 13:21

Hit Allah akla warlok apekherek meke anek hano hagasubageik nen, yi meke ti meke hano meke tha'bokhogonat wokhisoak. Itithogon wokhisugunem, nit ninom tha'bokhogonat nen Allah akla hanorogo hagakhe dogoagaluk, ninobabut at nen woknisagein iti, ebe, Yesus Kristus nen woknisoak o. At Kristus itiat hogorakho motok dogouok o. Ebeat asuak u hak, “Amin,” igi iti.

1 Petrus 2:12

It akhuni itikmanke meke Allah inokodek meke hinom dogolik, it nen, hit weak hagakhe lagap meke thalek, “It weak hagariogei o,” iluk hinabok weak ekhe dogoligat, hit hinobabut hano hagakhunem inileken hisekhe dogoluk nen, akhuni nen at Allah ebe yabokane wagunem hogorasuagaluk hit hinobabut mothogon hagakhe dogono o.