Matius 25:5 - ALLAH ANE WENW KET MEKE WAROGO WOKNINAKHIKHE WENE

⁵ Meke re, ap age ikhekhe meke iti ebe wageidek motok erapigat werek nen, it emenogo inebe tha'bokhogonat arat noge inil ageikhemo etoma noge motok isukha.

Matius 25:5 ပူးပေါင်းရင်းမြစ်များ

Matius 24:48

Mekeat he, at atuaneke meke iti, obabut weak halok he, akla nen, Noe etnogo ibat wiriogo dek. Dogoluk nen wisigin higi, iluk,

Matius 25:19

Itithogon agatma thaldisikhesikmo inoe etnogo welageikhesik nen yabokane wageikhesik, Uang wogeisasigi emenogo it nen yabokane meren thabukha iluk, waisasikhemo wagoukhama,

Matius 25:4

Nen, it inetaiken werek meke eranogo anek nen, lampu inom, isoak ageikhe minyak henago inom, wolok lagoukha.

Matius 25:6

Itithogon noge isi korlek, hibako eketurlemat, it akhuni nen, Ap age ikhekhe meke etnogo ebe waga ili. Elokhoma witni o, iluk, inane amitmit kokhogon isukhama,

Matius 26:40

Sembayan itithogon arat iluk nen agarumi henagan emenogo inoba wageikhe meke, it noge motok isinem, at Petrus men yogokhikhe, “Hit he, hibako yi satu jam opaki hasigat an ninom thuam wasusak erlok dek a?

Matius 26:43

Sembayan iluk yabokane wageikhe meke re, it agarumi emenogo noge inil ageikhemo nen he, noge isinem 'birisa wageikhesik nen

Lukas 1:21

Itithogon yogokhe korlek, it akhuni okutlu sembayan isi welagoukha emenogo nen, “Zakharia etnogo okutlu motok dukhi ageidek Allah ai halekma motok huk werek iti nayuk e!” iluk itithogon ugunem,

Lukas 12:45

Mekeat he, at atuaneke meke iti akla nen ebekhe dogolik, Noe etnogo ibat wiriogo dek iti, dogoluk nen wisigin higi, iluk, at oe atuaneke aperek ap dek, humi dek, tugi inakhik, hipiri men, anggur eken apusu men, oba la'buk nalok ilugun oba, anggur eken apusu iti nen ebe hunu-hunu palhik, hagakhe dogolik, at nen,

Lukas 18:8

Dek o. Ibarat inirlirli woginabigin o, iluk eberogonat yokhisigi. Itithogon hagarinabigin mekeat he, an abat itaklasi agagi etnogo yabokane witluk nen, akhuni agat oba meke yoma aperek inetaiken noba hakotdiluk werekma hisa isigin a? Dek a,” iluk yogeisasikhe.

Lukas 20:9

At Yesus nen itithogon yogeisasikhesik nen, yabokane akhuni emenogo wene ageikhe oba lisogon men yogeisasikhe, “Ap ageikhe wen waganekma anggur ai yakhikhe. Ya'iluk nen it aperek elanma hasik it inaen negen therogo dogoagaluk 'bisalok nen, o werlekma lalok iki ageikhe inomat dogoluk nen wisigiluk lageikhe.

Roma 13:11

Itithogon hagakhe dogosak iti nenaluk. Iti re, nit ebekeram ninetaiken Allah baga hakotdisugu itinem he, o hanotninabigin hurli walegat welageikhe. Meke re, yogotak horogat asi iriogo iti nen, hit noge ekhe lagap iti, hiniluk asusak mo aga iti hutdekhe lagap o.

Efesus 5:14

Itithogon lia baga 'bisinem ekagat atluk, lia agarek iti nen he, men egarek iti, “Hat noge ekhe lagan iti, hebe hiluk asin o. Nen, warek hakene welagan iti, hiluk asin o. At Kristus nen liathabigin o,” iluk egarek iti o.

1 Petrus 5:8

At Iblis, hinathili meke etnogo nen, singa yeke helo anini weak meke yi meke ti meke haumhogo nagaluk ane ke agan herarik nekherek iti hak, “Tha hak weagatdigin,” iluk herakhinabik liliogo iti, hinobabut hebelogo hinileken hanorogon dogono o.

A'bikaka 2:25

Meke re, an wisigin iti aban wageidek werek korlek, wene waganhigip meke itiat hiniki a'bethogon hago dogono o, iluk yokhisigi iti o.