Matius 25:10 - ALLAH ANE WENW KET MEKE WAROGO WOKNINAKHIKHE WENE

¹⁰ oko pala lagoukhama, at ap age ikhekhe meke etnogo arat wageikhesik, it inetaiken werek meke karelogo 'bakhalok welagoukha meke emenogo inom pesta isago nuogoluk wogosik uma ukisikhesik thu lakhikhe.

Matius 25:10 ပူးပေါင်းရင်းမြစ်များ

Matius 24:42

Itithogon hagatlasigin iti nen hit nen, Ninoe Etagapogot mera wisigin, hinokodek iti nen, hinobabut hebelogo dogono o.

Matius 24:43

Nen, ap aila iteerek meke ageikhe akla nen, O yogotak hibako, jam iti baga naila yoma ap ageikhe iki abusak waganigiluk ukisigin, iluk, ilu dogolepma re, at ebe aila iti thuam motok werekma, aila o pin talogo iki abusak wagani ukilep dek, iluk, hiniluat apigi.

Matius 24:44

Iti hak he, hit hinakla nen, At itinem wisigin, iluk apigidek akhirak werek korlek, an abat itaklasi agagi etnogo, arat wisigin iti, hit hinebe karelogo dogono,” iluk yogeisasikhe.

Matius 25:6

Itithogon noge isi korlek, hibako eketurlemat, it akhuni nen, Ap age ikhekhe meke etnogo ebe waga ili. Elokhoma witni o, iluk, inane amitmit kokhogon isukhama,

Matius 7:21

Itithogon yogeisasikhesik men yogeisasikhe, “Hit akhuni nen, an yoknekhe dogolik, Ninoe, ninoe, iluk ekhe lagap iti baga hinebe tha'bokhogonat, an nopase pogot oba meke apma 'bisekherekma etoma ukilugun dek. Pogot oba ukilugun iti re, it an nopase pogot oba meke akla apekherek meke mothogon hagariogei meke anegat ukilugun o.

Lukas 12:35

Itithogon yogeisasikhesik nen, yabokane yogeisekhe dogolik, “Ap kok meke humi iginakhunem lalok isago nalok wagunem, agarumi atuaneke meke therogo inobabut hebelogo werekma, at apuke witluk thu puputhasinem ibat hualhegarek hak, hit meneke, hinasu hanorogon ikhogo nen hinageisagal yibarlogo 'biluk dogono o.

Lukas 13:25

Nen, o etoma ap ai iteerek meke iti melatluk, thu tetnokhogon lakhe dogoumo nen, hit itikman metek dogolik, thu puputhekhe dogolik, Noe! Thu hualnisan, iluk yogosugun meke re, at nen, Hit hinebe an nokodek o. Koma nen wagap, iluk yokhisugunem,

Kolose 1:12

ninopase Allah heagei wakhik, hagakhe dogosak iti. At ninopase nen, at a'buri aperek hinomat lia baga hinaierek erlok dogoagaluk hagathinakhikhemo welagap iti nen, arat heagei wakhe dogosak iti.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

1 Petrus 1:13

Iti nen, wene iti hutdiluk nen, holak pirlirli luogoluk inobakha herle a'bethogon wakharek iti hak, hinobabut hebelogo, hinetaiken ekerlogo dogono. Itithogon dogolik, hinakla nen, “Allah nen Yesus Kristus ebe thelekmaat la'i agunem hano meke woknisasigin o,” iluk hinetaiken at oba la'iluk oba eberek motok dogono o.

A'bikaka 1:7

Lakhani! At ebe oisa baga wagunem, akhuni tha'bokhogonat inebe dopok men, it at thege karluk wakhukha meke men, inomat nen inileken lakhekhe dogolik, inukuloak etaga tomok tha'bokhogonat de asugun o, iluk yokhisigi iti, “Ebeat asuak o,” u hak, “Amin,” igi iti o.

A'bikaka 19:7

Itithogon dogolik, Domba Eak age negen ikhagaluk ai arat wi agama, at age negen etnogo arat ekaerek nen tomorogo 'bakhekhesikmo nogo nen, ebe arat isigin iti nen ninakla arlekenhogon, akilukhogon, at hogorakhe dogouok o.

A'bikaka 22:20

Nen, wene iti tha'bokhogonat, eberogonat iluk ekherek meke, at Yesus etnogo nenat, “An ibat-ibat wisigin o,” iluk iliogo. Itithogon isinem, an nen he, “Yesus noe. Hat ibat-ibat wisigin iti, ebeat asuak u hak, Amin, wetno,” iluk ekhe lagei.