Matius 25:41 - ALLAH ANE WENW KET MEKE WAROGO WOKNINAKHIKHE WENE

^41-43 Nen, it niki paike 'bisagein meke iti men yogeisagein, An nopase nen hit homan 'binagakhe meke yirani! An hipiri abu werekma, hit nen melaknikhidek, i abu werekma, hit nen woknikhidek, ap huso werekma hit nen woknakhidek, su ugu dek werekma hit nen ageikhe i'banhidek, u warek werekma men, niki herle warek werekma men, 'bitnea lageidek hagakhe lagagip o. Halok he, an nopase nen, at Iblis agarumi inebe doalegat inom, hetu nagulasusak dekma dogoagaluk inoboluk 'bisasikhemo etoma horla lani o, iluk yogeisagein.

Matius 25:41 ပူးပေါင်းရင်းမြစ်များ

Matius 13:40

Nen, it akhuni nen oka weak meke natogorlogo 'biluk hetu hunharek iti hak, o ilugun oba itithogonat hagasigin o.

Matius 13:42

tha'bokhogonat hetumo la'isaumo inaik kirlidik mak-mak hagakhe dogolik, di ago de ago motok dogogun o.

Matius 13:50

hetu aiko la'isaumo inaik kirlidik mak-mak hagakhe dogolik di ago de ago motok dogogun o,” iluk yogeisasikhe.

Matius 18:8

Hiniki nen a? Hinisok nen a, weagathinabusak hagatlaga halok he, ebelake palogo la'isalok, ebelake anek dogolik, iniluk motok dogogunmo etoma ukumo hano o. Meke re, hiniki hinisok iti pereat werekma hetu nagulasusak dekma etoma la'inagoumo weak o. Halok he, ebelake palogo la'isano.

Matius 25:46

it akhuni iti yi aik ti aik hekhe dogogun oba motok dogoagaluk la'isagein o. Mekeat he, it Allah ane hologo hagakhe dogogun meke iti iniluk motok dogogunmo etoma 'bisagein o,” iluk yogeisasikhe.

Matius 3:12

Gandum eken abubuleke hulusak hasik than oba huphogon la'igin meke, at iteerek meke ikimo werek iti. Karelusak oba tak-tak asi aga halok, hano meke halok, karelogo 'bekherekma hanoma 'bigik, abubuleke halok hetu nagulusak dekma etnogo baga la'isigik, hagasigin o,” iluk yogeisasikhe.

Matius 4:10

at Yesus nen, “Hat Iblis yi horla lan o. Allah nen ekhe dogolik, Hit nen, hinopase Allah Netagapogot anat hinitibagal yukukhogon napma ukitluk hogotnakhe dogolik, an nobasik anek hagakhe dogono o, iluk isikhemo holal waganogo 'bisukhama werek o,” iluk yogokhikhe.

Matius 5:22

Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Matius 7:23

an nen pakhogonat yigithogon yogeisagein o, Hit hinebe an nokodek o. Weak motok hagarik nekhe lagap meke iti nalilu ya dogogup o. Kikil warani, iluk yogeisagein o,” iluk yogeisasikhe.

Lukas 13:27

at nen, Hit o koma nen wagap. Hinebe an nokodek o. Hit weak hagakhe lagap meke noba uki agup o. Hit ya nenat piokthegat lani o, iluk yogkhisagein werek o.

Lukas 16:24

Ileken liagisalok nen, ane kokhogon men yogokhikhe, Abraham nopase a! An hetu aik weakma hinet motok weak wakhe lagei yoma hakmu nean o. Lazarus nen iki sisik ima usa'iluk nen, i mago na'bi baga hotok uagaluk, 'bi isuak nen yogosin o, iluk yogokhikhemo

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

2 Tesalonika 1:9

It itithogon ukum inoba 'biluk, ninoe Etagapogot obatneak nen hogorakho motok welageikharekma il oba etoma nenat weakma etoma motogat dogoagaluk la'isagein o.

Ibrani 6:8

Itithogon mekeat he, agat iti yi oka ti oka weak meke inom, pati arlok meke inom, dukhekherek halok he, “Agat yi we yugunat alomarogo werek iti weak na'it,” iluk Allah nen homan 'biluk nen, yabokane hetu hundumo tha'bokhogonat nigin o.

2 Petrus 2:4

It malaikat Allah nen yoko usa'isa agarek meke aperek weak hagakhukhama, Allah nen here'isigidek, ukum yabokane inoba 'bigiluk nen, o mummo weakma iniki herle warek dogoagaluk usa'isasikhe iti.

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.